本帖最後由 all_loving_it 於 2013-3-17 12:34 AM 編輯
你兔兔今年多大? 其實你所講既兔兔生骨刺, 即係骨質鈣化, 係骨骼老化其中一個現象, 係唔會康復, 只可以採取措施, 將症狀儘量減輕, 下面係一d建議 :
- 唔好比兔兔跳高跳低, 如果籠有二樓, 就要拆除
- 平日我地屋企既地板同籠底盆都對兔兔黎講太滑, 對年輕健康既兔兔黎講無咩問題, 但對年紀大或骨質出現問題既兔兔係相當負擔, 亦會令病情嚴重, 所以籠內可以鋪上carefresh, vetbed之類, 籠外活動範圍鋪上軟墊膠墊之類
- 如兔兔有用廁所, 廁所上既網格要拎走, 直接鋪墊材/vet bed, 減少腳仔所受既壓力
- 注意保暖同降溫, 因為天氣既突變, 會令兔兔骨痛復發, 亦會令抵禦能力大幅下降, 所以保暖同防暑方面要加強, 亦儘量保持居住環境干爽, 如開抽濕機/冷氣
- 因為骨刺出現痛症令平日做開既動作遲緩, 亦可能因此導至尿尿姿勢不正確, 會比尿尿整濕, 引起尿灼傷同其它問題, 所以要留意
- 骨刺係會影響消化系統問題, 影響排便同飲食, 注意兔兔平日既飲食量, 如發現飲水量少就要人手餵, 以免引起脫水同飲水量不足既情況, 若有餵干糧, 要先用少許熟水浸軟, 可以有助兔兔消化, 若食量少, 需要人手強迫餵食, 亦可多餵各樣蔬菜
|