好擔心佢...

兔兔對環境熟識咗之後, 就唔會再捕蛋咁咖喇~ 有時係會咁攤喺度, 想知兔兔有冇問題, 初部可以由兔兔嘅飲食同便便度留意一下, 兔兔食草量正唔正常呢? 多唔多飲水呢?? 便便係咪梗兼圓身大粒, 而且粒粒都差唔多大呢?? 如果以上三點一切正常都唔駛太擔心喇~!!

不過, 想提一點就係兔兔個籠似乎有點細, 兔兔係放養嗎? 如果唔係嘅話, 建議換一個大啲嘅籠等兔兔住得舒服啲, 同埋可以用外掛式草架, 咁亦可以騰出較多空間出嚟俾兔兔~!! 貓砂唔好直接舖籠底, 放喺廁所入面做墊料啦~ 因為對兔兔唔好咖~ 萬一兔兔食咗落肚就大件事, 如果兔兔未識去廁所, 建議舖尿片會較好~!!

all_loving_it 發表於 2012-3-31 12:31 AM
其實之前都已經提過, 貓砂係比貓用, 唔可以用係兔兔方面

我呢邊唔會有木粒買, 只係得紙粒同木糠, 但兩樣對兔兔都唔好, 咁醫兔嘅獸醫同呢度嘅兔協都建議可以用貓嘅環保貓砂, 話放有架廁所內係冇問題, 咁你覺得係咪連醫兔嘅獸醫同呢度嘅兔協都有錯?? 如果你都覺得係有問題, 咁呢度冇其他嘅墊料可以買倒, 咁我可以用咩?? 我養咗兔兔差唔多四年了, 一直都冇事, 好健康, 証明環保貓砂用喺有架嘅廁所內係冇問題, 你講唔用得嘅貓砂係普通貓砂, 兔兔就真係唔用得喇~!!

同埋請你睇清楚我回覆樓主, 我唔係叫佢唔舖墊料, 如果兔兔未識去廁所, 建議佢舖尿片, 唔係乜都唔舖!! 謝謝!!