[[急]]!!!!朱朱有胃氣..~_~

我聽醫生係咁講..

朱朱唔比人摸肚..醫生話朱朱個肚住唔舒服
其他都冇乜問題..
之後佢就比左止痛藥,蠕腸藥(藥水),,消炎止痛藥,,蠕腸藥(膠囊藥),益生菌,去胃氣

佢仲話如果佢開始唔食野..d便便細左就要打比佢地,..(姐係要吊鹽水~_~)
如果好左三日後復診

我試過幫佢按肚仔..但係佢唔鍾意..(姐係一按,佢就唔舒服咁走開..)
佢直程好似小白個病~_~ (不過小白嚴重d..而且小白比按摩個肚..)

未睇醫生時佢仲很食菜,,依家連菜都唔食

已經食左藥..同餵左佢食草粉//

希望大家幫幫手..我應該點做??
我依家對吊鹽水好有陰影..- - 因為小白就係吊鹽水死左

mimkey5566 發表於 2012-5-15 01:35 AM
仲有..
佢今晚唔知咩事..
狂係到中槍訓-_-''

可能5舒服, 精神體力5夠又攰所以訓得多, 不過, 好難以兔兔係點樣訓分別健康狀況係咪正常

mimkey5566 發表於 2012-5-15 01:19 AM
佢食野少左,飲水都少左,便便都少左,不過都係大大粒好硬實..
其實係咪真係小白走左先搞到佢咁呢
因為小白 ...

醫生有無話朱朱腹脹既原因?

兔兔腹脹係健康問題, 同情緒無關

朱朱因為腹脹無咩食草, 而消化系統要透過吸收足夠既纖維, 先可以運作正常, 否則胃腸道蠕動減緩, 小白既離開係對朱朱有影響, 但5係因為敢而病

其實你同朱朱去睇醫生既時候已經5係arm arm先出問題, 只係小白離開既時候, 朱朱既問題更加明顯而已......

而朱朱既情況并5係最初期, 腹脹初期係會食欲下降, 腸胃吸收纖維量少令蠕動減慢, 繼而影響胃同盲腸將氣排出體外

部份兔兔連水都5點飲, 令身體出現脫水既情況, 因為體內脫水令食糜係胃腸入面無化消化, 分解, 吸收同將食物正常移動

同時脹氣會係胃腸入面不停返動, 返動既時候兔兔會出現肚痛, 腹痛既情況

脫水到某一個程度會令胃同盲腸既物質就會壓得愈緊密, 便便會開始變得非常黑, 硬, 實同干

兔兔慢慢就5食野, 便便會越黎越黎細, 再而停止便便

因為消化系統無法正常運作同排便, 令毒素留係體內, 害菌就會坐大增生, 抑制盲腸裡正常既益菌, 而害菌所產生既氣體會令兔兔肉體上有極度疼痛, 有D

梭狀菌仲會產生致死既內毒素, 而肝臟係負責分解有毒既物質, 所以腸胃停滯既問題, 會對肝臟做成損害

腹脹同胃腸停滯既病情會好反覆, 有時見到兔兔"突然"好左好多, 并5表示已經完全康復, 亦5可以掉以輕心, 一定要仔細觀察同照顧, 而且需要完成整個治療過程

mimkey5566 發表於 2012-5-15 08:37 PM
依d係朱朱既便便
健唔健康??

睇相分5到架, 因為只見到一粒粒, 要你自己去比較或者比醫生睇

另外見到有一粒便便上有毛, 你留意下兔兔其它便便會5會都有毛啦, 如果多既話, 你要留意下, 兔兔可能食落肚既毛毛過多, 亦有可能係佢平日接觸既野有毛髮類似既物質食左落肚

如果係平日接觸物件既毛毛要留意一下, 因為依類物質無法消化, 會塞腸

mimkey5566 發表於 2012-5-15 06:26 PM
佢冇講點解會腹脹
琴日就話佢個肚仔冇再脹
體重都上升左..

敢你根據朱朱個實際需要去決定點做啦, 不過, 兔兔腸胃問題有時會好反覆, 如果回覆正常當然最好, 若果情況5穩定或未完全康復, 最好都係返去搵醫生

mimkey5566 發表於 2012-5-15 10:19 PM
嗯,,.我會多d留意下架啦..
其實佢腹脹洗唔洗注意d咩呢!?

朱朱平日既餐單係點?  即係你平日會比咩朱朱食?  份量係幾多?

你平日會比咩菜朱朱食 ?  菜心, 油麥菜以外仲有其它菜嗎?

貓仔兔 發表於 2012-5-16 11:04 AM
車前草一星期三塊左右就夠架喇!^^

新鮮既車前草有大棵細棵, 所以我5用幾多塊黎做標準, 大塊同細塊份量都可以差1倍

車前草每次食用份量約15克, 需連續食用3-5日先有一定作用

15克車前草約4湯匙

車前草最大功效係花穗同入面既種子, 每次可以餵大約5cm左右

新鮮同干既車前草都可以, 如果兔兔5鐘意食, 亦可以用車前草煲水比佢飲, 效果一樣

mimkey5566 發表於 2012-5-16 02:08 AM
多數比草,(5~10)幾塊唐生菜,(2~5)幾條車前草冇啦~_~

你平日淨係比1種菜唐生菜?  

如果無食干糧, 只係食用一種菜, 容易做成營養失衡既問題

另新鮮既車前草有大棵細棵, 所以我5用幾多塊黎做標準, 大塊同細塊份量都可以差1倍

車前草每次食用份量約15克, 需連續食用3-5日先有一定作用

15克車前草約4湯匙

車前草最大功效係花穗同入面既種子, 每次可以餵大約5cm左右

新鮮同干既車前草都可以, 如果兔兔5鐘意食, 亦可以用車前草煲水比佢飲, 效果一樣

mimkey5566 發表於 2012-5-16 11:27 PM
哦…咁我咪比左勁多比佢.
佢會吾會有事架
我哩排可能夜晚先復你地

如果佢依兩日無出現軟便或肚瀉, 5洗太擔心

不過, 你先停2星期再比車前草佢食啦

朱朱今日點呀?  係咪一切正常?

mimkey5566 發表於 2012-5-15 10:19 PM
嗯,,.我會多d留意下架啦..
其實佢腹脹洗唔洗注意d咩呢!?

兔兔腹脹有好多原因, 如果可以, 你最好問問醫生朱朱係咩原因導致腹脹

你平日就淨係比T草同幾條菜朱朱?  有無比干糧?

如果你無比干糧朱朱食, 你每日起碼要比3種以上既菜佢食, 先可以維持身體營養所需

最常見腹脹既原因係兔兔消化不良, 令食物長期停留係胃腸內, 形成脹氣

曾患腹脹既兔兔, 很容易復發, 所以即使接受治療後康復既兔兔, 日後要多加注意 :
- 兔兔吸收粗纖維量, 如果吸收纖維量不足, 腸胃蠕動不足, 令食糜無法排出體外, 時間長, 會產生脹氣
- 攝取水份量, 兔兔食既都係干物, 必需透過吸收水份將干物軟化, 若飲水量不足, 會令干物無法完全消化, 會停留係腸內, 足夠既水份可以有效疏通腸道, 促進排便
- 常同兔兔輕輕按摩腹部, 有軟化便便既作用, 亦可以刺激腸道蠕動, 加速便便排出
- 多比菜菜, 因為菜菜多汁同易消化, 慢慢續漸增加兔兔食量
- 要勤替兔兔梳毛, 以免兔兔吞下過多毛髮
- 兔兔日常用品避免有毛質, 如毛質玩具, 地毯之類
- 每日要提供足夠時間比兔兔運動, 保持腸胃蠕動正常
- 有某D兔兔有食墊材既習慣, 你留意一下朱朱會5會敢樣, 因為食墊材多, 而且消化系統5好既兔兔會消化5到
- 餵食定時定量 (即蔬菜, 干糧要定量, 5好時多時少)
- 兔兔食既干草必需新鮮, 品質良好, 枯草不宜比兔兔食, 會易產生 腸胃問題
- 如果朱朱飲食回復正常, 最好仍持續餵朱朱食草粉一段時間, 份量可以不多, 一日2至3克, 有效調理腸胃
- 部份兔兔因為口味問題或腸胃不好, 不論任何牌子既T草都食5多, 若朱朱平日食T草不多, 除左比T草外, 你可以嘗試混其它草比佢食, 補給營養同纖維吸收
可以混
* Oxbow Meadow Hay (有機牧草) 依種草入面其實混合好多種5同既草, 其中一種係Alfafa, 餵前要先抽出黎, 5好比朱朱食
* Oxbow Orchard Grass (果樹草)
* APD High Mountain Grass (高山草)
依3草較香, 可以引起兔兔食慾, 你可以嘗試一下

在此, 祝願朱朱早日康復