有冇人用過電動磨甲器?

上網見到有隻Petio 電動磨甲器...
我係新手..唔太敢幫兔兔剪甲~怕剪到佢流血...
如果用E D磨甲器會唔會安全D?
有冇人用過呢~~~?

之前有人問過啦..我相信冇咩人會拎隻兔黎試

我會用來幫自已磨甲
but兔就...
用指甲鉗la

自己磨個d唔同寵物呢d...如果人類用既可以幫兔兔磨...我女友一早用左

唔係呀~E隻磨甲器係專FOR貓狗兔磨嫁

我有用, 之前已經喺舊既 mini-house post 過:
http://mini-house.info/thread-11825-1-1.html

但如果你連指甲都唔肯剪, 就唔好用呢啲嘞

我當然唔係唔肯剪~唔剪佢指甲越黎越長會反甲~不過佢而家仲係BABY 指甲CHECK過都唔係太長~
唔需要剪住~我係怕自己未剪過~會剪傷到佢~~
所以想睇下E個磨甲器,輕輕磨下,會唔會好D~

要睇你隻兔兔肯唔肯乖乖地比你抱住~   
我都好想買,,但考慮到我隻兔根本唔比我抱 就冇買=.=  
連毛都唔比我梳啊佢

nixie 發表於 2011-11-6 05:23 PM
要睇你隻兔兔肯唔肯乖乖地比你抱住~   
我都好想買,,但考慮到我隻兔根本唔比我抱 就冇買=.=  
連毛都唔比我 ...

你試下搵多個人幫你手ma..一個抱起佢一個幫佢剪甲/梳毛..咁樣方便好多

april_ki 發表於 2011-11-6 05:10 PM
我當然唔係唔肯剪~唔剪佢指甲越黎越長會反甲~不過佢而家仲係BABY 指甲CHECK過都唔係太長~
唔需要剪住~我係 ...

其實有兔友試過逐d逐d幫佢剪...咁樣一來會小心D唔會剪到D血管..二來又唔洗一下過嚇到兔兔
但我慣左一刀過...唔洗愁

我隻兔兔都係比抱一陣~但如果我搞佢D手仔腳仔...佢就係咁扭黎扭去.....= =

april_ki 發表於 2011-11-6 08:05 PM
我隻兔兔都係比抱一陣~但如果我搞佢D手仔腳仔...佢就係咁扭黎扭去.....= =

如果佢扭來扭去...或者掙扎時..千其唔好放手/縮手唔抱佢..如果你咁做..佢下次就更加變本加厲

sanny0066 發表於 2011-11-6 08:11 PM
如果佢扭來扭去...或者掙扎時..千其唔好放手/縮手唔抱佢..如果你咁做..佢下次就更加變本加厲 ...

姐係點都係格硬抱住佢呀?........我次次都放手嫁.....

april_ki 發表於 2011-11-6 08:48 PM
姐係點都係格硬抱住佢呀?........我次次都放手嫁.....

即係兔兔點樣掙扎都唔可以放開手囉

電動磨甲器都係要剪完甲至可以用黎磨滑返D甲邊架咋, 兔兔D甲好硬, 好難只靠個電動磨甲器去磨短成隻甲架, 我一路都有用, 覺得好方便同快手, 拎住係甲上面轉幾個圈就攪掂滑哂~~