2個月多摩天使BB

今日在旺角無良寵物店(出名黑店)，聽到一隻摩天使求救的叫聲，使得我走進去，之後見到店員的反應&態度，我也不想在此多說，(因很長篇，當時也不只我說，而內容也與領養無關。)不只一隻這樣，而是很多隻，但那隻摩天使不斷向我求救，我借故要看，但之後店員放回去，摩天使立即被另一隻咬，尾巴就快扯斷，店員見到也不阻止，掉頭就走，我便立即問：買了之後是否把牠隔離？她說：當然，已經是客人的了。我便立即說：我買了牠！但我要遲些取是否可以(因為我一直也沒想過養狗，因家中有倉鼠)？她說沒問題便打算立即開單，我便叫她先把「我的」摩天使取出來，(因不想牠再被打和咬！)她取出來時還對牠說：姐姐見你被打心痛呀！我一抱狗狗，牠便4隻手摟著我不放，震晒。我心想：你明明見到也不教一下另一隻或阻止，難怪這店被稱黑店，就算狗狗沒生病，也被打傷啦！
1)幸好摩天使在台灣入口，有出入口証明(我已對過資料)，2009年9月29日入境，店員說昨天才到舖，健康(如不健康就不能入口)
2)是男仔，說是2個多月
3)有晶片、已打一針
4)未絕育(我要求領養者必須帶摩天使絕育，因此必須有住址証明、接受一次家訪和簽一份絕育同意書，放心絕育費由我出。)
5)未知是否能和小孩相處，不過在我手上很乖，沒吠過，只發出細小的回應(但牠沒理店員，因此我不知牠是否每個人也親親)，會反轉讓我摸牠肚子。
6)請留言或PM
7)不用錢、不用任何費用。

P.S.因為狗仔還在籠物店，沒有相，請見諒。

大家都好有心帮狗仔找新主人
可惜我住私人樓唔淮養狗~
但支持winnie你自己養番就最好
係你同狗仔有緣
亦相信同鼠鼠係可以 一齊相處既
只要好好安排

TING, 唔緊要
最緊要係搵到個好人家住,樓主要好好物色人選啊!

34# LUI1031


如果我早一日 call 到你, 咁仲好 xd
可惜你係自修室 =.=
希望佢有頭好住家啦 ^^

我男朋友有意`佢唔係住公屋的~~
滿18歲~你覺得合既話請PM;D

TING,邊係呢!都係你叫我上黎俾cm jie
有需要,我幫到既都一定會幫!
不過樓主係點決定,俾定唔俾,俾邊個都好,我地都應該respect同幫手!

呀 lui 你上番黎又可以要佢太好喇 ..
希望各位都順順利利!

樓主,另帶一提!
領養者一定要18歲!一定要住私人樓!
最好可以家訪,家中原本有狗,都可以先俾暫主人帶番去相處
相處不來可以再找新主人!

首先 等我講下我家既狗狗係點同鼠鼠一齊相處
正確黎講-----佢地係唔可以有任何接觸
一,鼠鼠好易俾狗狗嚇到
二,一有人係門口or禁鐘,狗狗大多本能反應係吠,係會喓到鼠鼠
你試諗下狗狗一吠既聲都唔細
三,比較上,係會有種有d唔'慧'生

如果你真係要養番佢,你一定一定要分開遠d
以我家為例子,我係俾左成個living rm size俾狗狗(1隻小型狗)
鼠籠係我間房個d空心櫃到*一定要放到好高既位置,不近門口,不近窗,不近冷氣位但又唔可以痴住d lighting位
最好日頭要有d 微光 (聽下去,好似好多野做,但其實都係為佢地好)
同埋狗狗係入唔到房既<<緊記!

點解要放咁高係因為你放低時 佢又好奇走埋去 到時真係又用爪搞你個籠又點
鼠鼠伸左隻腳出黎,一唔小心,狗狗又唔知係咩就咬埋下去 (我上網睇人講過)

ps*因為狗狗對識旭又細既野 既好奇心係好大好大! 佢以為係toys! 試諗下,
如果走鼠,又俾狗狗見到既會點?
至於佢日常個d,佢而家得2months大!唔好帶佢出街!佢仲細
食既係要浸開水(人飲個d-微暖)幼犬糧(一定!因為照我諗佢應該而家係得小小牙仔)

有野可以問我!其實我係有意領養狗狗既,不過如果你自己養番就最好快d拎番屋企
(你放個到一日,都唔知d人點對佢同埋個到係好多菌!!!!!!!)
你有事都可以pm我! 我樂意解答你!

但我覺得, 如果你個 friend 唔知一只小型狗大左有幾大,
睇怕認識都吾叫深..
何況依只特殊的狗BB？
如果唔小心慯害到你同你朋友, 請見諒.

你好,我姨媽想養
之前都問過朋友打算領養,不過都已經俾左人
我姨媽和一位朋友一起住,她們都好愛小動物
她住在居屋,只要是小型的都可以養
請PM我問詳情,謝謝

25# 乂穎乂

1.你朋友住什麼類型屋？
2.你朋友夠18歲沒？因我要求要簽絕育同意書。如未夠18歲，需由其家長(朋友不可)簽署。
3.現在是狗BB，好細隻，摩天使到成年的話，大約一呎(書本寫的)。
4.相稍後出。

拍了張照片，可是怎樣post出來呢？

個人覺得影響唔係太大, 只要離狗遠少少就 OK
自己養, 你會愛鍚佢一世; 搵人領養, 好難確保對方對佢好唔好
一隻狗有十幾歲命, 希望有意領養的要想清楚, 不要一時衝動

有冇相呀?
我fd想養
驚佢太大隻

22# crystal_xd

我也看定情況再下定論，因為昨天突擊該店看狗狗，真的很黑，正在考慮是否暫住寵物酒店較好。

因為之前書本有寫，倉鼠受驚會影響壽命，所以有倉鼠賣的店不會賣貓和狗。

我當然也想自己養啦！那麼多隻被打，我只感到(還要在店外)牠向我求助。不過我怕最終影響鼠鼠，也害了狗狗，所以才物色有否更好的新主人。