新手買鼠鼠一問 , 用品一問

小弟將會第一次養鼠鼠 ,
應該買邊種鼠鼠?
我應該買幾多隻 ?
我又唔想佢悶 , 買多d玩具定買多隻鼠鼠 ?
我第一次應該買咩籠呢
d籠邊隻幾好用有唔太貴 ?
咩牌子好用呢 ?
用品方面我應該一開始買咩 ? 買咩玩具 ?

小弟住天水圍 , 請問元朗 , 天水圍 , 屯門邊到有得買鼠鼠同用品?


唔該各位

其實你問o既都係基本野, 爬多d文搵多d資料再決定都未遲
http://zizi-land.info/forumdisplay.php?fid=44
可以參考下先~

買邊種鼠就個人喜好, 熊仔鼠就大隻, 同埋好痴身, 需要多d時間
銀狐, 小紫王, 小灰霸, 布丁等等o既鼠就比較容易照顧, 而且細仔鼠黎講通常最親人
雲石等等就惡d
小露寶動作好快, 又比較細膽, 要有好多耐性先可以上手, 新手就唔建議養
不過當然都要睇鼠鼠本身性格

其實鼠鼠有轉轉, 已經唔會悶~ 你可以買d管管之類比佢

你係新手, 養一隻會好d, 同埋鼠鼠要獨居, 兩男/兩女會打交, 一男一女會打交+生仔

買咩籠就睇你養咩鼠, 熊仔鼠要多D地方
如果你想又平又大可以用膠箱, 但係水樽同轉轉要花d心機諗下擺邊(或者轉轉用支架)
籠當然係愈大係愈好, 當然留意通風, 會唔會有好大o既空位可能走鼠, 易唔易洗, 耐唔耐用
用品要有水樽, 轉轉, 糧兜, 磨牙石, 沖涼沙/粉, 墊材(木糠,carefreh,廚紙等等), 廁所+廁所沙(唔一定, 不過比d心機o既話係可以訓練鼠鼠用廁所)

唔知有冇漏左, 有o既就請大家補充或更正~

仲有鼠鼠係需要每天o既照顧, 換水換糧等等, 定期要洗籠同沖涼
糧方面最好買淨糧, mazuri蛋白質多, 後生鼠o岩食, oxbow纖維多, 通常肥仔鼠/比較老o既鼠食
可以買麵包蟲乾, 燕麥片, 葵花子等等做零食, 但唔好比太多
鼠鼠病左, 醫藥費淨係診金都$2xx, 貴過人睇醫生

唔該你 , 仲想問你頭先以上既用具 + 埋要幾錢 ? (唔計籠)

如果計埋籠 , 最小要幾多 thx

最緊要既一樣野..假如你隻倉鼠病左..你會唔會拎錢帶佢去比vet醫?

閒閒地都幾百蚊..仲可能唔止睇一次就搞掂..未計針藥,,"

籠幾十蚊到幾百蚊都有
用品就唔用牌子唔同樣又唔同, 唔記得話埋要買屋仔
同埋墊材, 沖涼粉唔好買有味

細賢講得o岩, 鼠鼠傷風, 睇一次醫生都起碼400蚊埋單, 人傷風都唔洗咁貴
其他病, 其他針藥又可能仲貴

4# michael0101


其實倉鼠最基本要有籠,轉轉,食物兜+食物,水樽,木康就可以
籠既最平60幾蚊有個 最貴可以去到300幾都有
睇你自己點揀
轉轉有size分 睇你養咩種類既鼠鼠
最盡都係60蚊內
食物兜加食物  如果你係買混合糧 其實最小份量就50蚊內 連兜都係70-80蚊內
水樽 平既20內 貴既50幾都有
木康睇你要邊隻 真係有貴有平
其實加加埋埋 樣樣都中中等等咁 連埋隻鼠 200-300就搞掂

養鼠係一門學問, 好多野要自己睇資料, 爬文, 自己出去睇用品, 先會明白用理解
一定要自己知道基本野先, 再問人, 人地答你, 你都知人地講緊咩
養鼠係一門學問之餘, 養隻鼠就好似自己生左個仔咁, 要照顧佢
同生個仔唔同o既係, 個仔大個左識照顧自己, 隻鼠就要你照顧一世, 包括醫療

6# lamzizi


其實養鼠鼠 醫生錢一定係最貴...
所以一定要打整好隻鼠鼠至得...
我都唔記得左要買屋..
因為我養小露寶 佢細隻  我加左好多木康比佢 就可以當左係間屋咁比佢訓....
籠既SIZE.. 最少都要有30CM X 26CM..
一般市面上好多既籠都係太細.. 根本唔夠鼠鼠去活動
除非你話你淨係想佢係轉轉上過世啦=_=
最好買沖涼沙... 因為沖涼粉既清潔程度冇咁高.
鼠鼠一星期涼1-2次就夠 沖太多抵抗力會低 就容易病
廁所沙既話 其實我建議用貓砂代替比較好... 貓砂凝聚力高 容易清理 又大舊 鼠鼠一般難食落肚
但如果食左就........... - - 你韉既話就買番鼠砂就可以~

本人係住天水圍 有咩可以問/add我 [email protected]
yl嘉城有一隻8rabbit 個老闆好好人 我都成日去個度同佢傾計
tm雅都又有一間8 RABBIT 個個店員冇咁好 但個度D貨唔錯....
買鼠唔好去MK! 買籠同埋用品就得!
但記住唔好盡信店員講既野 佢地係為左SELL野不惜一切亂講野!....
咩5鼠一籠都講得出 只要個籠夠大 - -  根本就係要一鼠一籠!

8# lamzizi


我非常認同!
有d人買鼠鼠番黎 因為佢個一刻可愛..
之後覺得佢唔可愛 就唔理佢死活 養鼠鼠一定唔可以抱住呢個心態
你買得佢番黎 你就有咁既責任義務去take care佢既一生!
youtube有段片 有個女仔買左倉鼠番黎 因為隻倉鼠咬佢 佢就拎左去餵蛇!
買得佢番黎 佢就係你既.. 佢冇任何選擇權..
咩都係我地比佢 所以.. 譎每一位主人都要好好咁看待你既倉鼠.......
p.s 題外話 我發覺lamzizi打字好鬼快= =

我住既地方(天水圍)附近地方邊到有得買用品同鼠鼠 ?

10# drumlouis


嘩o個個女仔直頭變態啦! 仲要問候隻鼠鼠阿媽囉=_=

我回覆, 你都係睇到我回左d咩架咋喎~ 又會知好快o既xd

11# michael0101


睇我回覆
我加左!
你可以ADD我問野! 我會盡量幫你
本人養左6年鼠 亦都鼠鼠就一定既知識

12# lamzizi


你打咁大段野- - 證明你打字幾快=  =
個段片我同我啊哥睇到講粗口- -
我啊哥同我都係養鼠之人
我同佢加加埋埋有20隻倉鼠=.=
成房都係-.-

14# drumlouis


原來係咁~

20隻鼠, 咁厲害!