澄清 （大家對我的誤解）

大家可能認為我對ｄ兔兔唔好，唔俾草佢地食。
又對佢地惡，又打佢地。
我要澄清係絕對冇呢件事。我唔要兔兔係我唔岩，但唔代表我對兔兔們好差！
我之前講過我倆２人窮到得返１６０蚊，但兔兔們仲有１星期糧食，１星期ｔ草＋１星期ａ草＋１星期兔糧＋好多零食俾佢地。就算分開食都夠佢地食一個月！請有心人唔好無中生有。
我所講既窮係我倆（人類）唔係兔們！
至於我對兔們惡�打�嚇　都絕對冇呢件事！
兔們咬我就有！洗唔洗我影埋個留疤傷口俾佢地睇呀？！以視我既清白？！

佢地用網低唔咖..張相唔會係好耐之前影掛..
你之前個post我都有睇過~其實我都信你係冇打鬧同嚇兔兔!唔係會虐待兔兔既人..我覺得你都係好錫佢地~~~
仲有牙佢地既糧草真係會食得好快,你宜家相入面既草好明顯只可以捱到幾日..仲8,9成都係草碎....叫兔兔點食?你唔好因為自私唔捨得而害左佢地..
我想問宜家搵到人領養未牙???
希望兔兔快d搵到好既主人家啦!!

其實其他人識樓主你咩?
佢地清楚你為人係點???

樓主，其實我睇左你d貼好耐，我好想問你，點解你唔搵工呢?
就算簡簡單單做個全職收銀都有7~8千以上啦~
你男朋友搵到工未呀~如果間屋真係咁貴，不如唔好租啦~
香港地，有手有腳係唔會餓死人嫁!

原帖由 勞仔 於 2009-7-14 08:52 PM 發表
樓主，其實我睇左你d貼好耐，我好想問你，點解你唔搵工呢?
就算簡簡單單做個全職收銀都有7~8千以上啦~
你男朋友搵到工未呀~如果間屋真係咁貴，不如唔好租啦~
香港地，有手有腳係唔會餓死人嫁!

樓主幾多歲a?
長期吾搵工做, 都吾係辦法!

原帖由 Peiian 於 2009-7-14 20:53 發表



樓主幾多歲a?
長期吾搵工做, 都吾係辦法!

佢地可以出黎租屋住，年紀應該唔細。
就算唔搵工做，都可以申請失業救濟金，再唔係申請綜援丫~

原帖由 勞仔 於 2009-7-14 09:02 PM 發表


佢地可以出黎租屋住，年紀應該唔細。
就算唔搵工做，都可以申請失業救濟金，再唔係申請綜援丫~

其實咁後生吾好攞綜援
吾知你地有冇睇, 哥套我吾記得叫咩
香港有班擦鞋匠, 情願日哂雨淋都吾想攞綜援
好令人佩服!
假如樓主, 未有咁嘅經濟能力, 當初我覺得吾好養2隻咁多~!

#^3_002^# 睇到之前個POST，我覺得好似電視劇情節.....

佩服樓主咁都捱到.....不過都係建議搵綜援先....因為政府會幫埋你地搵工架.....先解決目前困境先啦.....水都冇得用點得架?

aoi2003, 你預產期10月, 好多東西現在做已經遲啦, 你要快d預備
而且好多都要用錢
若果因為住得遠難搵工, 綜緩都要, 唔係生左BB佢食o物呀?
無論任何時候, 唔為個大都要為個細呀!!!!!!!!

兔友們都會送上祝福~

[ 本帖最後由 wm20472 於 2009-7-14 11:20 PM 編輯 ]

原帖由 Peiian 於 2009-7-14 09:13 PM 發表



其實咁後生吾好攞綜援
吾知你地有冇睇, 哥套我吾記得叫咩
香港有班擦鞋匠, 情願日哂雨淋都吾想攞綜援
好令人佩服!
假如樓主, 未有咁嘅經濟能力, 當初我覺得吾好養2隻咁多~!

佢之前個post已經講左係因為老公比人炒左之後經濟先出現問題..當初養兔兔時根本預計唔到咖ma..唔好再用呢個point話佢啦~~
我認同牙~廿零歲甘後生點解要綜緩牙=-=

搵工呢我聽過有人(真人真事)係搵左2年都搵唔到野做..同埋佢唔係冇用過心搵黎過,可能真係講運啦,所以只可以叫你老公唔好甘容易放棄~~仲有一大一細要佢照顧..

我祝福你生個肥肥白白既bb^^仲有牙兔兔既事唔好再拖牙...

依家已經時間無多...
拎綜緩唔係拎一世咪得囉....
你個肚又大...等唔得幾耐,
講句唔好聽,你依家連水都無...連進補都不可能,
你身體健康好緊要...如果唔係bb出左世會好多病痛...

搵個最快可以拎到錢又合法既方法...
綜緩都可以架...
解決左你燃眉之急先la...

你之前講過會借貸咖~Total媽甘講綜緩係又真係比較好既解決宜家問題辦法~同埋你地雙方既家人都幫唔到手??你宜家有左bb,就算你地關係幾甘惡劣,屋企人唔會連個細都唔理掛..

不如 ... 搵社工幫手啦~

樓主，經一事、長一智，
寵物你可以選擇放棄飼養，
但係自己既bb，無得選擇放棄....就算放棄，你都會內疚一世。

今次錯係錯在你同你另一半唔識得未雨綢謀，
難聽d講句，就係任性，
未有經濟基礎就生兒育女。

如果你地係結左婚既，不如去申請公屋，只要有醫生紙証明懷孕，
就可以以家庭形式去排隊輪公屋，
加上你而家既經濟情況，或者仲可以俾你特快。

雖然話船到橋頭自然直，但係都要自己努力去行每一步。

拎公緩可能係覺得好難接受，
但係用令一個角度去睇，
你工作、買野都有交稅 ga ma，
而家你有問題，搵政府幫手，都唔係乜野難睇既事~

邊個話你有惡�打�嚇兔兔?___?之前都睇唔到有人咁講過,

其實我都suggest你拿綜援, 而家已經唔係後唔後生既關係, 你餓得, BB唔餓得嫁,
佢就來出世喇, 養一個小朋友唔似養兔兔 食d草咁平, 奶粉好貴嫁!!真係唔好講笑
仲有尿片呢?! BB衫褲鞋襪咩都係$
唔好再旨意你男朋友去搵工喇, 你個肚唔等得嫁, 仲要補身呢?!
你唔好話我知你而家日日食公仔麵呀, 咁樣對個BB真係好冇益嫁!!同埋你d家人真係唔理個孫仔?!
真係絕到冇朋友!!!