兔兔飲水少點算好？

我兔兔第一日接返屋到企係下午，因為假期我地第一日接左佢就係屋企無出街有開冷氣，第一日飲食都正常，屎尿都好正常，晚上我地出街食飯都關左冷氣只俾風扇佢，但第二日我地日間出左街，已經俾左冰種鐵盒+風扇俾佢，返到屋企見佢食草量同飲水都少，Ｄ便便都細粒左，尿都少左，但我地開左冷氣佢又食返多Ｄ，便便又大粒返，食兔糧同食菜菜都好快好開心，但飲水都係比第一日少，我地檢查過水樽，又洗過水樽，確保水樽無問題，臨瞓我叫兔兔飲水水，佢就一次過飲左好多，之後我就瞓覺，起身見佢水樽又無乜少左水咁，好担心，係咪太熱攪到佢食慾不振呢？除左開冷氣之外，可以做既我都做哂啦，咁點算好呢？

菜菜入面有水份
吸收到都ok既

我波波之前少飲水
帶佢睇醫生,除左食藥醫生都有叫我灌佢飲水
但係天氣熱,兔兔應該唔會食慾不振到唔飲水架
正常應該狂飲
我諗你留意多佢1日
都係咁就帶佢睇醫生
可能佢唔習慣新環境呀

[ 本帖最後由 berki 於 2011-4-26 12:08 PM 編輯 ]

berki
多謝你回覆呀^^
我係係兔協領養架，24號至接返屋企，佢13號先做完絕育，應該係醫生度做左body check啦掛？佢做完絕育康復得好快，第2日上去探佢，佢連頭罩都唔駛帶，只係怕痛唔肯用廁所，過左幾日再上去上堂見佢已經識得用返廁所啦，肚肚Ｄ毛毛仲開始生返出黎添，應該好返哂架啦∼
請問點樣灌佢飲水架？請指教undefined

原帖由 jinjin 於 2011-4-26 12:12 PM 發表
berki
多謝你回覆呀^^
我係係兔協領養架，24號至接返屋企，佢13號先做完絕育，應該係醫生度做左body check啦掛？佢做完絕育康復得好快，第2日上去探佢，佢連頭罩都唔駛帶，只係怕痛唔肯用廁所，過左幾日再上去上堂 ...

係呀我岩岩睇返你D post
知道你隻兔兔係領養返黎
所以body check應該做左架啦 : )

灌佢飲水係用佢地食藥D針筒囉
一次灌佢飲25ml @@
其實有時放個水樽係佢面前
佢都會知原來自己唔記得飲水架啦#^51^#

用針筒喂佢飲就可以了~~
靜妍之前病病冇力郁果時都係用針筒喂佢飲的..

正楠果時岩岩黎到都係冇咩點飲水,
我地以為個水樽粒珠太實,唔岩佢飲,但又唔係喎~
之後我地放佢係個水樽前面,佢飲左一下之後就係咁飲,
飲夠兩分鐘有多=3=
之後佢飲水果d都正常番了....
而家胃口重好好...
一星期一包2.5kg momi 1st t草=3=
食窮兔爸lu~~~

樓主隻兔兔叫咩名呀??:021:

原帖由 aguiler 於 2011-4-26 12:33 PM 發表
用針筒喂佢飲就可以了~~
靜妍之前病病冇力郁果時都係用針筒喂佢飲的..

正楠果時岩岩黎到都係冇咩點飲水,
我地以為個水樽粒珠太實,唔岩佢飲,但又唔係喎~
之後我地放佢係個水樽前面,佢飲左一下之後就係咁飲,
飲 ...

@0@ 正楠會唔會徙草架?
我1隻要2個星期先食哂-_-
不過佢地好乖,唔會點浪費架

正楠食得好乾淨架..
唔洗逼都會自動食哂d草~可能係iloverxbbit果度冇啖好食~所以冇浪費的習慣..
靜妍就會浪費~~唔加草佢就會死死地氣走番去食..:021:

原來都係用針筒，唔該哂∼
因為岩岩返到新屋企，佢都好似仲有少少怕，基本上佢都係比較胆小的，經過我地餵佢食糧同菜之後，都已經好左少少，無咁縮，我唸住過多幾日睇下佢仲怕唔怕至開門等佢自己出黎啦，所以暫時都唔敢捉佢出黎做Ｄ乜住，唯有叫佢飲水水啦，希望佢知道自己口渴啦。

btw
請問點樣可以用到兔兔張相做頭像呢？我係個性化資料Browse click左兔兔張相，但係系統話我（您設置的頭像超過 100000 字節大小，請返回修改。），但係我無打過任何字，唔識點攪呢？:043:

我隻兔兔叫Monie呀，不過我就叫佢MonMon架，得意Ｄ嘛:039:

我平時見佢係兔協都係食得多屙得多架，第一日返到屋企開住冷氣佢都食得飲得屙得，只係第2日日間無冷氣佢就食少左草同飲少左水啦，所以好怕佢會熱親囉。
尋晚叫佢飲水水佢都係勁飲，之後我就瞓覺，但瞓醒又唔覺佢飲左好多。

佢好鬼鐘意乾淨，個廁所屙滿左就推左去門口位，要我地幫佢清廁所架:031:

原帖由 jinjin 於 2011-4-26 12:55 PM 發表
原來都係用針筒，唔該哂∼
因為岩岩返到新屋企，佢都好似仲有少少怕，基本上佢都係比較胆小的，經過我地餵佢食糧同菜之後，都已經好左少少，無咁縮，我唸住過多幾日睇下佢仲怕唔怕至開門等佢自己出黎啦，所以 ...

縮細佢就upload到架啦~
岩岩返屋企,都要幾日適應下
俾D時間MON MON啦#^49^#

原帖由 jinjin 於 2011-4-26 01:02 PM 發表
我隻兔兔叫Monie呀，不過我就叫佢MonMon架，得意Ｄ嘛:039:

我平時見佢係兔協都係食得多屙得多架，第一日返到屋企開住冷氣佢都食得飲得屙得，只係第2日日間無冷氣佢就食少左草同飲少左水啦，所以好怕佢會熱親囉。 ...

點解可以咁醒目架!!!!
我桃桃屙滿左都照屙...傻豬黎/3\

可能MONMON俾人遺棄過
所以你唔係度就食少左飲少左
多D同佢傾計呀^^

張相已經係under 512架啦，得392kb咋 :008:

終於upload到啦 :053:

說來話長，佢係兔協已經識用廁所，返到新屋企都識用，但係我唸住落少Ｄ貓砂佢無咁快會爆缸，但係點知佢屙尿尿時屙到her her聲嚇親自己，之後就便便同尿尿都唔肯用廁所啦周圍屙，可能佢做完絕育後有陰影，以為有聲會痛啦，我要睇住佢，佢一屙完就即刻抺左Ｄ尿放入廁所內，仲教佢尿尿廁所，屎屎廁所，仲用醋抺乾淨佢係其他位屙既尿尿，教左幾次，佢終於敢用返個廁所屙尿尿啦，至於屎就要教多幾次至得，不過有時都會有幾粒係周圍架，不過都好安慰架啦 :050:

[ 本帖最後由 jinjin 於 2011-4-26 01:19 PM 編輯 ]

原帖由 jinjin 於 2011-4-26 01:14 PM 發表
終於upload到啦 :053:

說來話長，佢係兔協已經識用廁所，返到新屋企都識用，但係我唸住落少Ｄ貓砂佢無咁快會爆缸，但係點知佢屙尿尿時屙到her her聲嚇親自己，之後就便便同尿尿都唔肯用廁所啦周圍屙，可能佢做完 ...

monmon係獅子兔?
我落好少貓砂架咋
因為佢地好鍾意聽尿尿聲=.=
冇聲就周圍屙
好奇怪呀#^51^#

有幾粒便便出左廁所屙好叻架啦
我朝朝都見到十幾粒 /.\