我兔兔已經一歲!!有轉糧問題想問~!

我兔兔已經一歲,之前食開日本糧,我諗住同佢轉oxbow T糧,
日本糧就仲有剩低係到,oxbow糧就今日已經買左返黎,我都怕佢唔肯食,
所以我今日比左幾粒佢食下,佢又好乖咁肯食喎,
咁我應該開始同佢轉哂佢定慢慢食哂d日本糧先同佢一次過轉呢??

餵唔餵糧真係見仁見智
戒糧既話就一定要確保有不同種類既草可提供
並每日給于新鮮蔬菜, 越多種類既菜越好
單一靠食T草是不均衡的

其實盡可能都唔好比零食兔兔食，如果你話剪甲/檢查身體時比，我寧願比一兩粒糧佢食好過....但我亦都試驗過剪甲個陣如果兔兔反抗比零食或比糧既作用唔係太大，極其量會俾下面，冷靜5秒比你剪，之後佢又會再反抗...你亦都冇可能不停係咁餵零食或糧....所以最好剪甲時剪快d...用其他方法令佢冷靜d...

每日食6匙糧~!!!!!!!!咁佢咪超級飽,都唔洗食草囉~!我係早晚各一平匙糧,
佢一聽到我將d糧放落兜到d 聲,就會即係發哂癲,又識自己咬開我放糧個盒偷糧食~
仲成日襯我唔為意就倒潟哂d糧,真係唔得佢死...咁如果聽你地咁講..真係唔餵佢食糧比較好d,
又可以慳埋買糧d錢~仲有我想問你地咪話零食都唔好比佢食,但我養過兔仔經驗嘅朋友講,
如果每次同佢剪甲/檢查身體時比少少零食,佢就唔會反坑得咁犀利,咁呢個方法係咪可行呢?

每日食一粒木瓜丸, 每日食6匙糧 <<-- :046:

我而家只會比草佢, 佢而家每日食1-2個草球, 因為佢本來食草比較少, 所以佢腸停之後我就無再比糧佢喇, 費事出事

dr. betty 話, 兔仔本來係野外就無糧食架啦, 佢成身都係毛, 最重要都係比多d 纖維佢, 食一粒糧就好似食左幾十條草噤飽, 食左糧就食少好多草架喇, 營養又無, 又有糖份, 兔仔食糖份會令有肚氣而引致腸停, 所以我包包無再食零食架喇(木瓜丸....等等)

兔糧係比實驗室內的兔仔食, 因為要佢地快高長大做實驗, 慳d 錢先比糧佢食(日日食幾個草球真係好甘), 其實佢地只食草都ok架喇!

只係d 無良商人要d 唔識養兔仔既人買噤q 多野!

我之前有另一隻兔仔, 佢已經上左天國, 佢就係每日食一粒木瓜丸, 每日食6匙糧(pet cafe 既excel), 佢2歲都唔夠就腸停, 等唔到第2日就死左.......

以前早晚俾, 依家都係減左得返朝早俾一匙咋
見巨地食草都ok, cc 又大大粒咪keep住一匙lor

如果以草球黎講，我個隻一日大約食3-4個草球，
因為草球都唔夠放，我直情俾左2個什物籃佢，塞到滿哂。

其實我而家比糧都係一匙,我見佢都食好多草架,一日起碼食2個草球,但個衰仔係粗支少食囉~
咁即係其實我都應該停左比糧佢??

絕對係。

miffy 以前食日本糧，一日起碼飲二枝水，
一轉 oxbow，就變返一日一枝，
d 味精真係多到呢 ...... 搞到兔兔咁口渴。

俾兔糧兔兔食，都只係主人覺得糧既營養係多過只有草&菜，
所以我認為俾糧兔兔食只係安慰返主人既心理。
但如果睇返糧既營養同草既營養對比，
糧只係多磷同鈉呢兩種營養(都唔夠1%)，其他同草無分別，纖維仲比草少 tim。

係呀係呀....我琴日帶什果做body check，醫生都話兔仔係唔使食糧，兔糧對d牙唔好....如果可以唔比都盡量唔好比...咁兔兔食多d草....健康d又可以磨牙....

我極度建議唔好比糧比兔仔食
食糧佢會食少左好多草, 令佢地d 牙出問題
最大問題係好容易會有腸停既問題, 到時就真係唔係次次都救到喇
我個仔就使左我成4千蚊, 攪到我成個星期無覺好訓噤比佢食草粉先無事

日本糧係味精多, 飲好多水都唔出奇
有D油份較重, 所以咪無甘健康lor

原帖由 hh0 於 2009-9-5 10:39 PM 發表
我諗佢轉糧主要係因為食開既日本糧唔健康

我發現佢唔知係咪食日本糧成日都飲好多水,半日個廁所已經比佢去哂咁滯,
同埋唔係話食日本糧會越黎越肥的嗎?

我諗佢轉糧主要係因為食開既日本糧唔健康