上星期兔兔隻腳突然惡化,今日終於o係9龍城到做手術。
做完手術之後,醫生話俾我知兔兔腳上o既原來唔係濃瘡,係腫瘤。
暫時未知係惡性定良性,佢攞左sample,要send去英國化驗先知。
醫生話俾我知情況唔太好,如果係cancer(惡性),就要切左隻腳。
知道e個消息之後,心情極度複雜,養左差唔多半年,佢係一隻好乖o既兔仔,
但係連環不幸o既事不停地發生o係佢身上。
由開頭被遺棄,生好嚴重o既腳瘡,到而家生埋腫瘤。
個天好似唔太眷顧佢咁。
望住佢戴住個頭套,好天真地起勢食草,好似乜都無發生過咁。
我真係好掙扎,萬一真係要切腳,唔知對佢日後生活影響會有幾大。
有冇人o既兔仔係有相似o既經歷?
|
|