平底籠應該墊咩

bb唔用得廁所，會將廁所反轉再反轉，咬個鐵架出來，盡力製造嘈音。唔用得毛巾尿墊膠墊，會不停挖地，反起哂毛巾尿墊。
用紙粒？木粒？carefresh？混合？
如果carefresh三吋厚日日換咪好貴？
要鋪幾厚？
佢不停挖地，非常勤力，攪到我2.5小時瞓吓醒吓，最終半夜三更，加豬仔板，就靜了，好舒服好like咁食草瞓覺。

我隻仔同你兔兔好似，佢哋真係好有毅力，哈哈！！

廁所問題:  只要係文具鋪買兩個鐵圈 (五號子咁大用來穿notes個種)，將廁所扣住個籠，兔兔發覺郁唔到個厠所就唔會再搞/玩架啦。長遠來講用厠所會較好，衛生d兔兔都舒服d。

墊料問題：我阿仔都係好奇豬，咩都咬，而如果放咗d佢唔鐘意既嘢入佢籠，佢一定狂抓，好似想毀滅佢咁，真係好嬲又好笑。諗番我哋自己都唔想有自己唔鐘意既嘢係自己間屋，所以兔兔都係捍衛佢既家園啫:p  有冇試過下面既墊料？我阿仔ok:

-  厚布質地既玩樂墊，試吓自製一塊細，及用夾固定係籠到。如果用欄養，可用欄壓住玩樂墊既邊邊。
-  成兔草墊，可cover籠既大部份 (預你籠內有厠所及草盒，已cover咗剖份籠既area)，阿仔唔鐘意狂咬/抓，但佢係細兔(1.2kg重)，咬/抓咗一陣發覺徒勞無功就放棄，不過改係厠所到扮波，不滿
-  vetbed加咕臣套

你有冇用圍欄??  可能太悶先挖

不在外面，在籠內時，一有豬仔板就冇事，應該不是悶，係唔鍾意，點算

兔兔每日有無足夠時間出黎玩啊?玩唔夠會發脾氣架喎

同埋塊豬仔板會唔會佢咬唔郁,無得制造操音?

carefresh都唔使每日用三吋咁跨,佢係要挖,你舖幾吋都無用,佢都會挖到底

都係諗下點樣比兔兔發洩左佢既精力,兔兔就會乖乖架喇

raywong521 發表於 2013-10-2 01:36 PM
兔兔每日有無足夠時間出黎玩啊?玩唔夠會發脾氣架喎

同埋塊豬仔板會唔會佢咬唔郁,無得制造操音?

咁又係。
佢由baby到依家兩歲，都係瘋跑，試過去兔兔嘉年華，佢不停成塲喪跑，佢個樣又好enjoy咁噃！跑到我吖！人地隻隻兔都冇咁樣！
但佢又

raywong521 發表於 2013-10-2 01:36 PM
兔兔每日有無足夠時間出黎玩啊?玩唔夠會發脾氣架喎

同埋塊豬仔板會唔會佢咬唔郁,無得制造操音?

佢又好乖唔咬人，鍾意人抱，我懷疑佢有過度活躍症…
點算？難道以後用豬仔板？
因為個新籠個底唔平，又聽過唔好用豬仔板。

^^...我大妹個籠入面有兩個長方型果種廁所架...一個係比佢VV同便便..一個係比佢瞓架...
因為唔知點解佢好鍾意瞓廁所..所以比左一個佢瞓..我LING起左個鐵網咩都冇放入去..佢成日都就係入面瞓..仲瞓得好冧添...
另外果個就真係用黎VV同便便啦...我都係LING起個鐵網..入面放carefresh同麥粒..佢就自己跳入去VV同便便架啦...不過有時佢都會係個真廁所度瞓架..

佢係個長方型廁所床度瞓得真係好冧冧豬架...post張相比你地睇下啦..

佢個樣好靚好得意呀

我係唔會放棄，綜合大家比的意見：
- 佢精力太多
- 加厚墊料係無用，都係會挖落底
- 用廁所，唔要鐡架，仲要用玻璃膠黏實係籠度，因為即使用扣固定廁所，BB都會咬起個廁所又放低，發出嘈音。
- 籠底放VET BED加cushion套真係第一次聽，冬天試吓。用草墊試過，已經成為佢玩具及食物。用玩樂墊，佢都係挖，咬，仲好興奮，當成佢玩具，好嘈，難於固定，因為個籠底盤超過20CM高。

我唔知佢點解，BB就算出嚟玩，除咗瘋跑，撞，衝，就係鍾意挖地，屋企係地磚，佢都係挖，唔知做咩。但抱起佢，又比我抱，又肯坐定定係我大腿比我梳毛。
籠外有個狗廁所，三面有圍嗰種，上面加CAREFRESH，佢就會係上面VV，個狗廁對兔仔嚟講係重，BB都要頂吓佢，推吓佢，試圖搬動，又造嘈音了......
唉，呢隻就係我家BB。
我都知想唔用豬仔板，唔係一朝一夕，要多多嘗試。我會係放假時，於日間測試，因為晚間咁嘈，會比人投訴。唉，呢隻王帝仔。

..比心機呀...
其實我大妹都成日咬起個廁所拋架...不過係佢籠入面所有可以"刷"得出黎既野我都會用兔友講既NOTES鐵圈箍住係個籠度..佢整亂左我又整番整齊佢.....
其實我諗兔兔既天性係鍾意掘地..所以我家大妹, 二妹同三妹都會間唔中掘地架...而且仲好鍾意咬起D野黎拋..(脾氣衰..@___@...)..hehe

好得意呀, 睇到出佢好冧囉~ WAHAHA~ D兔兔脾性真係好特別~