新手養鼠.... 但隻鼠鼠甩毛呀, 唔知點處理

我今晚領養左隻鼠鼠, 前主人話隻鼠2-3日冇沖涼, 仲甩好多毛, 佢而家不停咁"R", 背脊啲毛甩晒咁際
因為我未買任何用品比佢, 只得包食糧, 我用個木盒舖左塊廚房紙比佢暫住, 聽早先去買嘢
而家啲便便一粒粒咁係張紙上, 我驚佢已經有細菌感染皮膚呀, 點算好
我係咪要帶佢睇e生, 定係比啲沖涼粉佢沖涼就ok

啊... 仲有呀
鼠鼠多唔多飲水, 因為冇水樽, 我怕佢口渴, 捱唔到聽日:065:

做咩唔買左用品先去領養??
你可以用手餵d水佢飲住先~但絕對需要快d去買用品~
佢甩毛係甩到見到皮??咁好可能有皮膚病= =我相信去睇醫生係最好的選擇= =

係呀, 見到皮
我係前日應承左領養, 但呢兩日完全冇時間去買, 要聽日放假先得閒
我用手唔驚呀, 不停咁抓狂, 抓個木盒, 好似想逃跑咁

係我用手佢好驚先對, 同埋我唔敢抱起佢, 因為佢太驚, 不停咁抓個盒要走, 我怕嚇親佢

點解唔準備好哂先拎返屋企呀? 你冇時間買咪推遲先拎!
鼠鼠幾日沖一次涼, 2,3日唔沖都唔會搞成咁
佢幾大? 背脊啲毛甩晒咁滯已經好嚴重! 可能係敏感, 感染, 有虱等等
http://www.petwebsite.com/hamsters/hamster_fur_loss.htm
佢食慾如何?
其實甩毛甩到咁, 無論係咩事都應該睇醫生

飲水方面, 你乜都冇, 只能用手, 但係佢o岩o岩到步一定會驚
有冇幼管仔可以用? 但唔好比佢咬爛食落肚
其實比人放o係個盒, 乜都冇, 已經夠驚

盡快book (dr tiger/dr jaime)
http://www.taiwaiexotic.com/

佢上一手主人都唔知點對隻鼠嫁..甩毛甩得咁勁都唔理下佢..

我都知我唔好啦....:011:
我切左啲橙入去, 希望佢有啲水份, 好彩佢都有食
佢有食瓜子呀, 因為上個飼主只係比瓜子佢食, 佢可能未食過其他野, 所以冇食啲粟米粒

遺棄得佢, 唔方對佢好..
樓主有冇膠箱? 日本城o個d呢~ 夠大o既話而家用住先, 好過個盒
廚紙你可以斯到細細條, 約手指尾咁長, 比一堆佢做墊材
另外搵個膠盒仔之類做住屋仔先, 今晚凍, 冇屋仔唔得
要留意如果用膠箱唔好蓋, 空氣會唔流通, 同埋凍o既話最好搵膠file/毛巾之類蓋住擋風, 但係唔好比佢跌落去比鼠鼠整到
另外要夠高身, 如果唔係可能會走鼠

唔知係咪屋企人訓晒又冇左電視嘈吵聲, 而家好靚, 佢好似定左好多, 冇抓狂

淨比瓜子?! 咁多謝你救左隻鼠鼠! =_=
其實橙唔係幾好, 係有水, 不過太多, 易肚瀉
我覺得你比菜(白菜,小唐菜等等正正常常的綠葉菜)會好d
浸乾淨, 抹乾, 比少少(手指頭咁大塊)鼠鼠

而家好靜, 不過一對佢講野佢又神經質咁抓野

鼠鼠唔可以食橙嫁= =..會死嫁
留意下有咩食得
http://zizi-land.info/viewthread.php?tid=1585&extra=page%3D1

http://zizi-land.info/forumdisplay.php?fid=44
去寶典睇返有咩你唔明o既野, 仲係唔明就再問!
你聽朝一早book醫生啦!

聽日一定要帶佢睇醫生啦~我懷疑之前個主人係見隻鼠有病唔想要...冇理由咁嚴重都唔醫左先...
仲有今日都算凍凍地~要注意保暖..