我咁樣整個兔兔個家可以嗎??有冇D抵用D嘅墊材呀??

QQ訓緊果度係條毛巾...因為我怕佢凍...
另外廁所就放左係放草同水樽果度,,,因為佢係邊食就係邊柯..
個底就放左紙砂...
我發現自從我放左毛巾入去之後...佢好小係毛巾果邊臭臭同尿尿!!
廁所入面我只係放左一張抹手紙...因為我每日都會同佢清理廁所2次..
同埋紙砂對我黎講
真係幾貴...
所以我將D紙砂分左2邊...毛巾果邊只係間唔中先發現幾粒臭臭..
而放草果邊就日日都一大堆
唔知我咁放D野有冇問題呢??
有冇D野係要加OR減架??
只要大家比意見我,,,我都會接受!!
我只希望QQ有個舒服嘅家....

另外大家可唔可以介紹D又平又抵用嘅墊材比我,,,
我依家用緊果隻紙砂成100蚊先得10L...
我3~4日已經冇左大半包啦...
希望大家幫幫我啦,,,再係咁我破產啦

你可以買大包紙砂30L，賣緊180，或者用木砂or紙粒，兩隻都會平D。

syt174698 發表於 2013-3-1 08:08 AM
你可以買大包紙砂30L，賣緊180，或者用木砂or紙粒，兩隻都會平D。

係邊買架...可以咁平嘅,,
另外紙砂同紙粒有咩分別呀??

其實紙砂主要用廁所，或者因為兔兔唔識去廁所時舖。
我初時就舖尿布墊底，而家有一隻好乖，識用廁所，我舖地毯墊底，等佢舒服d。
如果兔兔乖，尿布都唔需日日換。
而家廁所都用吸水紙加少量紙砂，每日換一次，一包10L 都用兩星期左右.

兔兔如果已經識得去廁所，咁只放D紙粒或者木粒係廁所入面, 出面吾使再舖任何墊材

如果仍有尿尿係厠所附近，經濟D可以用尿片, 不過要睇下兔兔會唔會咬，放一塊尿片係廁所果邊籠底，上面放廁所

草架掛位依家還可以，因兔兔仲細，我會建議掛係廁所對面，或者直接放係籠底，即係尿片上面

得呀
有比心機
抵讚
慢慢來
你地活得開心就得

已經好好啦，籠夠大，除左樓上幾位提嘅幾點
用返籠內草架或草球好啲，個籠係橫紋，食草比較辛苦

首先，個廁所你可以買狗狗尿片鋪底，我買個隻就$100 50塊（可以一開４用）
另外貓砂你買大大包就夠用，其實廁所出面唔駛鋪都得！～～

草架同水唔好放係廁所上面
兔兔長期企係廁所Ｄ格格度對佢隻腳唔好！～

若果兔兔學識去廁所,廁所外邊唔用墊材都得,我係個廁所裡面放木粒,阿囡d尿尿都幾臭下

carefresh 白色都抵用呀  
$118 就有 50L
我屋企6隻b 都可以用到2個月~

另外也可考慮尿片  
識搵既  $ 60  有 100片  (33cm X 45cm) / 50片 ( 45cm X 60cm)
希望幫倒你~

如果天冷  即  十幾度  
籠外可舗毛巾圍 三邊添

MonicaWong 發表於 2013-3-1 10:09 AM
其實紙砂主要用廁所，或者因為兔兔唔識去廁所時舖。
我初時就舖尿布墊底，而家有一隻好乖，識用廁所，我舖 ...

因為佢仲未係好識去廁所呀....
所以次次換都換好多呀...
真係好貴.....

hh0 發表於 2013-3-1 10:15 AM
兔兔如果已經識得去廁所，咁只放D紙粒或者木粒係廁所入面, 出面吾使再舖任何墊材

如果仍有尿尿係厠所附近 ...

但如果佢尿尿係D草上面可以點呀??

Insomniahk 發表於 2013-3-1 10:17 AM
得呀
有比心機
抵讚

多謝哂...
不過仲有好多野可以改善呀

wesky 發表於 2013-3-1 12:11 PM
已經好好啦，籠夠大，除左樓上幾位提嘅幾點
用返籠內草架或草球好啲，個籠係橫紋，食草比較辛苦 ...

係咪D可以掛係籠入而嘅架..同埋就咁放係籠嘅波波呀??

smallsuishan 發表於 2013-3-1 12:48 PM
首先，個廁所你可以買狗狗尿片鋪底，我買個隻就$100 50塊（可以一開４用）
另外貓砂你買大大包就夠用，其實 ...

但我發現我放開左個廁所佢就唔會係廁所臭臭同尿尿啦...
佢真係係邊食就係邊柯...