新手養兔 , 有問題問..

最近買左隻 賓尼兔 ,

買之前都做左好多資料搜集 , 買兔果時都同店主請教左好多野 ,

但開始養之後 , 現實同上網 / 問人 總有出入 , 所以想請教各位大大 ,

1 , 我個籠個底係膠底 , 平面 , 買果時買店主洗唔洗買咩墊底 , 草啊布啊木糠啊 , 佢話唔洗GA啦 , 係平面就得啦 。
問題在於 我上網睇到好多人養兔仔個籠都會加 墊 , 而我見到隻兔仔係膠底籠到活動果陣都好似有 "線"腳既情況 ,
係唔係膠底太滑 ? 定係只係太細隻(2個月大) 行路唔穩 , 我洗唔洗買墊 ?


2. 我買籠果時有間屋仔送 , 個頂係半透明既膠 。因此有送 , 所以冇買個新既 ,
問題在於 隻兔仔成日係到挖間屋仔 , 我知道兔仔天性係住係洞穴裡面既 , 但我個屋仔係透明頂 , 又唔係好大 ,
好似模擬唔到洞穴既情況 , 需唔需要換個不透光又大D既屋仔呢 ?


3. 我比佢既廁所係長方形既 , 買果陣係店主推介 , 個廁所有層鐵網 ,
上網睇到D人話個鐵網最好囉走佢 , 因為會整親隻兔仔 ,
問題在於 , 如果囉走左 , 唔怕兔仔會踩返自己D 屎屎尿尿到咩 , 兔仔尿會整親兔仔既腳腳GA WO
雖然我有放可以吸水既墊料係廁所到 , 但都係唔洗怕 , 就咁就可以囉走個網 ?

4. 水既問題, 第一就係唔可以用白開水啦 , 礦泉水都好似唔係咁好
剩返 蒸餾水 同 凍熟水 , 網上有幾種說法 , 有D話得有D話唔得 ,
我暫時都係比住凍熟水佢 , 但個心都係覺得 D 水有 "氯氣 , 唔係咁好 , 應該邊隻先岩呢 ?

暫時有咁多問題 , 希望有人可以解答我既問題啦. 感激不盡

兔仔緊係飲室溫熟水啦.....無問題架喎.....飲生水就肯定唔得,樽裝水你都唔使考慮

至於個廁所鐵網,我都無拎走,因為我兔兔係為五角廁,係膠既.....兔兔亦都唔會長期企走上面

至於墊料,若果兔兔唔識去廁所尿尿就一定要用,若果識去尿尿既,可以用布墊,可以有防滑作用,兔兔對腳會舒服d

1 平底籠係非常ok，兔協都唔建議用豬仔版(即有洞膠版，因有機會卡住腳甲弄斷流血)如果驚佢會線腳可考慮加布墊

2.我的兔兔通常都唔用屋仔，買返來的玩具，木屋，草屋等等入都唔會入去，所以比唔到意見你

3.佢識去就唔駛拿走底網，有時可能兔兔踩得耐腳痛所以拿走塊鐵就識用，我兔兔就係其中之一，一拿開個鐵網就識去，果陣我用carefarsh碎紙粒比佢廁所用直接踩，因為去兔協做義工有d兔兔都係用呢隻墊籠。不過最後解決方法我係買左個膠格的次所，咁就搞惦左了佢長期都會自己踏上去用了。

4.用平時煮熟的常溫水就可以，樽裝水唔得

見你問的野睇得出你非常錫兔兔，兔兔真幸福

1 , 籠底係膠底平面或磚地板滑無問題,  "線"腳既情況愈大會愈適應, 不過醫生講過可能會影響腿關節, 若發現佢行路有問題時要全部活動的地方都舖ABC墊

2. 膠屋可以避寒, 另外買草時的紙箱可以留比佢玩和挖

3. 你可以去Qx廊有豬仔板兔厠所, 對腳仔有好處, 尿尿好傷腳, 另外, 在硬地上行走時, 兔仔的體重愈重對腳底影響會大D, 我家的大妹因為較重, 所以腳底紅咗後無細妹咁快好

4. 水飲凍熟水就OK, 若怕氯氣 , 煲沸後煲多5-10分鐘, 氯氣就會全部蒸發