新手養兔小問題

第一次養兔仔，係一隻2個半月大既安哥拉
好緊張，好驚佢有事，係咁上網睇資料
聽講兔仔要適應，唔會理人住
我養左第2日，第一日見佢好緊張，野都唔食
但係今日見到佢有食野
朝早我試過放糧係手掌到放係佢前邊，諗係喂佢，培養感情
不過佢唔食 我想摸佢 佢會走開 好似好驚我咁叫佢唔應我 有時我行過去 佢會嗅我一下 跟住轉頭/行開/轉開
我驚同佢熟唔到
我想問我應該點令佢快適應D 同埋我咩方法可以令佢唔驚我
依加佢唔鍾意係咪我唔可以摸佢?定係慢慢摸下等佢習慣??
Thank you~!!

重有佢得2個半月大，同埋黎得2日，又唔熟我地，我應唔應該放佢出個籠?

兔兔係好現實,你冇野食係手就自然走人

一返到屋企,除左清籠,加草,俾糧,咩都唔好攪佢住,等佢適認下你屋企還境先,兔仔係好慢熱,唔心急得

你可以去兔兔寶典度睇下

http://petkd.net/forum-69-2.html

就算唔係兔兔, 其他動物都係一樣, 每隻都有自己既性格, 都要相處過先會有信任

你見其他兔友同兔兔相處好好, 都花左好多時間架, 所以真係唔急得架~

你keep住親手餵糧俾佢食等佢對你多d信任先啦^^
平時可以同佢多d傾下計~

多謝兩位既意見
我親手餵糧俾佢 佢宿開 我應該keep住比佢啊 定係走開??

外加問題啊 我叫佢一陣佢唔理我 過多陣佢應我 行埋黎嗅我隻手一下 緊住用petpet對住我 我上網睇係咪姐係對我不滿啊??

arjackwok 發表於 2013-10-21 06:30 PM
多謝兩位既意見
我親手餵糧俾佢 佢宿開 我應該keep住比佢啊 定係走開??

暫時唔好理佢住

臨訓見佢望黎望去
係到嗅黎嗅去
比隻手佢嗅下 又嗅左一嗅避開我 走出角落
我拎左小小糧放係手掌
佢今次有過黎嗅我隻手
但係都無食糧
用舌頭點下我隻手指 勁開心

兔兔依加無咁驚
會食好多野 飲好多水
但係我一黎佢會去嗅下/點下我隻手
唔覺有野食就走開 搵背對住我 過一陣又過黎嗅下 又走開 姐係點?

兔兔依加唔驚
我比手佢佢會過黎
嗅嗅下無糧就會背對我 唔洗2秒轉番黎 見我隻手係到又嗅下 又轉走 重覆幾次
但係今日佢輕咬左我一下 無咩事 但係唔知點 咁好似係不滿..
我無做D咩點解都會咁? 唔比糧佢 比手佢嗅就會唔鍾意?