兔兔飲水少點算好？

我兔兔第一日接返屋到企係下午，因為假期我地第一日接左佢就係屋企無出街有開冷氣，第一日飲食都正常，屎尿都好正常，晚上我地出街食飯都關左冷氣只俾風扇佢，但第二日我地日間出左街，已經俾左冰種鐵盒+風扇俾佢，返到屋企見佢食草量同飲水都少，Ｄ便便都細粒左，尿都少左，但我地開左冷氣佢又食返多Ｄ，便便又大粒返，食兔糧同食菜菜都好快好開心，但飲水都係比第一日少，我地檢查過水樽，又洗過水樽，確保水樽無問題，臨瞓我叫兔兔飲水水，佢就一次過飲左好多，之後我就瞓覺，起身見佢水樽又無乜少左水咁，好担心，係咪太熱攪到佢食慾不振呢？除左開冷氣之外，可以做既我都做哂啦，咁點算好呢？

我浸幾字fing兩fing再瓊乾水就俾佢

我就有兩隻
仔仔勁中意飲水
一日六百五十ml刀五夠佢飲
由細到大刀中意飲水
嘟嘟就完全相反
由細到大一曰飲大約二百ml到
但同仔仔一樣大
但bodycheck時醫生又話佢好正常。好健康:036:

真係被MonMon玩死，尋晚返到屋企見佢又係唔多飲水，走埋佢叫佢飲水，又係舔幾舔又唔用力飲，檢查過又無問題呀，我咪又去洗下個樽口鋼珠位囉，洗完再叫佢飲，佢又good good good 咁飲左成70ml喎，今朝起身又見佢無乜飲水，我再做同一動作，佢既反應完全一樣，洗完水樽之後，又飲左成70ml，咁死啦，唔掂喎，次次都要洗乾淨至肯飲，唔係真係乾淨到咁呀嘛？:026:
咁我地唔係度佢咪唔駛飲水囉佢，咁點算好呢？:044:

尋晚拎左個樽去入新水，但係因為Ｄ水未夠涼仲暖暖地，所以水樽位空左，點知MonMon就走去果度搵水樽喎，等Ｄ水涼左放返入籠，佢又唔飲，真係激死人啦 :037: