兔兔成半年無食草啦..點算?

我隻兔寶貝而家３歲，但半年前就唔係好肯食草，
只係食糧，而且仲係早午晚３餐，
而家完全唔食草。

咁我８月９日開始就斷糧，
只係俾MOMI既1ST CUT 同新鮮既車前草俾佢，
佢食晒Ｄ車前草，食左５日度啦，
就都係唔多食草，只係食草碎，
不過佢就係咁飲水同尿尿，
呢２日仲好似腹瀉咁，嚇死我，
我即刻俾返糧佢食，因為佢真係唔肯食草，
又擔心咁樣餓佢會唔會有問題...
有咩辦法可以幫到佢呢？

糧我打算１日俾早晚同埋慢慢減少份量，
但就真係唔知點令佢肯食返草草。。。
希望大家幫幫我！！
:050::050:

1)　2nd cut同1st cut 有幾大分別呀?

2)　要佢知道唔食草...就無野食~
我剛剛係１星期都無俾糧佢，只俾草同新鮮車前草，但佢就只食車前草，加上佢有點腹瀉，瀉左２日度，雖然唔係瀉得好多好勁，但我怕佢一路咁瀉會體重下降...

3)　一直都有食~其實係一直有食,但就因為食水果呀食燕麥呀就開始少食，根住重唔食添

可能係都唔定，因為一向食開Q兔賣既草，
見佢唔多食就買momi試下點知都係唔食，
Jojo's or oxbow係有咩特別呀？

我諗係我太寵隻兔兔啦，我照顧左佢３年啦，
不過就唔係由細寵到大，都係年頭開始先俾多Ｄ佢，
燕麥就只係早上俾一茶匙度啦，所以佢就知有好野食唔吃草啦，
因為見佢完全唔食草所以先想佢食返，
水果蔬菜燕麥本來係BONUS，但而家就唔俾啦，
同埋我都想幫兔兔重新建立返正確飲食習慣，
所以就求救啦！

我會停晒佢的零食架啦，
至於草呢，我可能會試左2ND CUT 先，
睇下如何，
車前草都唔會再啦，
我想問下呢，
你地係點俾糧的份量呢？
如果我兔兔３歲又應該點俾法好呢？

唔知你隻兔幾大呢？
上網睇到話唔同年齡既兔有唔同的飲食需要，又係咪呢？
我諗我會參考下你個進食時間。
* 要定時餵食, 咁佢身體到進食時間就自然會餓會食草, 要幫佢養成好習慣。

我都係而家先知，原來係咁樣建立習慣，
不過我兔兔已經係自由行黎架啦，
放左佢出屋有成年啦，
佢而家除左尿尿之外都好少返入籠啦，
唔知咁會唔會影響佢對草的食慾需求呢？哈哈

我平時將食物固定擺放係佢個籠出面，
所以佢知邊個食野，
而家我諗緊每餐俾１湯匙定２湯匙好。。

原帖由 hh0 於 17-8-2010 09:52 AM 發表
而家只係早上俾一平匙糧,
食momi 1 cut 草,
少菜, 大約一星期5棵
無水果,

我而家都聽你地講，
早晚俾一平匙糧,
但兔兔仲係未背食momi 1 cut 草,
之前睇有人教整草餅，
兔兔就食晒ｄ草餅啦，
我諗我會keep住整下草餅，
睇下佢會唔會食返多ｄ之後就食返草啦．．．

我仲諗住佢食得幾多草餅得幾多,,,
原來都係無乜作用咋..
我有試過俾菜乾佢食,,佢就肯食..
等我試下買JOJO's俾佢啦咁

我將草剪碎左佢都仲係唔食。。
用機磨碎呢佢就食。。

如果牙長會唔會影響埋佢食糧呢？
我都覺得可能係Ｄ牙長左，所以就唔係好願食草。。
點算？

其實新鮮既葉佢會食，菜乾佢都食，就係唔食乾草．．．
睇下佢食jojo情況如何，再決定帶唔帶去body check

好消息!!
我家bunny 呢幾日食返多d oxbow timothy 啦!!yeah!!

嗯 我都諗住帶佢去body check啦//
大家有冇好提議..
邊個醫生好d.. 邊度平d.. 邊度有保證d..