隻兔捕雞咁，唔知係咪有事。

頭先買個圍欄，諗住比佢下黎玩下，唔知係咪聽到d圍欄d"ling ling聲，佢表現得好緊張同好驚，跟住開門搵嘢食引佢出黎啦，佢唔肯出，唯有放棄啦，柵番道門，比d糧dum下佢，我又唔小心撞到個籠，佢跟住坐係廁所捕雞咁，跟住我留意到佢好累咁，仲係到中眼訓，平時佢痾幾十便便係籠入面，依家籠底只得幾粒，好擔心佢呀！

兔兔捕蛋有兩個原因, 有可能是覺得凍, 另一個原因就係受驚引起......

按你說的情況, 兔兔應該覺得驚, 安全感不足, 緊張, 所以有這種現象, 如果因為這個原因, 就先不要刻意去接觸兔兔, 唔好攪佢住, 有得佢冷靜一下, 慢慢會放鬆D, 就好好多, 有D人就算只兔兔養左好耐, 如果拎去比人寄養一星期, 剛返到原來既屋企, 因為環境既改變, 都有可能這樣, 跟住過兩日又無事......

另兔兔釣魚(中眼訓)好正常, 只要兔兔飲食正常就無事.........

Daniel823 發表於 2012-3-6 07:49 PM
睇完了，醫生話佢胃脹，有空氣，所以無胃口食嘢。腸就ok。
打左幾支針，餵左草粉，依家佢呆呆滯滯咁。
有 ...

你好!  

你的心情我可以明白同理解, 唔好再責怪自己, 亦唔再認為自己失敗, 你剛養兔兔可能係經驗問題所以有部分細節有不足, 兔兔剛去到一個陌生環境再加上身體有D不適既問題, 先會出現你所提及既問題!  好多人剛養小動物都會遇上不同既問題困惑, 慢慢就會好好多!  

其實兔兔係比較鍾意穩定, 唔鍾意改變, 所以放置飲水器, 食物器, 草架既位置儘量唔好改變, 我認識一個朋友將兔兔用開既草球轉用草架, 兔兔剛開始就不大懂得習慣這個改變, 食草比之前少了很多……

你只兔兔係兔協領養嗎?  領養左邊只兔兔?

祝願 你的兔兔早日康復!

Daniel823 發表於 2012-3-6 08:53 PM
咁d位置我洗唔洗掉番之前咁呢？
我領養左chess cake。你都係兔協領養過？
...

你好!  

唔好再轉啦!  就維持現時位置好了!

我而家兩只兔兔都係兔係領養! 不過, 2只兔兔都係長期病患, 每日都要服用不同的藥草, 藥物, 補給品及治療

1) 前名 : Brenda, 現名 : 老板娘, 係賓尼兔女




2) 前名 : Vodka,  現名 : 侏老板, 侏儒兔仔




Chesse cake都係賓尼兔, 有見過照片

Daniel823 發表於 2012-3-6 09:55 PM
好可愛，有點似chess cake，佢依家叫阿rick。
我餵草粉先。同埋我想問下，bb抱然舉高後腳小小係可以有助 ...

你好!

兔兔胃脹, 有空氣, 其中一個是由於纖維量不足, 令腸道蠕動減緩, 因此, 吃下的食物積存在胃中, 當食糜在胃腸道裡的移動速度有所改變時,  就會影響到胃和盲腸排空的時間, 如果腸道的蠕動因為纖維量少而變慢, 胃和盲腸的排空速度也會變慢, 兔兔最後可能會因為胃總是有飽滿感, 不思飲食!

輕輕按摩兔兔的肚仔, 是幫助腸道排氣, 但在兔兔回復正常飲食前, 先暫定餵食干糧, 并提供新鮮的菜葉, 特別是深色的菜葉所提供的不只是纖維, 還包括水分及其他營養）, 而水分使得消化物比較容易移動, 更重要是提供大量牧草給兔兔, 包括Timothy, 同時可提供適量燕麥草, 百慕達草(這兩種牧草含有高纖維)!

在此, 祝Nick早日康復 快快樂樂!

明日媽 發表於 2012-3-7 08:47 AM
嘩~

你兩個寶貝都好可愛呀

嗯, 佢地兩個真係好可愛, 老板娘好聽話, 仲完全唔挑食, 不過, 侏老板心情唔好走出黎就放低尿尿, 而且好似食家, 勁挑食, 有d草草既部份唔鐘意食, 就續條用口擔開放埋一堆.........我之前嘗試過將佢"簡出唔合胃口既草"放返個草架度, 點知佢仲勁, 而家就將依D草塞入便盆到.......

Daniel823 發表於 2012-3-7 01:26 AM
佢開始有番一點便便，頭先放佢出黎好活躍咁走圍走，
好好奇咁四處望，不過見到有一粒便便痴係patpat到，
...

開始有便便就好, 証明開始康復!

Daniel823 發表於 2012-3-8 01:33 AM
我個家阿Rick哥一時時簡草食，不過佢成日係d草到便便。
死都唔去廁所痾。激死，個d草搵個架浪高都跳上去 ...

兔兔既其中一種天性係好鍾意攀爬,跳高跳低, 特別鍾意跳高去望周圍既環境, 亦係兔兔認知既挑戰,  你可以嘗試提供可以用來攀爬的玩具比佢, 滿足佢依方面既需求, 說不定問題就可以改善, 我家侏老板之前都有你提出既行為, 至從我比左依種玩具之後兩日就再無依個問題!

有興趣不妨可以嘗試一下

997134 發表於 2012-3-8 06:42 PM
我都冇再將尿紙放入廁所
太臭啦
佢成日坐係廁所上面

侏老板的確係挑食, 無辦法, 雖然有不少兔爸媽都會話佢唔食, 就放著, 只要兔兔肚餓最後都會食, 話雖如此, 但我個人唔會敢做, 因為兔兔食干草多少對佢健康有好大影響, 我寧願晒多D草, 都要不停加比佢, 但求佢食得多, 健康多D!

不過, 都唔可以怪佢挑食, 可能我地自己都會挑食, 唔鐘意食既野都唔會食, 都係同一個原理!  所以, 我只好體諒侏老板..........

其實, 你既兔兔領養既時間都好短時間, 不竟過去兔兔都有一定習慣, 要佢一下子改變都好難, 要比多D時間等佢慢慢適應, 不過, 你要有心理準備, 就算有便盆, 有D兔兔就算訓練好耐都唔識去洗手間, 依然4圍方便, 唯一可以做, 就係用更多耐心......

另你提及兔兔有好大陣味, 未必完全係單純經常坐去便盆上面而引致, 其實便盆之內你放左咩做墊料?  

如果兔兔識去便盆方便, 就會好長時間坐在便盆上, 因為兔兔係不停食不停去, 敢又點可以少時間唔係便盆上"打等"......

Daniel823 發表於 2012-3-9 01:14 AM
咩黎架？可否有相睇？，
剛剛見到我家rick哥免仔舞。二，三下。哈哈
佢康復得8899了。 ...

就係一D小動物玩的跳板, 爬梯, 有部份可以安裝籠內的跳板,




這些是個人提供給你參考, 類似這些木制品在旺角賣籠物用品店亦有出售, 有興趣可以去看一下, 我個人多選擇這類木質, 因為不單有得玩, 兔兔仲可以咬咬磨牙, 前腳扒扒來磨甲!

如果不在外邊購買, 亦可以自己用現有材料DIY一樣可以, 兔兔同樣玩得開心, 你可用幾個箱或盒類的物件(如餅盒)做底部固定好, 再一層層加高讓兔兔可以跳上跳下, 亦可以用厚紙箱做個小房子, 在箱上做一個個洞, 讓兔兔可在箱內看到外邊, 亦可將頭伸出來...........

我都正構思做一個專屬他們的歡樂天地, 亦會做些兔兔玩具給他們, 其實Diy玩具給兔兔是很有意思的一件事, 因為可以按實際環境, 兔兔的需要來做, 很不錯, 當然外邊出售外觀上比DIY好, 亦貴很多, 但對兔兔來說漂不漂亮, 貴不貴都是沒有意義......

997134 發表於 2012-3-9 07:03 PM
我有放入面呀~
仲有野想請教架~

Oxbow既麥草粒係好好, 我自己都係用E只, 而且無你到既問題, 你覺得好大陣味, 係落得太少, 吸唔到味, 賓尼本來就食好多阿好多, 我屋企只賓尼用大廁所, 起碼要落半個廁所以上既份量先夠, 如果落得唔夠, 吸唔到味, 敢就一定好臭, 而兔兔尿尿既味, 長期係會令兔兔覺得唔舒服, 唔再肯再用廁所, 更有可能做成腳仔尿灼傷, 尿味亦會刺激兔兔既呼吸系統, 有損健康!

Oxbow既麥草粒唔係一遇水就變泥, 你之所以會有敢既情況, 係因為你落得唔夠, 令到吸左尿尿既草粒再浸響尿尿到先至會敢, 只要你可以落到需要既份量, 完全唔會有依個問題出現......

我屋企侏老板好鐘意係籠入者周圍去, 我都係用麥草粒直接鋪係籠底到, 完全無會題, 而且腳仔一樣好干淨, 完全無事..........

豬仔板而家就唔好再用啦, 因為兔兔腳板唔同貓貓狗狗, 係完全無保護, 唔單只兔兔會覺得唔舒服, 而且容易令兔兔腳仔受傷, 更有可能生腳瘡!

997134 發表於 2012-3-10 10:34 PM
咁咪兩三曰用完一包？！？！
我係密鋪一層咁架za ,原來要再厚啲架
我而家已經一個星期用完一包，

我有用過依幾種墊材,
1) Breeder Celect Cat Litter 倍力環保再造紙砂,


2) Back-2-Nature    small animal bedding & litter 小動物環保紙砂,


3)  ONO Wood Bedding & Litter for small animal 小動物專用天然消臭樺木粒


4) Eco-Straw Litter      強力吸水麥草粒



依4種最好係Oxbow強力吸水麥草粒, 其次就係消臭樺木粒, 最後係環保紙砂

現時市面上有好多唔同既墊才可以選擇, 其中木粒方面, 大部份係松木或杉木, 但依兩種木對兔兔肝臟不好, 唔適合比兔兔用, 在外國已經有有科學研究資料發表過, 芳香植物類的軟木墊材, 揮發出來的強烈氣味足以改變肝臟的生物功能, 而松木杉木就係依一類, 出現依個問題并唔係兔兔食左墊料, 而係因為吸入揮發出來的氣味——裡頭含有酚或毒素, 吸入後由肺部進入血液, 最後再經由肝代謝出去, 當生活環境中過多毒素會令肝臟使用過度提早衰竭, 無法再代謝毒素同肝臟酵素上提升……

大量生活含有松木或衫木室內環境既兔兔, 都可以說明點解有好多兔兔因為肝臟受損而死亡……

如果你既兔兔會食木粒墊料, 我建議你都係用Oxbow麥草粒比較安全, 起碼都係草, 唔會有咩問題!

另外靜音水樽, 你可以考慮一下用Marukan, 依款幾好, Station R有得賣, 有兩個size,



Station R一次過買滿$240, 可以免費送貨, 幾方便

Station R網址 : http://www.@@@@/index/rabbit.htm

997134 發表於 2012-3-11 12:58 AM
真係好多謝你的意見！！！！我唸我都應該會返oxbow，但係鋪係籠底，應該鋪幾厚？需唔需要到一半？你平時 ...

我無計過一包可以用幾長時間, 絕大部份既兔兔就算唔識廁所, 都特別鐘意係籠角位置方便, 所以你可以將墊料放係籠角位置, 至於實際需要幾多墊料, 你可以根據兔兔既尿尿量再衡量一下, 因為只只兔兔, 唔同品種都有差別, 但最少唔只一層!

另你唔用豬仔板, 網底後, 你就唔好直接將干草放係墊材上面, 最好用草球/架之類放好比兔兔食, 如果草直接放係墊料上面, 兔兔好大機會就係草到尿尿, 沾左尿即既草草兔兔唔會食, 萬一真係食左落肚, 好容易有腸胃病, 因為尿液中係有細菌......