如何得到兔兔信任??

我家兔兔來了已經3個月...兔兔唔鍾意比人摸,唔比人抱,唔比人梳毛..
每次放出嚟玩,見到人行近少少就好似會比人迫害咁逃跑

已經每一日都同佢傾計,喺個籠入面摸佢..搵糧食氹佢引誘佢都係唔得=.="

都唔知有咩方法可以令到佢安心...

同埋唔知有咩方法可以教兔兔去廁所好..兔兔只係鍾意喺籠入面同埋喺我張床到殊殊
我已經固定左飲水地方和食草地方喺廁所隔離
但係兔兔一要殊殊就會喺廁所跳返落籠痾
兔兔當廁所係佢zzzz嘅地方..完全唔會喺廁所殊殊

唔知大家有冇咩建議??
感激!!!

你試下佢食野果時先同佢按摩.等佢知道舒服同善意.
至於去殊殊.我隻兔兔開頭同你都一樣.
要係佢地每次痾尿果下即刻丟佢去個廁所上面加關門坐監
一星期見效
以後都好乖.
咁當然要成日睇住佢.捕捉佢尿尿一刻啦

同我家飛耳好似, 又係四圍屙嫁, 3個月大我唯有當佢仲細 俾D時間佢啦... 每次佢上TOILET去, 我就會讚佢乖摸佢~

我果隻野因為超級為食, 所以好快就俘虜左佢既心~
不過我發現佢鐘意我摸耳仔, 之前佢生癬幫佢洗耳仔果陣,佢就會任我整!
我諗係因為佢以為我幫佢lum耳仔掛~
佢又鐘意我幫佢用手指抹眼仔! 次次都唔郁, 好乖! 佢又以為我幫佢lum掛~
我諗應該可以用兔仔之間既相處方式同佢地相處應該可以增進感情既!

至於去廁所! 我既方法係用紙巾將佢d尿尿吸左之後放係廁所! 之後佢就識去啦!
我之前都失敗過好多次, 最後發現一定要固定佢食野同飲水既地方, 仲有廁所既位置! 同埋如果佢痾錯位要用醋抹返, 如果唔係佢又會痾錯! 之後佢都好乖咁係廁所去, 不過有時佢係d邊位度痾, 搞到痾瀉尿...