再見啦。。。芝麻仔！‏

上星期二半夜，芝麻仔離開咗我。

短短3個鐘內佢抽筋抽得好緊要，我已即時搵救兵（多謝Suki教我點去照顧芝麻仔）同時間去Dr. Hugh到睇夜診。Dr見到芝麻仔個情況話佢個腦可能有個瘤，突然爆咗，所以佢不停抽筋，控制唔到自己，仲有佢應該過唔到果晚。當時我已經心碎，好驚，唔識比反應。跟住佢仲愈嚟愈差，仲好辛苦！想餵草粉時，Dr話佢唔得啦，佢要走啦！O my god... 好亂，突然到諗唔到嘢！啲眼淚不停咁流，只見芝麻仔望住我同媽咪。而佢就抽得愈嚟愈慢，愈嚟愈慢，到無唒呼吸。望住佢唔再郁嘅身體，真喺心痛到不能形容！返到屋企我都只識得喊，望住佢個籠喺空嘅，真喺辛苦同接受唔到。

一個禮拜後，芝麻仔已經火化，啲灰我會埋喺屋企附近嘅草地（因為兔兔鍾意自由同跳大草地）。我嘅心情都平伏咗好多，無咁激動。雖然我同芝麻仔相處只得6個月，由唔想養到每日都想快啲返屋企同佢玩，我都好珍惜每一日，我只知道兔兔唔喺我嘅寵物咁簡單。宜家見到佢啲相就諗起佢一舉一動，超惡死同百厭，但我又特別鍾意同佢玩同鍚佢！

芝麻仔，我好多謝你呢半年嚟帶俾我嘅歡樂！我會好好照顧湯丸仔，希望你喺另一處生活得開開心心，繼續咁活潑。我同媽咪會永遠掛念你！

rip

我一排無上黎就發生咁多事
芝麻仔，一路好走！
希望你係彩虹橋會見到明明同日日啦！
丸媽都要振作呀！

芝麻仔.. RIP
Joyce, 芝麻仔去到彩虹橋會有好多朋友仔同佢玩, 嗰度只有開心冇痛苦~ 好好振作, 照顧湯丸仔啊~  加油~!!

我就係因為似先貼上黎...
我以前果隻D骨灰都係放係屋企
仲要放係電腦櫃入面

有咁多人祝福我同湯丸仔真喺好窩心呀！
我會努力，湯丸仔一定會好食好住，做粒肥肥白白嘅湯丸！

amen0616 發表於 2012-6-22 01:56 AM
雖然我唔知呢個時間應唔應該貼出黎=.=
但真係好似=.=

都好似喎！唔通喺失散咗嘅兄弟姊妹?  呵呵

雖然我唔知呢個時間應唔應該貼出黎=.=
但真係好似=.=

r.i.p.
我相信芝麻仔會喺彩虹橋上守護你同湯丸仔

RIP!!~~~~
你要同湯丸仔加油丫~~~~

all_loving_it 發表於 2012-6-20 07:01 PM
其實湯丸仔會知道芝麻仔應該係因病走左, 因為芝麻仔病發既時候已經係好急, 湯丸仔係一到見住過過程, 你用 ...

都應該喺，佢哋有溝通嘅！喺我察覺唔到！

joycewongws 發表於 2012-6-20 05:08 PM
本帖最後由 joycewongws 於 2012-6-20 05:13 PM 編輯
Dylan 發表於 2012-6-20 12:42 PM
湯丸 ...

其實湯丸仔會知道芝麻仔應該係因病走左, 因為芝麻仔病發既時候已經係好急, 湯丸仔係一到見住過過程, 你用多d時間陪住湯丸仔就可以, 有機會先同佢講返芝麻仔既事啦

Dylan 發表於 2012-6-20 05:40 PM
唔緊要啦！有部份人覺得骨灰放屋企唔吉利．
芝麻仔個腦癗唔係一日半日既事，所以湯丸可能早就姐已經同佢 ...

我都無諗囉！只要湯丸健健康康，開開心心，長長命命咁就ＯＫ啦！

joycewongws 發表於 2012-6-20 05:08 PM
本帖最後由 joycewongws 於 2012-6-20 05:13 PM 編輯
Dylan 發表於 2012-6-20 12:42 PM
湯丸 ...

唔緊要啦！有部份人覺得骨灰放屋企唔吉利．
芝麻仔個腦癗唔係一日半日既事，所以湯丸可能早就姐已經同佢道別喇！
其實你都唔好諗太多喇！芝麻仔哩個情況，大家都只有等，無 surgery 可以做到．
加油！

本帖最後由 joycewongws 於 2012-6-20 05:13 PM 編輯
Dylan 發表於 2012-6-20 12:42 PM
湯丸仔同芝麻仔道別咗未
RIP



無真正道別呀！啲灰喺我朋友屋企，亞媽唔比帶返屋企呀！
我有同湯丸仔講芝麻仔走咗啦！叫佢唔好唔開心！仲有我同媽咪會繼續照顧同愛錫佢，佢好似無咁唔開心同lonely！
宜家佢住喺芝麻仔個籠，玩得食得瞓得，見到咁我已經好開心囉！
湯丸仔應該都無事嘅！