本帖最後由 Hitan 於 2013-4-30 02:46 PM 編輯
Yeah!我地終於都番黎啦! 話說上年因為工作關係要離開香港到美國一年... 當時其實屋企人有提議過留低兔兔比佢地睇住... 但自己覺得佢地始終唔會花好多時間陪兔兔,而且兔兔有起咩事上黎佢地未必會咁容易察覺到... 所以,決定帶埋兔兔走… 我當時冇搵寵物移民公司, 因為覺得佢地係超級濫收費用... 雖然最後用左好多時間做資料搜集… 但係絕對值得! 因為慳番起碼一萬蚊! 又唔駛驚會唔會所托非人… Anywayz… 最後自己揀左坐 United Airlines… 因為只有佢地肯比兔兔上機同自己一齊坐… 咁起碼方便自己照顧兔兔…
第一次坐飛機, 其實見到衰仔喺起飛嗰陣驚到成隻兔震晒… 係咁爬上自己心口要抱… 初時都驚佢會唔適應… 不過好快佢已經冇事肯食菜嘞:
到第二次轉機再起飛, 衰仔已經懶醒… 一上到機就出黎睇風景:
而且飛機升降都冇問題嘞{:soso_e182:}
至於出境手續/費用方面,其實一啲都唔難同唔貴… 由於香港冇寵物出境管制... 所以只需要預備以下 3 樣比航空公司同美國入口: 1)Body Check + Health certificate + 必時之需既後備藥 = $ 1250 2)漁農署加簽 health certificate = $ 155 3)兔兔機票 = USD 125
不過雖然自己跟晒指示… 但其實到真正飛嗰日... 由香港出發到美國轉機… 根本完全冇用過嗰啲documents!!! 最搞笑係喺美國過關拎住隻兔子都冇人理… 海關啲人只掛住睇兔仔… 話好cute 好 cute… 最後竟然係連兔袋都冇scan 過 完全係直行直過… {:soso_e140:}
|