點樣為之係靚草呢 ?

箱 OXBOW 既草尋晚終於返左屋企，
一打開，唔知點解草唔係好香 (相比 APD )，
跟住我一手放落去拎草，就俾D草 "慘" 到流血。
望落去 ... 見到好多一枝枝好似 "丫差" 既野，
好似樹枝仔咁黃黃地色，都幾硬。

揀左面頭個D，已經有一堆。

D草同枝都比較硬，自己 FILL 草球既時候都覺得比之前難合返埋個草球。

咁究竟 OXBOW 草質係唔係咁樣既呢 ?
係唔係我黑仔，咁O岩係差唔期草就買左呢 ><

一打開個箱應該係好香草味，個時食 APD 就算差唔多食哂，
都有一陣草香味。

我自己都心急左，見到 MIFFY 就快食完就諗住叫一箱俾佢，
又唔記得佢未試過，無買袋裝既佢食住先。

唔通真係一分錢一分貨 ?

5月頭至5 月中時
好多兔友都買左好靚既oxbow

如果你0係station x 買
你可以先問今期咩草靚先買0家
0個次我問佢oxbow點
佢話幾好,但係到左時係好好囉
0個期個個都讚,黑蚊蚊仲食多左tim

apd就真係買唔起喇
貴左成差不多成倍

oxbow....聽唔小人講係幾黃下
我好耐之前買過一袋,差唔多有一半都係黃的......
質數好唔穩定,但勝在比apd平~

OXBOW的Timothy 真係唔知.. 未買過..

上期先慘丫 ><; 同朋友訂左22lbs MOMI...
勁多枯黃同埋幼到成支針咁幼的葉.. 又冇乜草味..
晚晚同佢簡草簡到我傻丫 ><;
不過好似話今期22lbs MOMI好靚.. 都差唔多要買...

我未買過oxbow唔知bor..
不過買開apd一箱箱都會有少少枯枝ga~
嗯...我覺得可能係咁岩jie..
好多人買開oxbow都覺得幾好ga~