有關籠和養2隻兔仔問題~

大家好,我宜家養左一隻兔仔(賓尼兔,男,2個半月大),我另外想養多隻兔仔陪佢啊,其實兔仔係唔係一定要男同女先可以住埋一齊嫁?男同男得唔得嫁?
仲有,我想2隻兔仔一齊住,大家建議用邊隻籠好啊?
另外,有咩書係介紹養兔仔既知識嫁?係邊度可以買到啊?

[ 本帖最後由 warren8246 於 2010-3-26 04:25 AM 編輯 ]

如果你兩隻Bonding到就Ok, 萬一好似我咁, 兩隻唔放得係同 個籠
你就要用雙倍時間去服侍佢地
最好你先養好依家果隻, 等佢做左絕育, 先再考慮要唔要養第2隻吧
當然, 梗係希望你去兔協領養啦

我都講下我既經驗啦~好長篇,希望大家有耐性^^
我依家都養緊兩隻兔兔...初初一買就買兩隻,但比個sales騙了話兩隻都係女,點知原來係一仔(啫喱)一女(什果),仲比什果唔小心生咗bb...我都好對唔住什果,雖然生咗bb睇住bb大好開心,但我又要返工,真係冇咩時間打理,朝早又要晨咁早爬起身清潔個籠,因為什果生完我就即刻分開佢地,要花好多時間打理,我又擔心d bb會唔健康,成日都會留意住佢地,又要買野比什果補身,所以個排使費好大,之後我等bb3個月大我就送咗比朋友,依家bb都好健康,至於什果啫喱做咗絕育,初初都bond唔到,一見到面好似仇家咁打到飛起,我都要分開籠養,之後因為其中一個籠爛咗,我就買咗個好大既籠比佢地一齊,但就分開兩邊,點知有一日唔小心個扣鬆咗比佢地走埋咗一齊,而我個時係返緊工的,我返到屋企就見到佢兩隻坐埋一邊,個時已經冇再打架,但我檢查佢地個身都受咗傷,我用生理鹽水幫佢地洗傷口,之後分返開先,但自從個日開始佢地日日都黐埋一齊,什果成日都隔住個網舔啫喱,之後我見咁樣就試下再bonding下啦....我拆咗個隔開佢地個網,初初佢地都唔敢行近,跟住什果就走去追住啫喱,我心諗:唔係又想打架呀??再睇定d原來什果去舔啫喱,啫喱又好享受咁比什果舔...之後佢地就一直到依家都好似糖黐豆咁黐埋一齊,而我都慳咗好多時間去打理佢地啦~~不過我都奉勸各位新手兔友要諗清楚先,因為養兩隻兔兔真係唔容易,一定要有經濟能力同時間仲要有無比既耐性同心機先得架....仲有,依家好多人就係因為貪得意買隻兔兔返去養,點知養落先知咁麻煩,之後就遺棄兔兔,咁係好唔啱囉...如果比我再養我一定唔會再買,領養好d啦..如果唔係比人遺棄既兔兔會好慘.....

BOND到係一件好好彩既事,同埋書中有講過:

GIRL 同GIRL一起會有50%打架,
G先到家同BOY後到家,會有70%打架(以為B想拎走G既地盤)
B先到家,G才到家就可能會好一點,但有有40-50%會打架(因為B先有地盤,以為G到家會想生兒育女)
B同B一起會有70%打架............

書中講到,兔子雖說是群居動物,但被我們飼養的兔子是可以獨居的...........