本帖最後由 [小穎] 於 2009-6-28 08:36 PM 編輯
琴日我隻鼠發生左一件悲劇,我起床後如常去睇下我隻鼠鼠,點知一行埋去見到佢半天吊左晌籠內!!
我係用ab倉鼠籠既,籠門晌籠頂果種!籠門方兩邊都希個U型凹位(見圖) 我隻鼠鼠既右腳就攝左落去個凹位度喇!於是成隻鼠半天吊左晌度喇,我唔知佢已經吊左幾耐喇!
我立即諗辦法拎返佢隻腳出黎,但係個凹位實在太窄,我用左成半個鍾先救到鼠鼠,其間佢痛到不停大叫,佢仲企圖想咬斷自己隻腳添!我真係好驚好心痛!!:050:
救返佢出黎後我立即打電話去DR.BETTY度,但由於同鼠鼠做手術太複雜,佢地就叫我去大圍睇喇!
最後去左大圍WALK IN睇DR.PETER,佢話鼠鼠斷左腳,但同鼠鼠做駁腳手術風險好大,只可開消炎藥同止痛藥俾佢,睇下佢可唔可以自己好返!一星期後要返去覆診,但如果到時鼠鼠佢自己好唔返就要切腳!!:050:
另外醫生話最好用魚虹/膠箱等等倉鼠爬唔到既野做籠,不過要留意通風!!
今次診金: $698 ,另要再覆診。
經過哩件事,我真係好後悔買哩個籠,如果我有察覺到哩個籠有危險,就唔會發生悲劇!!!
希望各位準備養鼠既朋友買籠時要細心睇清楚個籠有無危險,最唔好買哩種籠俾鼠鼠!!
而已經養緊鼠鼠又用哩類籠既朋友,最好換籠喇,如果唔換的話,都希望你地折走二樓,唔好令鼠鼠有機會爬上籠頂!!
唔想鼠鼠發生意外,唔想因小失大的話,請盡快換一個鼠鼠爬唔到既籠!!
鼠鼠隻腳就係攝左晌度,腳晌出面,鼠晌入面半天吊
唔好再用哩一類籠喇:
觀迎轉貼,希望有更多人注意籠既安全! |