兔兔呼吸問題

大家好，最近兔兔有健康問題想請教一下大家。

兔兔最近幾日開始呼吸急促，趴底後會間唔中仰高頭呼吸，而且較以前用力，食草仲少左一半(但不肯定減少食量是否與草的質量有關因為最近草不太靚)，有瘦到，其他一切如常大便情況細粒但無大問題，精神都好好，呢幾日勤力吸塵但呼吸未見有改善，我想睇醫生但最近的dr Hugh 睇過两次印象不太好，因為我家養的是中國大白兔佢體檢時話佢頭刑較尖可能係遺傅或者後天因素但其實呢種類既兔兔係咁，dr ma都有咁講過大白兔係咁，而且dr hugh診所既姑娘好似對2kg既兔仔好驚奇，話好大隻，但問題是dr hugh檔期不滿，dr ma需等較耐而且好遠，我只有養兔子不足一年經驗希望大家可俾啲意見我，兔兔是兔女約两歲多，未絕育，半年前照過x光片一次，未見有腫瘤問題， 感激！

係咪天氣太熱?

如果咁擔心又唔知咩事，帶兔兔去Dr.ma度check下都好吖，不過記得帶冰種！

你覺得Dr. hugh唔o岩feel,又嫌dr.ma遠,你想我地點幫你?  你問得黎都book左dr.ma去睇啦!  

你話兔仔呼吸得快,又食得少,又瘦左,是但一樣都令人擔心。到你隻兔仔去到用口呼吸的時候,咩都太遲。我相信星期六或者星期日,你點都會抽到時間去睇dr.ma。大半前的檢查畢竟是大半年前了, 無人知呢半年有咩變化。

意見就是：快book dr.ma!!!

dr hugh檔期不滿?我唔明你意思？

Dr. Ma係中國人，溝通都方便D,搭港鐵好快到，兔兔有腫瘤，建議你盡快帶兔兔睇醫生。

其實.....我唔係好明你想問d咩?

若果兔兔有病就要睇醫生,就係咁間單,而識睇兔仔既醫生,香港又唔係好多,dr.ma又係香港人,容易溝通,同埋若果唔係急症,預早book定問題不大,我自己住新界,無論搭mtr或巴士去睇,都要預個半鐘,來回3個幾鐘,最快就來回call車,但要洗多幾百蚊~

同埋,我之前對兔兔都係大白兔,都無咩大問題,其實,都唔使在乎d姑娘好唔好奇,最緊要係睇得好o者~又或者你都係擔心,都係繼續帶兔兔睇醫生

而家天氣熱大力左呼吸都有可能,有無幫兔兔剪毛,開冷氣,冰種或風扇?

Dr. Hugh話兔兔咩事?  比左咩藥?
按你所講兔兔既情況有幾個可能 :
- 初期上呼吸道
- 肺炎, 呼吸系統嚴症
- 敏感
實際上你兔兔係咩事, 依度無人答到你, 因為大家都唔係兔醫生, 就算兔醫生都唔可以隔空去診斷, 所以, 你必需再同兔兔去睇醫生

你所講既情況, 兔兔明顯已經同往日差好遠, 并唔係咩一切如常同無大問題, 食草少左一半係好誇張, 因為攝取粗千維不足, 再加上身體不適, 令消化系統蠕動減慢或脹氣問題令便便細粒左, 兔兔既飲水量, 食量, 活動力同便便既情況都可以反映出健康狀況, 你兔兔已經有明確既信息話比你知有問題

兔兔係好有忍耐力既動物, 佢地就算唔舒服都唔會表現出黎, 一般初起既病況, 兔兔會有唔明顯既病徵, 情況轉差會出現飲食量減少, 再惡化落去會唔願出郁同無精神, 當出現依個狀況兔兔已經好嚴重

無論兔兔有咩病, 都要把握黃金治療期, 如果延誤醫治, 好難完全醫好或落下病根, 希望你可以把握時機

另你提及Dr. Hugh話兔兔因為受遺存影響令頭形比較尖, 佢講得無錯, 當然中國大白兔本身頭形較尖, 但尖既情況係會受遺存影響

既然你覺得Dr. Hugh唔係咁岩你, 咁你就要去同兔兔睇其它醫生, 就算幾遠你都要去睇, 你可以call van仔直接同兔兔去睇醫生, 無咩難度, 問題只在於你點去安排

另你提及因為兔兔呼吸有事之後, 所以, 你依幾日好勤力吸塵, 但情況未見好轉, 依個情況係好正常, 你平日幾耐吸一次塵, 打理屋企衛生

另你只兔女已經兩歲, 咁你做咩唔同佢做絕育?

Dr. Hugh話兔兔咩事?  比左咩藥?

按你所講兔兔既情況有幾個可能 :
- 初期上呼吸道
- 肺炎, 呼吸系統嚴症
- 敏感

實際上你兔兔係咩事, 依度無人答到你, 因為大家都唔係兔醫生, 就算兔醫生都唔可以隔空去診斷, 所以, 你必需再同兔兔去睇醫生

你所講既情況, 兔兔明顯已經同往日差好遠, 并唔係咩一切如常同無大問題, 食草少左一半係好誇張, 因為攝取粗千維不足, 再加上身體不適, 令消化系統蠕動減慢或脹氣問題令便便細粒左, 兔兔既飲水量, 食量, 活動力同便便既情況都可以反映出健康狀況, 你兔兔已經有明確既信息話比你知有問題

兔兔係好有忍耐力既動物, 佢地就算唔舒服都唔會表現出黎, 一般初起既病況, 兔兔會有唔明顯既病徵, 情況轉差會出現飲食量減少, 再惡化落去會唔願出郁同無精神, 當出現依個狀況兔兔已經好嚴重

無論兔兔有咩病, 都要把握黃金治療期, 如果延誤醫治, 好難完全醫好或落下病根, 希望你可以把握時機

另你提及Dr. Hugh話兔兔因為受遺存影響令頭形比較尖, 佢講得無錯, 當然中國大白兔本身頭形較尖, 但尖既情況係會受遺存影響

既然你覺得Dr. Hugh唔係咁岩你, 咁你就要去同兔兔睇其它醫生, 就算幾遠你都要去睇, 你可以call van仔直接同兔兔去睇醫生, 無咩難度, 問題只在於你點去安排

另你提及因為兔兔呼吸有事之後, 所以, 你依幾日好勤力吸塵, 但情況未見好轉, 依個情況係好正常, 你平日幾耐吸一次塵, 打理屋企衛生

另你只兔女已經兩歲, 咁你做咩唔同佢做絕育?