已經一段時間無上黎....
但上黎想更新返之前開過個topic係問阿仔既野
唔知有冇兔友記得呢?
睇左dr. gerry都一段時間
口服, 打針既藥物都用過, 但對阿仔無咩幫助
連dr. gerry都話佢o係香港睇過咁多兔都未見過咁樣
之後佢就睇書, 話阿仔可能有一隻叫做Shope Papilloma Virus既病
佢話要問下美國 d lab有冇得做呢種化驗先再覆我...
但dr. gerry有講過, 因為阿仔而家既範圍就未必可以做到
我問dr. gerry, 阿仔打乞痴同佢鼻上面o個d"癬"係咪都有關係
佢就答左我話係無關係喎...
本身阿仔眼仔一邊有分泌物, 而家兩邊都有, 加埋個鼻仔又生所謂既"癬"既範圍又大左(而家我都唔知o個d係咩黎, 所以先叫o個d做癬), 細細個已經要不停睇e生又唔知佢做咩會咁樣....
另一樣野想講既係...每一次去睇e生, 阿仔既體重都比之前一次輕, 可能係輕左0.02kg左右咁既重量, 但今次返去(比起上次睇e生係3 weeks之後既), 今次磅輕左0.1kg......真係好唔明, 佢食草比之前係多左....
唔知呢度既兔友你地既兔兔有無呢類既問題呢?
有冇兔友可以提供一d意見係關於皮膚病既兔仔要點樣做呢....又或者係關於免疫系統上有問題既兔仔點樣去護理呢?
始終覺得阿仔本身身體差.......所以想睇下點樣令到佢strong d....
|
|