我兔兔已經一歲!!有轉糧問題想問~!

我兔兔已經一歲,之前食開日本糧,我諗住同佢轉oxbow T糧,
日本糧就仲有剩低係到,oxbow糧就今日已經買左返黎,我都怕佢唔肯食,
所以我今日比左幾粒佢食下,佢又好乖咁肯食喎,
咁我應該開始同佢轉哂佢定慢慢食哂d日本糧先同佢一次過轉呢??

慢慢轉啦....
你平時係餵開幾多糧佢食嫁!?
如如果轉糧應該係2/3舊糧+1/3新糧...
如果兔兔冇唔肯食/有軟便便既情況...
就開始再加新糧既份量(1/3舊糧+2/3新糧)
咁如果都冇問題就可以轉食新糧嫁喇...
一定要俾兔兔有時間去適應...
唔好bom一聲幫佢轉呀~~~

佢肯食既話
幾日內同佢轉晒都 ok, 留意佢便便有冇變化而定新舊糧比例
腸胃適應到就無問題啦

原帖由 兔仔怡v3v 於 2009-9-2 11:51 PM 發表
慢慢轉啦....
你平時係餵開幾多糧佢食嫁!?
如如果轉糧應該係2/3舊糧+1/3新糧...
如果兔兔冇唔肯食/有軟便便既情況...
就開始再加新糧既份量(1/3舊糧+2/3新糧)
咁如果都冇問題就可以轉食新糧嫁喇...
一定要俾兔 ...

咁如果我一個星期2/3舊糧+1/3新糧,之後一星期1/3舊糧+2/3新糧
情況ok的話就轉哂新糧呢個程序好唔好呢?

原帖由 hetherwing 於 2009-9-5 06:34 PM 發表
咁如果我一個星期2/3舊糧+1/3新糧,之後一星期1/3舊糧+2/3新糧
情況ok的話就轉哂新糧呢個程序好唔好呢?

如果情況ok 0甘第3個星期開始已經可以完全食新糧
轉糧最緊要慢慢黎, 就算兔兔唔抗拒又肯食新既都唔好即刻轉晒
俾D時間腸胃適應, 2-3星期過渡期ok呀

其實唔轉有冇問題?!
佢仲有好多未食...

我諗佢轉糧主要係因為食開既日本糧唔健康

原帖由 hh0 於 2009-9-5 10:39 PM 發表
我諗佢轉糧主要係因為食開既日本糧唔健康

我發現佢唔知係咪食日本糧成日都飲好多水,半日個廁所已經比佢去哂咁滯,
同埋唔係話食日本糧會越黎越肥的嗎?

日本糧係味精多, 飲好多水都唔出奇
有D油份較重, 所以咪無甘健康lor

我極度建議唔好比糧比兔仔食
食糧佢會食少左好多草, 令佢地d 牙出問題
最大問題係好容易會有腸停既問題, 到時就真係唔係次次都救到喇
我個仔就使左我成4千蚊, 攪到我成個星期無覺好訓噤比佢食草粉先無事

係呀係呀....我琴日帶什果做body check，醫生都話兔仔係唔使食糧，兔糧對d牙唔好....如果可以唔比都盡量唔好比...咁兔兔食多d草....健康d又可以磨牙....

絕對係。

miffy 以前食日本糧，一日起碼飲二枝水，
一轉 oxbow，就變返一日一枝，
d 味精真係多到呢 ...... 搞到兔兔咁口渴。

俾兔糧兔兔食，都只係主人覺得糧既營養係多過只有草&菜，
所以我認為俾糧兔兔食只係安慰返主人既心理。
但如果睇返糧既營養同草既營養對比，
糧只係多磷同鈉呢兩種營養(都唔夠1%)，其他同草無分別，纖維仲比草少 tim。

其實我而家比糧都係一匙,我見佢都食好多草架,一日起碼食2個草球,但個衰仔係粗支少食囉~
咁即係其實我都應該停左比糧佢??

如果以草球黎講，我個隻一日大約食3-4個草球，
因為草球都唔夠放，我直情俾左2個什物籃佢，塞到滿哂。

以前早晚俾, 依家都係減左得返朝早俾一匙咋
見巨地食草都ok, cc 又大大粒咪keep住一匙lor