便便變小 ~急

免仔的便便變小粒及黑了, 要不要看醫生?
我在精華區番查資料, 可能是毛球症。我家有木瓜丸,俾咗好幾日, 但都冇改善~
之前我有POST過一個"兔仔甩毛", 我在想是不是真的有毛球症。
但因為農曆新年剛過,家比較嘈,我想會不會是兔仔有壓力而成
想問睇一睇醫生約多少錢(我住九龍)

..... 七百幾蚊港紙睇一次獸醫, 我呢邊真係恨都恨唔到
上次我個衰仔唔食野, 帶佢去睇醫生 + 照 X-ray 睇下有冇腸塞/氣漲, 點知賣單收我六百幾美金...
個醫生仲要比埋啲九唔搭既藥我, 例如貓用既去毛膏!!!!!

logyout 發表於 2013-2-24 12:07 PM
謝謝
另外想問吓你
你有冇試過鍡隻兔仔食草粉?

其實我唔太建議人地用大針筒去餵草粉
一黎大針筒唔會代表佢抽野個咀會大啲...
二黎, 好難控制你每一啖究竟比兔兔食幾多...
雖然話就話一餐要餵 15-20 ml, 但唔代表你一次過要抽晒 15-20 ml 入去針筒
加上, 粗針筒好難放入兔兔口...
再者, 如果你噤得多入佢咀咀, 兔兔又吞唔切, 好易喰親...
萬一你一個唔覺意大力得吱左入佢氣管, 兔兔分分鐘冇命
所以都係唔好為左貪一時方便用大針筒嘞!
我個人喜好用 1 ml 針筒, 雖然要抽好多次先食到一餐, 但起碼比較安全同易控制...
另外, 所謂 force-feed 唔係真係要暴力架
咁樣會令病病既小兔更加 stress...
你都唔會想每次餵佢都好以打杖咁架...
我之前拍左個 video 教入用針筒餵草粉架...
雖然好長好悶, 但應該可以解答你地抽唔起草粉既問題...

logyout 發表於 2013-3-6 07:54 AM
噢,我今日先睇到你個VIDEO, 原來要剪針筒個頭..... 蠢咗......
我鍡食藥同草粉的時候真的和兔仔 ...

HaHaHa, 想當年我第一次餵草粉就係唔知頭唔知路, 死吸爛吸都吸唔起啲草粉...
最後嬲嬲地一野剪左個咀, 結果發現原來容易好多...

至於開戰, 其實開頭我都係好踢腳架...
後黎先發現原來唔需要大力捉住個頭...
因為捉得越大力佢就越反抗...
相反, 細細力扶住個頭, 最好掌心遮埋佢雙眼, 咁佢反而 ok...
人地話兔兔有時好蠢, 只要佢睇唔到就當自己好安全...
原來係真架!
你下次不防試下啦