新手收養5歲兔兔仲有冇得教??

我係一個新手未養過兔兔,求教養方法,我應該要點做?因為我已經搵吾到佢舊主人。
兔兔5歲,因為朋友冇時間養所以我收養左兔兔..
收養左兔兔2個星期多,但佢吾係點食野..放好多落去但兔兔吾係好食,比紅羅白同菜心佢食佢先食,
一日比2棵菜或者2舊仔紅羅白有幾次仲柯尿同便便落去草度..
放糧裝食物兜度又成日同我反轉個兜倒晒D糧,最慘係佢連水都吾係好飲..
因為見佢甘樣我就去左寵物店問人應該點做..寵物店既人教我用尿片"賤"底,,跟住放大量草落去..
點知放左尿片之後佢咬爛晒不特上脾氣仲越來越差,,仲咬我,,咬到流晒血,依家放草,
拎佢個食物兜同執便便都會比佢咬一淡,,我有罵過佢咬人吾岩,我食咪吾應該罵佢??依家佢成日搵patpat對住我T^T
PS.兔兔係囡囡,冇奄..頭果幾日有放佢係屋企通屋走,但因為咬爛晒沙發底,同成日咬我,,屋企人吾中意所以困住佢。

兔兔要時間適應新環境同主人！

我俾兔兔咬左足兩個月，他先咬少D我！

兔兔都有情緒，可能係咁所以成日背住你！

你試下同佢傾多點偈！

俾點耐性、時間同愛！

幫佢按摸，等佢知道你係愛佢先！

佢地每日要食糧、菜及草！

你上兔協睇下！爬下文！

kwan104kwan 發表於 2013-10-22 07:54 PM
兔兔要時間適應新環境同主人！

我俾兔兔咬左足兩個月，他先咬少D我！

多謝你提供意見比我

兔兔好似小朋友，去到一個陌生地方會驚同唔開心，俾多D時間互相了解，加油！以下係睇BLOG、兔協網同自己養兔後既分享，希望可以幫到你。

食草：兔兔一定要食草，係佢主糧，一日要食兩個身型咁大既草0架。你俾咩牌子既T草俾兔兔食呢？同佢之前食開個隻一樣嗎？兔兔好固執，食開一隻突然轉就唔會食架。如果揾唔番前主人問，可能要試吓幾款兔兔常食既牌子，如oxbow, momi 1st cut/ 2nd cut, APD。至於放草方法，佢唔鐘意擺地就放草架，兔協有款草架好好用，放得多草又方便食。
http://store.hkrabbit.org/?sp=&p=6&cat2=110&cat1=34&cat0=17&id=203&cat1=34&cat0=17&new=&more=&s=074295071823a4612619b2b983c9a621&lang=big5

其他食物：糧都係同一個問題，轉咗牌子唔會食。糧兜買個重D既兔兔唔會反到，我會限時俾佢食，20分鐘就攞番出來。兔兔每日食菜好好，但唔可以日日食紅羅白，因糖份太高，最多一星期俾一舊仔當零食、奬勵。飲食須知請參閱兔協網址http://www.hkrabbit.org/knowledge3_ch.php

管教問題：初初返來最好俾佢係籠到適應下，俾佢知個籠係佢既屋企，有嘢食又安全既地方，3-5日後先放佢出來玩。兔兔好鐘意咬嘢，天性來0架，因佢哋門牙仔會不斷生長，鐘意咬嘢磨牙 (食草係最好既磨牙方法)。所以放佢出來玩可以用圍欄圍住一個地方俾佢玩，又或者圍住一D危險既地方唔俾佢去。咬尿片都好正常，我隻仔會係短時間內將佢咬碎，所以我唔會用。兔兔每日至少都要有三至四個鐘出來玩，可減少壓力唔會咁躁，又可促進腸度郁動，唔好困住佢呀。

總結：兔兔幾年既習慣一下子大轉變，佢都會好唔開心好唔習慣0架。而你又好好收留佢但又唔知佢以前既習慣，做既嘢唔啱兔兔心水所以佢先發脾氣、再咬你，你又罵佢，佢又會更唔鐘意你......惡性循環。慢慢來啦，伸手入佢籠前叫吓佢名摸下佢頭仔，兔兔好冧0架，冇咁易咬你。好多兔兔都唔鐘意人入侵佢屋企(即係佢個籠)，我以前唔知都俾我隻仔咬過，所以唔好咁灰心。加油！！

其實應該上網做功課,學下點養兔,無可能幾句就教得晒你點養

好明顯你而家既做法巳經係錯左

紅蘿蔔兔兔唔食得,菜心一日最多食三,四條,草就要食大量

同埋一隻5歲既兔兔,可以巳經係十分有性格,佢巳經有晒自己既性情,同埋佢肯定知佢自己去左唔同既地方,面對住唔同既人同事

兔兔天生係喜歡咬野,挖洞,係無得怪佢,若果真係愛佢,無得話佢咬野,就要困住佢,咁對兔兔好唔公平

更可況佢而家巳經比人遺棄,都無可能有好心情,若果你係兔兔,比人遺棄,你都唔會有好心情

同埋你伸手入籠,兔兔可能覺得你想攻擊佢,佢自然會咬你,兔兔而家好無安全感

若果你真心想養兔兔,可以講話比多d愛心,包容佢,慢慢教佢,多d爬文,同埋要比兔兔出籠玩,多d同兔兔傾計,慢慢兔兔會知有人對佢好,會無咁大脾氣

同埋你要清籠,比野食,可以先放兔兔出黎玩,咁樣可以避免沖突,至於咬野既問題,要同屋企人溝通下,點樣比地方兔兔玩,佢又咬唔到野,可以欄住某些地方唔好比兔兔咬,自己放兔兔出黎玩既時候都要留意

raywong521 發表於 2013-10-23 12:19 AM
其實應該上網做功課,學下點養兔,無可能幾句就教得晒你點養

好明顯你而家既做法巳經係錯左

多謝你,,我依家好努力去爬文..我有打去兔協問人..我日日都有抽時間同佢傾計令佢慢慢接受我^^琴晚兔兔乖左,冇咁怕我..開心佢開始接受我

CANDY520_1016 發表於 2013-10-23 09:57 AM
多謝你,,我依家好努力去爬文..我有打去兔協問人..我日日都有抽時間同佢傾計令佢慢慢接受我^^琴晚兔兔乖左 ...

好開始~加油呀^^