新手擔心刺

大家好：

我係第一次養刺，所以有d問題請教大家，希望大家可以比比意見。

(1)琴日拎左隻刺仔返屋企，佢好驚，但後尾到左晚上佢開始同我熟，但佢每次有咩風吹草動都刺起，但佢文左我隻手ge時候佢又好似就安靜左。咁係未佢都仲係好驚，係未未習慣?
(2)佢第一日後尾有痾d屎同尿係個沙盤(係用貓砂)度，木槺做底墊，但佢挖曬d貓沙出黎，咁我個盤係未唔夠深，係未要換個深d，如果貓沙同木槺撈埋係未唔係幾好?係未要即刻清。
(3)到第二日佢又周圍痾屎(因為我改左個沙盤位置)，咁仲可唔可以訓練佢，搬番佢d臭臭係個沙盤度?
(4)呢幾日都十分潮濕，我屋企又幾潮濕下，如果屋企冇抽濕機，放吸濕大笨象係旁邊有冇作用？
(5)有屋企人食煙又搬唔到入房係未對刺刺唔好...


我都知我係問題小子，大家得閒就答下我啦。多謝大家。
其實我好擔心,我放房會比佢接觸到d潮濕空氣而導致生蝨，究竟係未好容易,好容易生蝨呢?

(1) 好正常既, 養左一日姐
(2) 無影響, 深唔深都會挖, 太深爬唔到入去, 通常見到有屎就清走, 溝木糠都可以
(3) 你可以繼續訓練, 但唔好甘高期望
   我無用沙盤之類, 只用木糠溝carefreah, 刺刺其實會有定點去all 既習慣
(4) 放吸濕大笨象係旁邊有冇作用, 最好梗係抽濕機
(5) 唔食煙對大家都好, 唔得既就無辦法, 但刺刺唔會因為甘而死

生蝨方面, 就算唔係潮濕天氣,
日日換墊料, 個籠乾淨就唔會生蝨
見個別養刺人士以為用一些吸味吸水較強既墊料就可以耐D先換
其實唔岩, 用咩料都應該日日換/換部份濕左既
另外新買回來就要觀察下, 有D係買之前已經有蝨
0甘你點防都無用啦
我養左2年幾都無呢個問題, 0甘你話容唔容易呢