慘, 有沒兄弟姊妹可以救下我既DeDe, 我唔想無左一隻又無埋佢

我既叮叮走左無耐, 我唔想連陪左我咁耐既DeDe都走埋
事情係咁....佢已經差不多一年零十一個月大, 最近皮膚出左問題

佢近尾巴以上既位d皮膚最近出現左好多結左焦既野出現, 好似我地人整親後會結焦咁既物體
而背脊位(尾龍骨)就出現左好多好細好似乾皮既小形黃色死皮咁(摸上去會感覺到突起)
心口附近有兩個甩皮位置出現, 有d硬皮既情況
但食慾同精神都好好
我見皮膚情況都不太樂觀, 13/5/2010早上已經帶左佢去睇全香港最好既大圍Dr.Tiger
佢睇完後大約係咁講
眼,耳,口,鼻,牙,心跳都正常, 摸腹部後都無有腫瘤既象徵
但當拎痴左佢腹部同心口位置既樣本去化驗(結焦位因為太乾所以痴唔到樣本), 佢話白血球過高, 有少少細菌, 表面上無癌細胞
佢覺得除左係年老倉鼠易有的問題外, 頗為懷疑佢淋巴有問題(唔肯定係因為要麻醉切d組織化驗, 但年紀大麻醉有危險, 我拒絕了)
佢覺得未必單純係皮膚問題, 似係淋巴問題多好多, 仲覺得係內部淋巴癌(要抽內部組織先可以確定)
之後開左抗生素, 止痕, 消炎止痛藥比佢, 食左兩日藥後就(兩日內精神, 食慾都好正常).....
15/5/2010早上我已經發覺佢好有問題, 極度眼訓(無精神), 食少左好多(連平時至愛既主食粟米同紅蘿蔔都唔食, 而且花生瓜子都唔肯食)
佢仲成身軟哂無哂力咁, 行動好好好緩慢好遲鈍, 我已經停左藥
就係食左兩日藥就咁, 我真係好後悔比藥佢食, 睇醫生=倉鼠催命符
我爬左好多好多倉鼠生病既文, 都發覺好多生病倉鼠食藥d情況仲衰過唔食
究竟有兄弟姊妹遇過相似情況可以幫下我.....我真係好擔心叮叮走左星期到又到佢.......

同時間我又好嬲個班所謂獸醫
果個Dr.Tiger並唔係你地想像中咁好
睇DeDe個朝我已經忍左佢好耐但又出唔到聲
食完野又唔抹口又唔嗽口, 講野一陣味湧埋黎
又成日覺得我問d問題蠢, 講左N次叫我用N次"common sense"去諗下
真係不知所謂, 我識我自己可以做Vet, 我駛鬼去黎你度受氣
又迫我弟弟驗埋d無謂野, 係咁搞佢下面迫佢痾尿同屎比佢驗, 好在弟弟乜都無痾
根本就係商業化到不得了, 養左咁耐又睇過咁兔呢度同其他網d知識, 我肯定佢d屎同尿好正常囉

咁即係有病都唔好睇醫生啦-0-?

17# 小鈴

如果我d鼠有病, 我會睇, 我講過幾多錢我唔會在乎
我只想知佢究竟乜事, 但我一定唔會再比佢食藥
連所謂全香港最好的醫鼠大圍診所, 最好的醫鼠醫生Tiger, 都醫唔好, 我可以點
根本上d藥佢係以試驗心態, 我依家講比所有人知都唔怕, 佢自己都講明睇下食呢d有沒用
我自己唯有知佢乜事後, 用盡我能力照顧好佢, 睇下可能比咩營養食品佢
盡我時間可以陪到佢幾耐就幾耐
我3隻MuiMui, DingDing同DeDe即使生病食藥前都好有精神好有胃口
但3隻一食藥唔駛一陣間, d情況已經完全急轉直下
無人會明白我親手比所謂的藥佢食, 親手縮短佢生命的難堪經歷
原來我次次睇醫生都係提早送佢3個寶貝去死

所以我好認同網友drumlouis
我明白生老病死係每一種有生命都不可逃避
睇醫生, 可以, 起碼自己知佢地咩事
我衷心呼籲各位, 係香港醫倉鼠(不包括其他品種動物)
外服藥品, 可以
內服藥品, 咪搞
如果想縮短你地心肝寶貝的壽命就比佢地食
盡量比d營養食品, 用你可以的時間陪伴佢地
已經十分足夠, 問心無愧
如果香港直正有一個醫生識醫, 咁真係對香港倉鼠的天大祝福

7成營商, 3成醫療
係我對佢地醫鼠的睇法

係呢d時刻 真係邊個都好 都會有幾分掙扎
我今年都有隻鼠鼠過左生 個陣天氣反常 佢凍親
我都選擇唔帶佢去睇醫生... 因為我知道 內服藥物係hk真係會令鼠鼠反而快d有事
最後佢都係死左
真係經驗話比我知 真係唔好睇鼠鼠去睇vet食內服藥.... 唉
係帶既話都要諗清楚....

21# drumlouis


我絕對明白你...因為我同你所經歷過的十分相似
我真係衷心呼籲各位係hk醫倉鼠, 如要食藥前請三思再三思
因為我有3隻都係就咁提早去左