便便變小 ~急

免仔的便便變小粒及黑了, 要不要看醫生?
我在精華區番查資料, 可能是毛球症。我家有木瓜丸,俾咗好幾日, 但都冇改善~
之前我有POST過一個"兔仔甩毛", 我在想是不是真的有毛球症。
但因為農曆新年剛過,家比較嘈,我想會不會是兔仔有壓力而成
想問睇一睇醫生約多少錢(我住九龍)

毛球症唔係病，只係徵狀
便便變小或少，源自腸道健康，蠕動減慢或腸停，壓力係其中一個影響因素

木瓜丸的作用係無數據證明，但糖份高，只可當零食，腸胃有問題時，俾木瓜丸反而弊多於利

如你所講，情況維持數天無改善，最好快啲睇醫生
Recommend Dr Ma & Dr Hugh
http://petkd.net/thread-7030-1-1.html

胃腸道停滯 (俗稱: 腸停) - 隱形殺手 (必讀)
http://petkd.net/thread-15691-1-1.html

醫療費參考：
http://petkd.net/thread-7028-1-1.html

謝謝, 約唔到Dr. Ma, 會去紅磡獸醫診所度~

食木瓜丸無用架囉.......若果兔兔本身巳經脹胃唔係咁好,仲比佢食,仲害左兔兔囉......

仲有脹停,一日內巳經可以令到兔兔無命,樓主要做多d功課,同埋要有一包草粉長放係屋企

謝謝各位, 我去了紅磡獸醫診所
少爺仔佢飲食唔均衡, 食太多糧同唔夠新鮮蔬菜~
醫生話佢有少少過重(1.5公斤,但一年前我响兔協度攞返來都係咁重)
比咗份簡單的英文餐單~,話以後呢隻兔仔應該食D咩,同食幾多
生菜醫生話唔餵得(我知有好多兔仔生菜都OK,只是少爺仔唔得)因為纖維唔夠粗,兔仔唔洗點咬就吞咗(少爺仔係一隻你俾什麼佢差唔多什麼都食既兔仔)
還有打了兩針同俾咗D腸動藥和草粉~盛惠713元(好貴呢~)
兩日後覆診
睇醫生果時少爺仔都KEEP住响屋企咁咬我,同唔俾其他人掂,還有甩到醫生同醫生助手成件衫同電腦都係毛

有冇朋有可以介紹D平少少的兔仔醫生?

logyout 發表於 2013-2-23 06:45 PM
謝謝各位, 我去了紅磡獸醫診所
少爺仔佢飲食唔均衡, 食太多糧同唔夠新鮮蔬菜~
醫生話佢有少少過重(1.5公斤, ...

其實一年前係兔協的體重,并不代表佢無過重啊……

就咁聽你講,$713診金都尚算合理,
如下：

Consultation大概係$250-$300
草粉如果係細包都要$200幾,
兩支針,平均一支計佢一百,
仲有其他藥呢~

$713真係算係咁啦~~

上次Dr.Ma同我講,
兔仔最好唔好比佢食西生菜,
唔知你隻兔仔食o既係西生菜定唐生菜呢?

算係好合理,因為差唔多見親獸醫........都差唔多係呢個價,覆診可能平小小既.....仲要係基本消費咁滯.......幫兔兔儲基金啦,咁樣比較實際

最好既方法係照顧好兔兔,咪唔使去睇醫生囉~t草無限量供應,糧就唔好比多,糧食得太多無益,甜食,生果,我都無比,菜我就每日都會比

raywong521 發表於 2013-2-24 01:14 AM
算係好合理,因為差唔多見親獸醫........都差唔多係呢個價,覆診可能平小小既.....仲要係基本消費咁滯....... ...

想請教吓一杯菜有幾多?
這裡是2棵菜心, 夠一杯?少於一杯?

Suzanne 發表於 2013-2-24 12:36 AM
其實一年前係兔協的體重,并不代表佢無過重啊……

就咁聽你講,$713診金都尚算合理,

西生菜

..... 七百幾蚊港紙睇一次獸醫, 我呢邊真係恨都恨唔到
上次我個衰仔唔食野, 帶佢去睇醫生 + 照 X-ray 睇下有冇腸塞/氣漲, 點知賣單收我六百幾美金...
個醫生仲要比埋啲九唔搭既藥我, 例如貓用既去毛膏!!!!!

Hitan 發表於 2013-2-24 09:28 AM
..... 七百幾蚊港紙睇一次獸醫, 我呢邊真係恨都恨唔到
上次我個衰仔唔食野, 帶佢去睇醫生 + 照 X- ...

嘩,咁又真系好鬼貴~~~
香港啲獸醫全部都响外國畢業,仲以為外國會平啲... ...

logyout 發表於 2013-2-24 09:23 AM
西生菜

Dr.Ma個解釋同你睇果位獸醫的差不多,
西生菜水份多,纖維同營養太少,所以係唔多適合兔仔食用。

嗯…1.5KG的兔仔食兩棵菜心,好似多左少少。
我個女女2.7KG都係兩三棵菜心左右咋…

Suzanne 發表於 2013-2-24 10:45 AM
Dr.Ma個解釋同你睇果位獸醫的差不多,
西生菜水份多,纖維同營養太少,所以係唔多適合兔仔食用。

謝謝~ 其他菜的份量我仍在摸索當中
一杯/ 每日20%的份糧等字眼.... .... 都沒有太大的概念~
我又唔想俾多咗... .... 佢唔識停ga~

logyout 發表於 2013-2-24 11:03 AM
謝謝~ 其他菜的份量我仍在摸索當中
一杯/ 每日20%的份糧等字眼.... .... 都沒有太大的概念~
我又 ...

我明白呀...
我兩隻兔兔都係兔協領養, 佢地係兔協每日大概都係食兩三片菜, 我初時都好confused應該比幾多比佢地食。我記得初初女女返到我家時, 我試過一日比兩棵油麥菜(嘩……真係好大棵架), 為食o既兔兔真係唔識停架。

我而家o既做法係,佢地食得草多就比多少少菜比佢地,食得草少就比少D。平均一隻兔都係食2~3棵菜心 / 半棵油麥菜 / 半棵羅馬菜。  兔糧一兩茶匙。

其實最重要的是, 佢地一日真係食足兩個自己咁大SIZE既草

Suzanne 發表於 2013-2-24 11:32 AM
我明白呀...
我兩隻兔兔都係兔協領養, 佢地係兔協每日大概都係食兩三片菜, 我初時都好confused應該比幾多 ...

謝謝
另外想問吓你
你有冇試過鍡隻兔仔食草粉?
我果隻唔肯自己食, "塞"到嘴邊都唔食
獸醫冇俾支大的針for抽起d草粉, 想force feed都唔得

我剛才問了好幾間藥房都冇賣, 又或都賣d真係有支針果種針筒... ....
可以點算?

但好在我的兔仔會keep住食草, 只是食唔夠2個身型的草~