兔兔飲水少點算好？

我兔兔第一日接返屋到企係下午，因為假期我地第一日接左佢就係屋企無出街有開冷氣，第一日飲食都正常，屎尿都好正常，晚上我地出街食飯都關左冷氣只俾風扇佢，但第二日我地日間出左街，已經俾左冰種鐵盒+風扇俾佢，返到屋企見佢食草量同飲水都少，Ｄ便便都細粒左，尿都少左，但我地開左冷氣佢又食返多Ｄ，便便又大粒返，食兔糧同食菜菜都好快好開心，但飲水都係比第一日少，我地檢查過水樽，又洗過水樽，確保水樽無問題，臨瞓我叫兔兔飲水水，佢就一次過飲左好多，之後我就瞓覺，起身見佢水樽又無乜少左水咁，好担心，係咪太熱攪到佢食慾不振呢？除左開冷氣之外，可以做既我都做哂啦，咁點算好呢？

用針筒喂佢飲就可以了~~
靜妍之前病病冇力郁果時都係用針筒喂佢飲的..

正楠果時岩岩黎到都係冇咩點飲水,
我地以為個水樽粒珠太實,唔岩佢飲,但又唔係喎~
之後我地放佢係個水樽前面,佢飲左一下之後就係咁飲,
飲夠兩分鐘有多=3=
之後佢飲水果d都正常番了....
而家胃口重好好...
一星期一包2.5kg momi 1st t草=3=
食窮兔爸lu~~~

樓主隻兔兔叫咩名呀??:021:

正楠食得好乾淨架..
唔洗逼都會自動食哂d草~可能係iloverxbbit果度冇啖好食~所以冇浪費的習慣..
靜妍就會浪費~~唔加草佢就會死死地氣走番去食..:021:

我都係朝朝見到十幾粒...
我係屋企放左個廁所，唔知點解教極都重係唔識去果度痾，成日係果個廁所隔離痾，
佢自己個籠入便都有一個廁所，但間唔中佢見d草食完唔中意食果d就會係上而小便，逼我換草><

應該係岩岩去到新環境唔多適應姐..
菜菜比適量就好了...唔好比太多~~

我用熟水浸半個中，之後瓊乾水就算架了~~