今日我隻兔兔離開左我(純抒發文)

好耐都無上黎啦。記得7年前有一隻兔bb喺我村屋出面跳跳下入黎我屋企，一入就入左7年。
頭一兩年，佢係一隻十分暴躁嘅兔仔，唔比人抱同摸，一掂親就抓同咬，當時我為左親近佢，真係日日都傷痕纍纍。
直到有1日，我發現佢隻後腳生瘡，就帶左佢都大圍睇獸醫，洗左成萬蚊醫左半年都唔好。之後上網周圍睇，見到e到有人介紹9龍城間診所。決定帶佢去睇Dr Amanda同做割瘡手術。做手術當日，醫生打黎話唔係腳瘡係腫瘤，佢割左d sample出黎送去英國化驗。當時等化驗結果嗰一個星期，日日都好擔心係cancer無得醫。結果發現真係cancer,要切腳先可以保住條命。
佢切完隻腳返屋企後，成隻兔變得好善良，一d都唔暴躁，仲會主動爬過黎我身邊。
7年，兔兔陪住我由一個year 1嘅大學生到而家返工。佢亦參與過我2個家姐嘅婚禮，見證過我姨甥女嘅誕生。
終於尋日佢食好少野，今朝我仲逼佢食草粉。我原本約左聽日睇醫生，點知夜晚返到屋企，佢已經離開左我。我望住佢瞓左喺個籠入面，個心極度希望佢會起身等我幫佢刷毛。直到我抱起佢硬晒嘅身體，先知道係無可能。我同屋企人安葬左佢，消毒地方。到而家望返屋企突然闊落左，真係令我好難受。

p.s 其實我打篇野只係想搵地方發洩下情緒，如果有所冒犯請原諒。

Rip...

你做過了
經歷過
豐富了人生

就放心哀悼一段時間吧

他年紀唔輕，可能真係係時間到彩虹橋享永生！樓主就保重！