兔兔飲水少點算好？

我兔兔第一日接返屋到企係下午，因為假期我地第一日接左佢就係屋企無出街有開冷氣，第一日飲食都正常，屎尿都好正常，晚上我地出街食飯都關左冷氣只俾風扇佢，但第二日我地日間出左街，已經俾左冰種鐵盒+風扇俾佢，返到屋企見佢食草量同飲水都少，Ｄ便便都細粒左，尿都少左，但我地開左冷氣佢又食返多Ｄ，便便又大粒返，食兔糧同食菜菜都好快好開心，但飲水都係比第一日少，我地檢查過水樽，又洗過水樽，確保水樽無問題，臨瞓我叫兔兔飲水水，佢就一次過飲左好多，之後我就瞓覺，起身見佢水樽又無乜少左水咁，好担心，係咪太熱攪到佢食慾不振呢？除左開冷氣之外，可以做既我都做哂啦，咁點算好呢？

係呀，佢係獅子兔呀，所以都幾大隻架，我仲叫佢做大隻Mon添 :073:

你Ｄ兔兔好細隻好cute呀，好羡慕呀，佢地鐘意聽尿尿聲咁攪笑既 :053:

我都係朝朝見到十幾粒...
我係屋企放左個廁所，唔知點解教極都重係唔識去果度痾，成日係果個廁所隔離痾，
佢自己個籠入便都有一個廁所，但間唔中佢見d草食完唔中意食果d就會係上而小便，逼我換草><

你可以比菜兔兔食,有水份,兔協既兔兔有冷氣病都唔出奇,話晒果度24小時冷氣,我個人覺得都幾凍下.......

飲水你係留意下兔兔飲左幾多?我有隻女係兔協協領養返黎,試過兩,三日唔飲水,兔兔有時好細膽,唔習慣環境,飲啖水都驚:036: 可以比菜兔兔食,補充水份

屎周圍痾都無所謂....尿就一定要去廁所

開左冷氣佢就食好多草囉，屎都大粒返，主要係怕佢飲水飲得太少，因為下午都熱，無理由唔飲水嘛，第一日佢好正常都飲好多水架，有成250ml架，但係第二日我地出街下午佢就食得少飲得少啦，返到屋企開返冷氣，佢又食多左草，水就少飲，佢有係個水樽度舔幾下，我見水樽無泡泡出，可能佢飲唔到，就check下個水樽又拎個水樽去洗，佢都係只舔幾下又走開，最後我走埋去叫佢飲佢就狂飲左一陣，之後又飲得好少，希望佢係未習慣啦，今日睇下點，可能俾多Ｄ菜佢食補充水份先。

[ 本帖最後由 jinjin 於 2011-4-26 03:05 PM 編輯 ]

應該係岩岩去到新環境唔多適應姐..
菜菜比適量就好了...唔好比太多~~

我尋日俾左2棵菜芯佢食，佢食得好起勁，食完仲搵下個糧碗有無菜添，
請問2棵菜芯份量O唔OK呢？

原帖由 jinjin 於 2011-4-26 03:08 PM 發表
我尋日俾左2棵菜芯佢食，佢食得好起勁，食完仲搵下個糧碗有無菜添，
請問2棵菜芯份量O唔OK呢？

如果第一次就唔好俾咁多啦  
仲有阿! 記住唔好俾花花兔兔食阿

我洗菜時打左電話去兔協問呀，菜花唔俾得兔兔食我知道左啦，唔該哂，
佢至少有14個月咁大架啦，咁係咪俾一棵就夠架啦？

原帖由 jinjin 於 2011-4-26 03:08 PM 發表
我尋日俾左2棵菜芯佢食，佢食得好起勁，食完仲搵下個糧碗有無菜添，
請問2棵菜芯份量O唔OK呢？

2棵好小架咋....一日可以吃一杯(250水杯),只要6個月以上既兔兔,係兔協佢地都會有小小菜食,若果兔兔而家飲水小,你得閒咪分三餐比,唔得閒就分兩餐比~

新回家的兔兔,好多時都會驚驚青青,唔習慣,最重要都係留意兔地d屎屎,有無寄形怪狀,好細粒

記得菜起碼要浸20~30分鐘,花唔食得

菜起碼要浸20~30分鐘,花唔食得，記得，記得，唔該哂∼
尋日都浸左45mins左右，
我自己食果Ｄ菜都會最少浸30mins，得閒就再浸耐Ｄ :070:

[ 本帖最後由 jinjin 於 2011-4-26 03:52 PM 編輯 ]

我會浸一個鐘....

我屋企浸1次20分鐘
次次都浸3過水+搵熟水沖先俾兔兔食架

我係先浸後chok洗再浸一陣再洗，fing乾水，瓊乾水，就俾兔兔食，我見兔協都無用熟水過我就偷懶囉 :014:

原來洗菜要洗咁耐= =
我丫叔成日洗幾分鐘fing兩fing就掉俾呠呠食..
睇黎要阻止佢!

我用熟水浸半個中，之後瓊乾水就算架了~~