希望幫"飯飯"找個愛惜她的兔媽兔爸

我5月1日由旺角i love rabbit帶飯飯回家，名字"飯飯"係兔爸和囡囡改。
一直以來我和家人都非常寵愛飯飯，每日都會為她清潔所有用品和放她出來伸展身體，從來都不會胡亂給予食物。

2, 3個月前亦帶她做了兩次body check，dr ma亦話她身體好好，非常健康。
2星期前因淚管閉塞，亦已經睇了dr ma。

但是...我自己身體由8月頭開始出了問題，開始出現不停咳嗽，亦嚴重到每晚瞓到3點就開始呼吸困難。西醫, 中醫一個8月已經睇咗6次。不停有人同我講叫我唔可以再養飯飯，我開始唔敢接觸飯飯...依家已經由兔爸負責清潔所有用品。不過，因為我令到飯飯冇晒自由時間...我覺得對她好唔公平。因為我身體，令她失去了自由。

我很傷心咁下咗個重大決定，"要幫她找個愛惜她的兔媽兔爸"

希望有心收養人仕可以做到 (1, 經常幫她的居所清潔)，(2, 經常放她出來伸展身體), (3, 有病會帶她睇醫生)

希望飯飯找到個可以照顧一生的兔媽兔爸

侏儒兔 (女仔)
大約6-7個月大
未絕育
已懂得去廁所大大和小小

樓主, 希望你考慮一下其他兔友既意見啦, 飯飯真係好可愛, 屋企既野仲可以諗下點樣改變下, 我都記得肥肥主人個case, 佢都無放棄到肥肥呀

但如果你真係要放棄, 希望你幫飯飯搵到一個新既好主人先交飯飯俾佢.....因為飯飯實在太靚同可愛, 好容易俾d賣兔配種人士睇中......!!

多謝真心對飯飯有興趣嘅人~
多謝真心對待兔兔嘅人~
多謝真心提醒我嘅人~

我仍然為飯飯尋找一個最適合好的家，仍然努力了解真心想收養飯飯的人。如果已經和我接觸過的人，應該都知道我係一個超級謹慎嘅人，所以兔友們可以放心。

亦都重申同有意收養飯飯的人講清楚，我要為飯飯"找個愛惜她的兔媽兔爸"，不是要她到新的家受苦~

最好唔好唔要佢啦,如果真係無法再養,一定要幫隻兔仔做左絕育先,好容易俾人拎去配種,不停要佢生BB,好辛苦架!!!

飯飯已經找到一個最合適的家了, 多謝咁多位兔友。
飯飯在新的家會幸福快樂~