兔兔食草及行為管教策略

啫喱仔三個月大，係呢個forum爬了好多文，覺得每隻兔都有唔同性格，所以有唔同相處/管教方法…想分享下啫喱仔既情況，希望大家俾d意見，謝謝大家！

T草:

開始俾oxbow，見佢唔食花反而專簡枝來食，所以買咗包momi 1st cut俾佢試，初時佢食得好多好開心，尤其粗既枝，食到索索聲，同埋cc大粒咗又變金黃色，所以索性轉晒momi 1st cut俾佢食，但一星期多d後開始簡走晒d粗既枝唔食，不過食好多葉同最鐘意食花，炒草情況非常嚴重，d枝跌晒落廁所好浪費，不過d cc又冇變細喎。於是我又再混d oxbow俾佢……結論係佢鐘意食oxbow既枝同momi既葉/花…我諗住轉momi 2nd cut 混 oxbow 俾佢，好唔好 (因oxbow太碎所以混momi，但又驚對佢牙仔唔好因為2nd cut d枝唔夠粗) ？

行為管教：

啫喱仔好聰明，返來第二日識去廁所vv (但隔兩三日總會有一至兩次去錯咗，唔知係唔記得定有嘢不滿…)，同埋教幾次就識出來玩唔會周圍vv，cc都係少量(幾粒only)，佢好活潑，出來玩鐘意狂跑圈同兔仔舞…不過聰明活潑既另一面就係頑皮啦:p！例如佢係籠入面加草俾佢時會興奮到攀籠，本來我冇乜所謂，佢開心就ok，但佢會攀唔穩跌親！其實我唔知應該温柔地鵝佢定要惡d閙佢，因為鵝佢唔係好work, 閙佢佢會即時stop但會驚，出來玩都有跑同兔仔舞，不過無咁多啦……大家點睇？(其實佢試過出來vv俾我閙完同罰坐牢後就冇再試過了，但每次閙完佢我都會好內疚同唔開心，好矛盾…)究竟啫喱需要嚴厲、定温柔、定高壓懷柔既管教呢？

唔好意思好長氣，不過真係好想知多d養兔仔既心得。{:soso_e100:}

食開某牌子草就唔好隨便轉草，2  cut都可以磨牙，當然1 cut係最好，你唔怕煩可以剪晒D花當零食比兔兔。