i love 兔 d兔健唔健康?

i love 兔  d兔健唔健康?我可能係個到買迷你兔!兔兔用品多唔多?用咩拿走兔兔?thx!

我隻兔都係i love買...
一隻7日走左.一隻就到宜家七個幾月大喇...
揀唔揀到隻叫做「健康」既兔兔真係好睇彩數..
最好都係領養啦!兔協有好多兔兔都超可愛!!

i love黎講我覺得大埔個間i love好似好d
話哂得一間兔店係個度環境應該好d

我今個月頭都係大埔個間買左一隻兔兔, 以為間店新開會好D..
我仲一次過買晒兔仔要ge用品...諗住對兔兔好d,  唉..
點知上個星期就離開左啦只係養左7日..
而家收拾心情, 再作打算~
希望大家ge兔仔都健健康康啦~

http://petkd.net/yp.php?mod=view&id=362
睇下評論

我個女女就係係果度買, 一直養到而家都有大半年, 只不過買果度本身簡左第2隻, 但見到兔兔唔太生猛~所以簡左女女呢隻百厭兔(已經係全場最活潑果隻), 但返到屋企之後發現佢有上呼吸道感染同有'失' , 同埋果度既兔兔成日都食街邊既塵, 講真真係唔多健康=]

我家兔兔都係個度買ga,

不過我想買個陣, 職員話太細...所以養到佢大d先叫我番去買

係旺角係有d危險, 不過兔兔佢冇病冇痛, 好好^___________^.

拎走個陣會俾個細細ge紙箱你, 有d窿窿俾佢抖氣, 好安全

如果要買兔兔用品, 我d糧同草會係個度買, 因為我兔兔由細食開, 係個度買番包冇錯!

不過其他用品我會去Q兔朗買, 因為多款又平.

StellaChoy 發表於 2011-8-22 11:13 PM
我今個月頭都係大埔個間買左一隻兔兔, 以為間店新開會好D..
我仲一次過買晒兔仔要ge用品...諗住對兔兔好d,  ...

但係我上個月尾係個到買左隻兔兔養左3星期多d都冇事wor
買兔真係好講運氣

Karman 發表於 2011-8-23 06:47 PM
但係我上個月尾係個到買左隻兔兔養左3星期多d都冇事wor
買兔真係好講運氣 ...

咁又真係好講彩數ge~
你個隻係咩兔兔黎架 ?

我都係呢間買,冇事wor,係惡(性格)囉!!

StellaChoy 發表於 2011-8-23 08:50 PM
咁又真係好講彩數ge~
你個隻係咩兔兔黎架 ?

係獅子兔女

最好既選擇係去兔協領養,有好多兔兔都等住有一個鍚佢既主人帶佢番屋企
個度d兔兔全部都已經絕育,有病既大部份已經醫好
千奇唔好用錢去衡量兔兔健唔健康,最緊要係你有冇心照顧佢一世
養之前請三思,你係咪有時間去照顧佢,係咪有能力去俾佢睇醫生.

其實係舖頭買都真係講好彩
我上個月係呢間買左隻兔b, 返黎都睇左兩次e生
佢如果個一批bb有事成批惹到機會都好大
如果你想搵到健健康康既, 去兔協睇係最好架la

龍貓x園我阿女堂妹係度買咗bunny,都養咗兩個幾月,ok,真係要是乎好唔好運!用品大約$1500啦!

我之前係大埔間i love rabbit前身(龍貓村)度做過，每次有新兔兔，佢地啲職員都唔會檢查就入籠，有好幾次，我都係以客人身份見到兔兔啲手手腳腳有問題，然後通知個職員，之後佢會隔離，但係過咗幾日隻兔兔就死咗

其實I love rabbit係咪改錯名？=_=