兔兔飲好少水

我家兔兔飲好少水呀
有冇問題架

除左飲少左水, 佢平時食咩草糧? 最近飲食及便便情況有冇唔同??

sorry...補充返
佢係新來我家，兔兔係向寵物店買，店員話佢兩個月大
佢每日都有食好多草，本來有一個大水樽比佢，但唔知係咪佢太細，佢的唔到個水樽波波飲唔到，跟著買過個新比佢，佢的到個波波，但的幾下又唔飲，跟住我試下用個豉油碟放啲水比佢，佢一陣間就飲晒…………激死我
但用個豉油碟比佢飲，佢又成日踩落去又打反搞到濕晒…………
都唔知點好……

水樽係未掛得太高呢
影相張黎研究下

我最初都買左3個先有一個岩我隻囡，最後E字頭牌子最fit，佢好易頂到粒珠飲水！

可能掛太高,同埋個個牌子既水樽都唔同,都d易頂d,有d就難頂d

你要買個細咀俾佢, 如果佢太細, 你真係要掛起個水DULL佢飲.

你只兔兔既體型幾大?  係咩品種?

你指飲得好少水, 即係每日飲幾多到?

兔兔飲水同佢既體型大細同飲食有關, 如果佢係以食A草為主, 咁兔兔會相對比食T草飲水量少

寵物店既兔兔一般都係一個至個半月大到 (除左某寵物店I **** RABBIT賣有出世紙)既兔兔之外, 一個月大既兔兔都未完全斷奶, 所以佢地飲水量係比較少, 有部份又係飲幾下就唔飲, 不過, 你要去衡量佢飲水量係咪太少, 你係要計佢全日一共飲幾多先得, 唔係睇佢每次飲幾多下

另比兔兔食既兔糧要先用少量水浸軟, 因為BB兔消化力較弱

咁樣放水樽有冇問題？
佢係貓貓兔黎架~
而家每日都只係早晚餵一拳頭左右a草，t草就大量（早晚加一次滿草架）
佢每日飲呢個樽4份1左右啦，咁算唔算少呀？