再見啦。。。芝麻仔！‏

上星期二半夜，芝麻仔離開咗我。

短短3個鐘內佢抽筋抽得好緊要，我已即時搵救兵（多謝Suki教我點去照顧芝麻仔）同時間去Dr. Hugh到睇夜診。Dr見到芝麻仔個情況話佢個腦可能有個瘤，突然爆咗，所以佢不停抽筋，控制唔到自己，仲有佢應該過唔到果晚。當時我已經心碎，好驚，唔識比反應。跟住佢仲愈嚟愈差，仲好辛苦！想餵草粉時，Dr話佢唔得啦，佢要走啦！O my god... 好亂，突然到諗唔到嘢！啲眼淚不停咁流，只見芝麻仔望住我同媽咪。而佢就抽得愈嚟愈慢，愈嚟愈慢，到無唒呼吸。望住佢唔再郁嘅身體，真喺心痛到不能形容！返到屋企我都只識得喊，望住佢個籠喺空嘅，真喺辛苦同接受唔到。

一個禮拜後，芝麻仔已經火化，啲灰我會埋喺屋企附近嘅草地（因為兔兔鍾意自由同跳大草地）。我嘅心情都平伏咗好多，無咁激動。雖然我同芝麻仔相處只得6個月，由唔想養到每日都想快啲返屋企同佢玩，我都好珍惜每一日，我只知道兔兔唔喺我嘅寵物咁簡單。宜家見到佢啲相就諗起佢一舉一動，超惡死同百厭，但我又特別鍾意同佢玩同鍚佢！

芝麻仔，我好多謝你呢半年嚟帶俾我嘅歡樂！我會好好照顧湯丸仔，希望你喺另一處生活得開開心心，繼續咁活潑。我同媽咪會永遠掛念你！

芝麻仔雖然離開左......

傷心難過在所難免

我相信芝麻仔會用另一個方式陪住你

你同佢雖然大家一起既日子5長, 但我相信你們之間既一切可以令你回味一生

好好照顧湯丸吧

你要takecare

5洗客氣

如果日後有咩問題同需要, 可以隨時搵我

希望 你同湯丸仔黎緊既日子, 每日都會

開開心心

健健康康

R.i.p ...

再見了,芝麻仔...RIP
每次見到有兔兔突然離開嘅POST,個心都會好酸,又會想起如果阿仔突然離開,我會點樣....SUKI 可以教吓我們如果真的發生這些事,可以怎樣照顧佢,令佢舒服啲,同埋那處有夜診?THANKS

RIP...
相信我家可樂一定會o係彩虹橋照顧芝麻仔, 同芝麻仔一齊玩!!

你要take care, 快d復原~

芝麻仔rip.. 希望你在彩虹橋玩得開開心心, 識到更多兔兔朋友~~

你都要好好保重, 繼續努力照顧湯圓仔呀!

湯丸仔同芝麻仔道別咗未
RIP

多謝各位關心，我心情都ok，應該無咩事。
芝麻仔咁百厭同貪玩，一定會周圍去識朋友！
我會好好照顧湯丸！佢無咗個細佬都好慘。
我會陪佢多啲，玩多啲，同佢傾多啲偈。
其實我喺想同大家講，兔兔生命好脆弱，
佢一有事就一定要帶佢去睇獸醫，
自己做到嘅嘢喺好少同會好驚，
諗嚟諗去都幫唔到兔兔。
時間拖得愈耐佢病情會愈差！
真喺有可能有錢都救唔番！

本帖最後由 joycewongws 於 2012-6-20 05:13 PM 編輯
Dylan 發表於 2012-6-20 12:42 PM
湯丸仔同芝麻仔道別咗未
RIP



無真正道別呀！啲灰喺我朋友屋企，亞媽唔比帶返屋企呀！
我有同湯丸仔講芝麻仔走咗啦！叫佢唔好唔開心！仲有我同媽咪會繼續照顧同愛錫佢，佢好似無咁唔開心同lonely！
宜家佢住喺芝麻仔個籠，玩得食得瞓得，見到咁我已經好開心囉！
湯丸仔應該都無事嘅！

joycewongws 發表於 2012-6-20 05:08 PM
本帖最後由 joycewongws 於 2012-6-20 05:13 PM 編輯
Dylan 發表於 2012-6-20 12:42 PM
湯丸 ...

唔緊要啦！有部份人覺得骨灰放屋企唔吉利．
芝麻仔個腦癗唔係一日半日既事，所以湯丸可能早就姐已經同佢道別喇！
其實你都唔好諗太多喇！芝麻仔哩個情況，大家都只有等，無 surgery 可以做到．
加油！

Dylan 發表於 2012-6-20 05:40 PM
唔緊要啦！有部份人覺得骨灰放屋企唔吉利．
芝麻仔個腦癗唔係一日半日既事，所以湯丸可能早就姐已經同佢 ...

我都無諗囉！只要湯丸健健康康，開開心心，長長命命咁就ＯＫ啦！

joycewongws 發表於 2012-6-20 05:08 PM
本帖最後由 joycewongws 於 2012-6-20 05:13 PM 編輯
Dylan 發表於 2012-6-20 12:42 PM
湯丸 ...

其實湯丸仔會知道芝麻仔應該係因病走左, 因為芝麻仔病發既時候已經係好急, 湯丸仔係一到見住過過程, 你用多d時間陪住湯丸仔就可以, 有機會先同佢講返芝麻仔既事啦

all_loving_it 發表於 2012-6-20 07:01 PM
其實湯丸仔會知道芝麻仔應該係因病走左, 因為芝麻仔病發既時候已經係好急, 湯丸仔係一到見住過過程, 你用 ...

都應該喺，佢哋有溝通嘅！喺我察覺唔到！

RIP!!~~~~
你要同湯丸仔加油丫~~~~