有個關於絶育嘅問題想問吓大家意見！

兩隻本身好好朋友嘅男性兔兔，一齊玩同瞓，同住一個籠。
其中一隻做咗絶育3日，另一隻7日後會絶埋育。
宜家兩隻仔分開咗籠住，頭先嘗試放佢哋出嚟玩。
點知 ~ 未絶育果隻咬絶咗育果隻，好似唔識咁。
未絕育果隻個樣好惡，嚇死我！即刻分開兩隻仔！
絶咗育果隻明顯地馴咗好多，佢嘅眼神話比我知佢好掛住佢個好朋友。
明明喺好好朋友㗎嘛，點解會咁㗎？？會突然間唔識對方㗎？
喺咪做咗公公就無咗陣味，所以認唔到？
如果另一隻做埋公公會唔會又friend番呢？
又或者佢哋會唔會再friend唔番㗎？好擔心！超擔心！

其實我喺又擔心，又心急，又心痛。
我喺新手，由農曆年開始養，咁耐都未見過兩隻打交。
离晩見到啲咁嘅埸面真喺嚇鬼死！
今日打去兔協同獸醫到問，佢哋話有改變，
人都會驚，更何況動物，無得解釋。
我心痛在之前感情咁好，如果之後夾唔到會好可惜。
好似喺我做成咁！唉~~
有無其他兔友好似我呢個case，分享吓你哋會點做呢？謝謝

我果兩隻叫芝麻／湯丸，两隻都喺孤兒仔，喺街到執番嚟。
從來無養過兔兔嘅我，一次過要養两隻真喺有啲吃力。
不過好在有呢個forum，我喺到學識好多嘢！
咩應該做唔應該做，養兔兔真喺唔同養貓狗。
好多謝大家嘅意見，我會等埋另一隻做埋公公先算。