兔兔飲水少點算好？

我兔兔第一日接返屋到企係下午，因為假期我地第一日接左佢就係屋企無出街有開冷氣，第一日飲食都正常，屎尿都好正常，晚上我地出街食飯都關左冷氣只俾風扇佢，但第二日我地日間出左街，已經俾左冰種鐵盒+風扇俾佢，返到屋企見佢食草量同飲水都少，Ｄ便便都細粒左，尿都少左，但我地開左冷氣佢又食返多Ｄ，便便又大粒返，食兔糧同食菜菜都好快好開心，但飲水都係比第一日少，我地檢查過水樽，又洗過水樽，確保水樽無問題，臨瞓我叫兔兔飲水水，佢就一次過飲左好多，之後我就瞓覺，起身見佢水樽又無乜少左水咁，好担心，係咪太熱攪到佢食慾不振呢？除左開冷氣之外，可以做既我都做哂啦，咁點算好呢？

berki
多謝你回覆呀^^
我係係兔協領養架，24號至接返屋企，佢13號先做完絕育，應該係醫生度做左body check啦掛？佢做完絕育康復得好快，第2日上去探佢，佢連頭罩都唔駛帶，只係怕痛唔肯用廁所，過左幾日再上去上堂見佢已經識得用返廁所啦，肚肚Ｄ毛毛仲開始生返出黎添，應該好返哂架啦∼
請問點樣灌佢飲水架？請指教undefined

原來都係用針筒，唔該哂∼
因為岩岩返到新屋企，佢都好似仲有少少怕，基本上佢都係比較胆小的，經過我地餵佢食糧同菜之後，都已經好左少少，無咁縮，我唸住過多幾日睇下佢仲怕唔怕至開門等佢自己出黎啦，所以暫時都唔敢捉佢出黎做Ｄ乜住，唯有叫佢飲水水啦，希望佢知道自己口渴啦。

btw
請問點樣可以用到兔兔張相做頭像呢？我係個性化資料Browse click左兔兔張相，但係系統話我（您設置的頭像超過 100000 字節大小，請返回修改。），但係我無打過任何字，唔識點攪呢？:043:

我隻兔兔叫Monie呀，不過我就叫佢MonMon架，得意Ｄ嘛:039:

我平時見佢係兔協都係食得多屙得多架，第一日返到屋企開住冷氣佢都食得飲得屙得，只係第2日日間無冷氣佢就食少左草同飲少左水啦，所以好怕佢會熱親囉。
尋晚叫佢飲水水佢都係勁飲，之後我就瞓覺，但瞓醒又唔覺佢飲左好多。

佢好鬼鐘意乾淨，個廁所屙滿左就推左去門口位，要我地幫佢清廁所架:031:

張相已經係under 512架啦，得392kb咋 :008:

終於upload到啦 :053:

說來話長，佢係兔協已經識用廁所，返到新屋企都識用，但係我唸住落少Ｄ貓砂佢無咁快會爆缸，但係點知佢屙尿尿時屙到her her聲嚇親自己，之後就便便同尿尿都唔肯用廁所啦周圍屙，可能佢做完絕育後有陰影，以為有聲會痛啦，我要睇住佢，佢一屙完就即刻抺左Ｄ尿放入廁所內，仲教佢尿尿廁所，屎屎廁所，仲用醋抺乾淨佢係其他位屙既尿尿，教左幾次，佢終於敢用返個廁所屙尿尿啦，至於屎就要教多幾次至得，不過有時都會有幾粒係周圍架，不過都好安慰架啦 :050:

[ 本帖最後由 jinjin 於 2011-4-26 01:19 PM 編輯 ]

係呀，佢係獅子兔呀，所以都幾大隻架，我仲叫佢做大隻Mon添 :073:

你Ｄ兔兔好細隻好cute呀，好羡慕呀，佢地鐘意聽尿尿聲咁攪笑既 :053:

開左冷氣佢就食好多草囉，屎都大粒返，主要係怕佢飲水飲得太少，因為下午都熱，無理由唔飲水嘛，第一日佢好正常都飲好多水架，有成250ml架，但係第二日我地出街下午佢就食得少飲得少啦，返到屋企開返冷氣，佢又食多左草，水就少飲，佢有係個水樽度舔幾下，我見水樽無泡泡出，可能佢飲唔到，就check下個水樽又拎個水樽去洗，佢都係只舔幾下又走開，最後我走埋去叫佢飲佢就狂飲左一陣，之後又飲得好少，希望佢係未習慣啦，今日睇下點，可能俾多Ｄ菜佢食補充水份先。

[ 本帖最後由 jinjin 於 2011-4-26 03:05 PM 編輯 ]

我尋日俾左2棵菜芯佢食，佢食得好起勁，食完仲搵下個糧碗有無菜添，
請問2棵菜芯份量O唔OK呢？

我洗菜時打左電話去兔協問呀，菜花唔俾得兔兔食我知道左啦，唔該哂，
佢至少有14個月咁大架啦，咁係咪俾一棵就夠架啦？

菜起碼要浸20~30分鐘,花唔食得，記得，記得，唔該哂∼
尋日都浸左45mins左右，
我自己食果Ｄ菜都會最少浸30mins，得閒就再浸耐Ｄ :070:

[ 本帖最後由 jinjin 於 2011-4-26 03:52 PM 編輯 ]

我係先浸後chok洗再浸一陣再洗，fing乾水，瓊乾水，就俾兔兔食，我見兔協都無用熟水過我就偷懶囉 :014:

真係被MonMon玩死，尋晚返到屋企見佢又係唔多飲水，走埋佢叫佢飲水，又係舔幾舔又唔用力飲，檢查過又無問題呀，我咪又去洗下個樽口鋼珠位囉，洗完再叫佢飲，佢又good good good 咁飲左成70ml喎，今朝起身又見佢無乜飲水，我再做同一動作，佢既反應完全一樣，洗完水樽之後，又飲左成70ml，咁死啦，唔掂喎，次次都要洗乾淨至肯飲，唔係真係乾淨到咁呀嘛？:026:
咁我地唔係度佢咪唔駛飲水囉佢，咁點算好呢？:044:

尋晚拎左個樽去入新水，但係因為Ｄ水未夠涼仲暖暖地，所以水樽位空左，點知MonMon就走去果度搵水樽喎，等Ｄ水涼左放返入籠，佢又唔飲，真係激死人啦 :037: