MAX的近況...

4 月尾肥雪走左，仲要臨近考試，成個人就快崩潰....我媽捉住MAX(捉佢隻耳.ORZ) 枰下話佢太瘦(以佢以前賣肉兔經驗評價)

我媽話MAX 都營養不良....

可能因為我一個人住，又要湊兩隻兔，單親媽媽真係好難做呀....

雖然我媽以前係養兔來賣的，但係我一心自責，又諗住首先俾MAX 肥返先算，所以就將MAX交俾我媽湊。#^77^#

雖然咁對MAX好衰...但係見到佢我就諗到啱啱死左O既肥雪，根本溫唔到書，一個星期後就大考，咁O既情緒同壓力照顧唔到MAX，無謂佢捱苦.....

點知一個星期唔見，隻衰兔居然唔認得我....淨係認得我搖D糧O既聲..(好吧，咁都算認得少少...)

我媽冇同佢梳過毛，一個星期唔梳隻衰兔佢唔記得左自己要俾人梳毛，所以係咁掙扎...生猛左，食野又快左，實在太好啦.....

用O既係農村養兔O既方法....以前俾佢地食菜、T草同兔糧，可能真係太寡啦...

我媽俾蕃薯"騰"...仲有一隻佢話叫兔草的野草佢食...都係樓下公園摘的，近日俾佢摘哂樓下公園D草，佢變成得閒就行山，屋企後面座山仲有豐富資源...

D草摘完就剪左D枯草，洗乾淨D泥，同埋可能會有的老鼠藥....

有時買左蕃薯又會切一小舊俾MAX....食蘋果，梨，今日仲有西瓜，會俾少少佢食....

最重要都係T草....其他以上O既野就代替左兔糧...同埋佢而家對兔糧已經唔係咁熱衷啦....見到舊蕃薯仲癲過見兔糧....

我諗，俾MAX食到人間美食(比起以前實驗室D草同糧ONLY的生活)，己經夠啦，得閒陪佢玩，整乾淨個籠俾佢住已經好好....以前就係太緊張，肥少少就同佢地減糧，甚至肥雪就快死都要周圍帶佢睇醫生，折騰佢...養兔兔用個天然方法就好...

病左我同佢醫...如果唔係外傷、生虱，我都唔會再帶佢睇醫生啦...經pet central 庸醫一次教訓，我知道只要我對MAX夠了解，己經可以俾到佢好好O既野....

兩個星期我媽咪已經「醫」好MAX...屋企人係佢玩伴，雜亂O既屋企係佢O既玩具，我諗佢差唔多已經習慣冇肥雪O既生活啦...(當然肥雪走左我睇得出MAX變左...變到比較驚人，以前傍住肥雪佢就一副紳士樣偷我未晾乾的菜，枱下面係肥雪做接應#^33^#我走埋黎趕都唔走，仲咬我#^40^#  )

當然我唔係鼓吹大家執野草，唔帶兔兔睇醫生啦...又可能我太愛佢地兩個，突然走左一個令我攢牛角尖...

總之我個寶貝仔健康活潑就好...

+++++++++++++++++++++++++++++++++++++++++++++++++++++++++++++++

貼MAX 啲相先....

(條尾D黃色可能係以前肚痾的痕跡)


(跳左上籠頂食我媽放的野草)


屋企鐵閘咁啱夠佢捐出去玩....但係隔離狗吠就會嚇到佢衝返入來)


MAX喜歡的角落...


鐵窗邊緣


王的寶座.....其實係佢個廁所....

++++++++++++++++++++++++++++++++++++
多謝欣賞....第一次幫自己隻仔仔貼相...#^39^#

MAX好似好大隻咁
個廁所好似唔夠佢坐咁

MAX俾我媽「谷」肥左....

但係本身佢都係大兔來的....不過佢識得用後腳企上廁所尿尿...#^39^#

max好叻~
真係好大隻wor~

有無果d''兔草''既相呀？#^44^#
我都想擠d新鮮草俾個仔食#^27^#
我屋企附近有好多植物架#^43^#

好可愛..肥兔最q!!!
p.s.係咪同格仔網@@眼花?

夏天唔想濕氣整病佢(佢得七成尿會尿係廁所)，惟有用返放埋一邊的格網.....但係入面有散熱板，MAX自己識得踩散熱板....#^14^#

MAX佢對耳仔好帥氣~~~~:021:

firen_freeze加油呀
考完就可以接返MAX

這是兔草的相....

要洗乾淨+新鮮

MAX的熱中程度係同T草一樣...
++++++++++++++++++++++++++++++++++

我要到八月返大陸做完INTERN先可以接返MAX呀...不過可以成日返去睇佢...#^70^#

max個樣好型仔喔^3^........snowball見到一定會好鍾意呢~~~呵呵呵..

兔草草真係好green好吸引呀~max好幸福丫^0^

d草真係好green好新鮮咁#^54^#

O個個係啱啱摘的~#^72^#

不過放一個下午就會殘...MAX會情願食T草...#^77^#

同我家Oreo好似樣，一樣咁大隻, 大家都係家兔#^58^#

MAX好大隻喎~
最緊要都係MAX健康~