而家d人真係唔識讓座

頭先放工，係尖沙咀搭地鐵荃灣線返屋企，
見到一個大肚婆，個肚都好凸，
應該都有成7-8個月，就快生得個d，
大家都知啦，6點鐘放工，個段時間尖沙咀超級多人，:056:
我同佢入同一個車卡，佢凸住個肚扶實條柱，
左手扶柱，右手拎住一個手挽袋同一袋報紙，
背住左座位個邊，可能人地睇唔到，所以無讓座啦，
跟住到佐敦站，佢行入左去平時好多人都會 "唉" 住既玻璃個到扶實條柱，
個肚向住座位，雖然佢著黑色衫，但係咁大個肚都知道佢係大肚婆啦，
d人仲唔讓座，望下個d人，全部都係30幾歲既，仲有2個20幾歲既女仔，
跟住之後，地鐵行得唔係好順，成日都窒窒下，
個大肚婆又好似唔多企得穩咁，都仲無人讓座 !!! :076:
一個二個都扮睇唔到。
到左旺角站，好多人落車，空左一個位出黎，
跟住一個肥佬唔該都無聲就攝左落去 !!!

而家咩世界丫，見到人地鑼咁大個肚都仲唔識讓俾人坐，:052:
成日教小朋友要讓座俾需要既人，但係自己就唔識做榜樣 !!!!

而家香港好多人都好自私架~~
靜係掛住自己,  其他人既事覺得同佢無關係
邊似得我地呢度既兔友個個都咁好人~~ :014:

世界上真係有好多d 咁ge 衰人.!!
企一陣好似要死咁...有冇諗過個大肚婆...個肚入面有個bb ...佢好辛苦咖..!!!
唉....香港真係咩世界呀!

我而家個肚未算好大, 但係都見到係大左肚,坐車坐地鐵輕鐵都無人會讓位比我ga

咁耐只係有一個OL係中環站上車讓過位比我咋:061:

唉....未大過肚既唔會了解頂住7-8個月肚果種感受.....

我而家大住個肚
都係冇人讓位呀
有一次同個女一齊搭地鐵
仲有個死8婆(40幾)攝我面前個位tim呀
我咪話囉....有大有細唔洗咁下話:052:
佢話咩呀......我邊有同你(曾)呀???
唉......d人真係...................

20幾歲既，未有過bb，唔知有bb既辛苦，唔讓位都算。
但係40歲既正常都生過仔啦，知道有bb既辛苦，點解仲唔讓位。

企一陣又唔係會企好耐，好似會死咁 :056:

有d一家大細都唔會讓比你ga

d父母都唔知點教d細路仔

唔至細路呀~
最大問題係好多3x-4x既人~成日驚死執輸咁樣
香港開始越黎越多人去到  事不關己, 己不勞心  呢個情況啦....
仲要大又係咁細又係咁, 可以理直氣壯話自己冇錯都得

原帖由 阿度 於 2008-5-10 12:36 PM 發表
唔至細路呀~
最大問題係好多3x-4x既人~成日驚死執輸咁樣
香港開始越黎越多人去到  事不關己, 己不勞心  呢個情況啦....
仲要大又係咁細又係咁, 可以理直氣壯話自己冇錯都得

好多香港人都係咁