愈來愈曳

各位兔友好呀, 好耐都無係FORUM出過聲, 今日就講下Jacqueline的近況啦


作為兔奴的我, 愈來愈慘了, 因為Jacqueline愈來愈曳, 都唔知點教好佢............
事源係6月我去了旅行, Jacqueline就由兔爸照顧啦, 咁我無交帶過唔好郁個廁所位置(其實完全亦無想過兔爸會擺響第二個位), 兔爸換完廁所就求其就手亂放, 自此之後, Jacqueline就開始周圍大小便啦, 以前佢100%VV+ 90%屎旦在廁所 , 現在隔天就VV在籠內、70%屎旦在籠底、2-3星期就VV一篤在任何地上。我要在籠內墊尿片, 除左大小便問題外, 呢個月仲咬食盆栽, 又曾咬過1次HEADPHONE線, 佢以前唔咬, 所以我日間都唔會關佢入籠, 但現在我出街都唔敢比佢自由行了, 要佢坐監

還有, 我去旅行期間, Jacqueline被兔爸縱壞左, 即使尚有好多草, 兔爸怕佢餓親, 都再塞滿新鮮的乾草, 結果Jacqueline變得挑食, 成日剩晒好多都唔食, 一肚餓就要求新草, 我唔俾佢佢一係就VV在舊草, 有時索性走去新草的袋內抓咬......務求得到手!  

佢似乎到左"反叛期"呀

Twhtracy 發表於 2011-11-8 03:41 PM
會惡d ga 喇.. 盡量..................

我而家都好惡...我有次試過捉住BeBe個頭係地下..因為佢係籠外VV...佢不停掙扎我都冇放手..之後佢就好驚咁走左入籠\__________/

Twhtracy 發表於 2011-11-8 03:54 PM
怕唔怕佢怕左你啊....

我都成日打我隻衰妹~禁住佢個頭已經係成日發生的事,我會打佢pat pat~打到佢成個飛左去第2度=3=因為佢之前實在太曳喇~打完我會再好聲好氣同佢講多一次, 雖然唔知佢聽唔聽得晴我講咩-3-但起碼而家佢知道邊d做得,邊d做左會比人打就乖左好多好多~

我成日都打佢,但又唔係好覺得佢怕左我,一樣都係痴住哂~一放佢出籠就跟住我周屋走~平時得閒又走過黎用頭仔頂下我,撩我同佢玩haha

靜妍媽 發表於 2011-11-8 04:03 PM
我都成日打我隻衰妹~禁住佢個頭已經係成日發生的事,我會打佢pat pat~打到佢成個飛左去第2度=3=因為佢之前 ...

你個靜妍bb真係好好彩，身體完全無缺憾

我都有打Be patpat習慣..有時佢冇做錯野我都照打...有時又用腳細細力踢下佢屎忽最搞笑係..我會用腳板底幫佢按摩

Twhtracy 發表於 2011-11-8 03:54 PM
怕唔怕佢怕左你啊....

驚左我都冇計...最多我咪做衰老豆..Kay做好媽媽囉

sanny0066 發表於 2011-11-8 04:08 PM
我都有打Be patpat習慣..有時佢冇做錯野我都照打...有時又用腳細細力踢下佢屎忽最搞笑係..我會用腳 ...

我都會用腳板幫佢按摩架

明日媽 發表於 2011-11-8 04:13 PM
我都會用腳板幫佢按摩架

BeBe冇你隻BB咁大..所以我都好輕力咁幫佢按如果到時好似你隻BB咁大個陣...我就大大力起勢踩落去用佢D毛幫我腳板底按摩

明日媽 發表於 2011-11-8 04:05 PM
你個靜妍bb真係好好彩，身體完全無缺憾

其實靜妍係買番黎架~果時係龍貓x園買佢番黎~
果時又唔係好識養~直到有一日,我訓訓下教,靜妍走黎吵醒我,我就起左身啦~發現成個地下一粒便便都冇~
嚇到我即刻帶左佢去睇dr.hugh,佢話好彩我即刻帶靜妍去睇佢,唔係佢就連今日都過唔到~
dr.hugh話佢上呼吸系統出現左問題,肺積水,喉嚨有痰,打左枝針,打果時佢連反抗的力都冇T^T
後來走GE時候,佢就開左一星期藥比我,因為話靜妍唔知過唔過到呢個星期,所以就唔開咁多藥比我住,聽到我就喊左出黎喇
好在靜妍最後都冇事,但我就同睇左3次E生,頭兩次DR.HUGH,第3次DR.MA~一共$(580+550+880)=$2010
之後可能同佢經歷左生死,佢特別痴住我,成日同我玩~
但係佢好番之後就開始有氣有力去曳=3=

sanny0066 發表於 2011-11-8 04:23 PM
BeBe冇你隻BB咁大..所以我都好輕力咁幫佢按如果到時好似你隻BB咁大個陣...我就大大力起勢踩落去{ ...

你真係一個獸父

只要BeBe YondYond冇事..用盡晒成份糧我都冇所謂...我唔想佢地被病折磨

sanny0066 發表於 2011-11-8 04:33 PM
只要BeBe YondYond冇事..用盡晒成份糧我都冇所謂...我唔想佢地被病折磨

無事架！
放鬆啲啦！

呢D病痛我已經好緊張..到時絕育我可能日日緊張到唔洗訓

sanny0066 發表於 2011-11-8 04:37 PM
呢D病痛我已經好緊張..到時絕育我可能日日緊張到唔洗訓

明明佢細個俾疥癬虫蠶食到隻腳又紅又腫，
佢都可以好得返，BE BE又點會有事呢？
你要放鬆啲，唔係就會攪到佢都以為自己病入膏肓架啦！

明日媽 發表於 2011-11-8 04:41 PM
明明佢細個俾疥癬虫蠶食到隻腳又紅又腫，
佢都可以好得返，BE BE又點會有事呢？
你要放鬆啲，唔係就會攪 ...

Kay都成日叫我放鬆D放鬆D
今晚可以見到3隻衰囡...心情興奮中