我想放棄養兔仔...有3隻

-CLOSE TOPIC-

[ 本帖最後由 aoi2003 於 2009-7-5 12:25 AM 編輯 ]

-CLOSE-
到最後果刻先再想辦法,,我仲可以借財務...仲未到絕境既....

$160? 恐怕入醫院生仔都未夠
top sales? 咁top都搵唔到野做, 你地真係好唔好彩wor
升硬職? 香港都可能有一百幾十萬人諗緊
積蓄有限租5000千幾蚊樓? 果然藝高人膽大
失業8個月仲敢有左? 可能窮到買唔到安全措施

無人有興趣知你d故仔真定假
請你念在兔兔們曾經帶俾你一d歡樂
既然你唔要佢地, 請交俾兔協
唔好立亂俾左人，甩身就算
就算唔錫兔兔都好，都當同bb積下陰德

:024: 點解會咁嫁...仲有埋BB, 而家夾$俾佢都冇用, 遲個月BB出左世佢既奶粉錢都未有著落,
3隻兔兔就唔洗諗喇....

而你話兔爸8個月都搵唔到工.....有心搵點會搵唔到, 係唔係佢要求太高??不如轉行
我家兔爸會考得8分!!!佢上個月遲左職, 一個月之後已經搵到份$7000既工係跟單的;
我個朋友會考都係差幾分合格, 上半個月遲左職, 2個星期搵到份$8000文職;
我舊同學會考都係唔合格!!半年後係間design house做報價 約$8000;
我舊同學本來係個yim尖聲悶既人...佢過左半年醒覺左, so好快搵到工
7千8千蚊講真個句唔係太多, 不過一定好過冇, top唔top sales 已經係以前既事, 佢要向現實低頭
如果呢個時勢想再搵返sales工....好難, 佢再唔快d搵到工, 兔兔, 狗狗同BB都會養唔到
果時真係要申請綜援......

我都建議你把兔兔放棄, 俾兔協啦, 佢地對兔兔已經好好喇, 呢度係有好多有愛心既兔友
不過做得兔友姐係已經有養兔仔, 仲點養多3隻呢, 唔係唔想幫, 而係大家能力有限,
香港一間屋有幾大丫, 如果兔兔同本身果隻唔夾, 邊有位放多個咁大既籠?!
同埋只要BB出左世, 樣樣都係錢, 你更加唔會有能力去接返兔兔返來住的了!!
所以叫人幫你暫養已經冇可能:042:

你li d根本唔係正常人
大家兔友唔好再為佢再晒時間同口水啦
佢一直都係到比緊藉口自己
講到自己有幾慘幾慘
我地唔係知你有幾慘
我地係想幫個3隻兔兔
而唔係聽你講LI D野囉
如果你真係仲愛佢地
希望你真係搵d正常途徑幫佢地搵主人

唉 講咩都冇用...
而家唯有睇下兔兔可以點安置

你講低兔兔既資料
如果可以的話 我都可以養多一隻
但係3隻一齊養就冇咩可能

算喇。。。講多無謂。。。
不如大家一起幫幫手可以夾D錢，又或者送D野俾兔兔食喇。。。至少唔好俾兔兔餓親。。

要搵人接收哂你3隻兔機會率可以講係0%

長貪難顧..早日送去兔協好過

連做人都未識,無資格造人同照顧其他小生命

原帖由 aoi2003 於 4-7-2009 07:49 PM 發表

我夠想留低佢地係到lor,,但我真係冇錢
唔通真係要餓瓜佢地咩?!我會咁做咩??
兔爸係pccw內既top sales黎架,,人地老頂一句唔中意就炒左佢,,
你估我買果時冇想過後果咩??兔爸話過佢boss會升佢職,,點知係炒左佢..
...

身為一個男人，自己搬左出去住，竟然8個月唔搵野做，過唔過意得去 ?
兔兔就係你地d仔女，餓死老婆瘟臭屋，呢d野都做得出 ....

唔怕得罪講句，你地無唔夠100%真心愛兔兔，
如果真係愛，你地跟本就會將兔兔當係自己仔女(人)看待。
你地窮個陣會唔會將自己仔女俾哂孤兒院 ?

我唔敢話你講大話~
可能你真係好窮...窮到照顧唔到三隻兔啦...

我諗你都係去兔協la....
呢度個個都係自己養緊,幫你養埋...仲要唔知"幾時"你先會拎返...
同屋企果隻bond唔bond到又唔知...真係好難幫..

好坦白講,如果你想繼續養,兔友每人夾$10蚊,
接濟你d兔糧草一兩個月...應該都無問題...
問題係...你依家個case,睇怕長貧難顧....

而且你仲要就快生bb...
我諗你都係盡快攪掂d寵物,送比人又好(搵個好主人),搵兔協又好...
之後搵下家人接濟啦....人黎架~咁既情況捱得幾耐?
再唔係..你去果d未婚媽媽之家...果d地方啦...

不過無論你選擇將d兔送去兔協/比其他人...咩都好,
你真係要預左三隻分開,同埋以後都見唔返~

兔協都未必有位"接收"
俾左人, 到時就唔再係你, 唔好指望仲可以拎得返
想搵人免費寄養你三隻兔, 相信無咩可能
希望有好心人領養佢地走啦
你都係專心養大個B吧

開個新 post , 講低三隻兔既詳細資料, 希望有好心人領養

我都想幫兔兔~!

但我冇能為力~!

呢到係有好多愛兔同養兔資力好深既兔友~~不過佢地都唔係義務要幫你養兔,如果個個都好似你甘POST呢D CASE出黎,兔友佢地未好唔得閒~我知你既兔兔係好可憐好需要人幫~但佢地個個本身都有養開兔仔,再要容納多3隻兔仔係好難
雖然你係好想仲可以有機會拎番3隻兔兔..但係我諗你都要為自己宜家同將來既情況諗下,你都唔敢肯定將來既事啦~
我好驚你宜家會餓親佢地牙,兔協係個非常之愛兔兔既機構,你唔洗擔心佢地會住得唔好,呢到個個兔友都知道~同埋如果有人想領養兔仔,兔協係要佢係兔協到做一段時間義工,唔識既會教佢地點養兔兔,觀察過佢地既表現先會比佢地領養

以前既事係點都算啦,宜家快D比番兔兔佢地正常既生活先啦

算吧啦~答"會"同"唔會"又點牙...
咁可以確保d咩,大家都起網絡世界打個字有幾難姐....
我睇你地一人一句咁,已經覺得煩,大家都係愛兔既人...
最終同最關心的都只有兔兔,講咁多野兔兔最終都係要搵人領養...
當一個人決定唔養個陣就決定唔養,點講都解決不了什麼,佢地諗法都不會變

樓主如果真係得十幾蚊,有咁多問題,最終受苦都係兔兔...
呢幾日已經有不少兔兔有事,大家都已經好心痛,我都唔想再見到兔兔有事....
aoi2003 你可唔可以比多d兔兔既資料,性別,相片之類都好牙!
咩都無,點搵人領養..

點解開始你話係因為狗狗咬兔兔呀？？？？
不過如果真係因為生活困難。。。不如搵兔協商量下，可唔可以暫時俾兔協，你遲D領番？？？？