樂樂有事~

好耐沒見了, 你地有沒有掛住樂樂啊~
我同樂樂而家打緊一場好硬既仗啊~

話說前個星期, 我同媽媽覺得樂樂好似沒有點食草, 糧又唔食..
到佢唔多食野既第3日, 我就打左去天后的夏利維睇~
個個dr. micheal 睇樂樂的~
樂樂全程都好乖, 沒有發脾氣~

當到樂樂睇個陣, 醫生說摸到樂樂有一舊好硬既野~
說要同佢用x光照...
佢照左一舊有2.47cm 既圓形物體~
說好有可能係cancer...

我同我男朋友即刻心一沈 :不會吧~ 點會發生0的咁既事~
個個dr. 跟我地說可能係cancer, 可能係水瘤．．．
仲叫我地留低樂樂係度住，　要同佢吊鹽水∼
仲說同佢開刀做手術，　係腸lo 個舊野出來..
不過答唔到我要住幾多日..
跟住仲說要食抗生素~
開始同我地計要用幾多$$
都嚇我地樂樂唔係得番好多日子...

跟住我係一0的好小心用$$既人, 每一蚊都會計過度過先用..
最後我地唔知信唔信佢講好~
我養左樂樂2個月多0的, 點會有cancer 上一手唔會唔知..
要兔協一早都說佢healthy~ 唔會有事~
點會有cancer..

最後我同我男朋友決定唔住佢個度, 只係買左草粉同埋抗生素番來~
帶樂樂番home..過下0的開心既日子..
因為我地就算相信真的有cancer, 我都唔會俾樂樂開刀,
我都想佢開開心心, 快快樂樂地走..而唔係痛苦地走...

我同我男朋友係呢3日假期什麼人都推左, 留係home陪樂樂多0的~
樂樂好乖, 自己食番草... 又肯食草粉...
0的抗生素原本1日要食2次, 我地1日俾1次佢食, 因為0的抗生素說會殺死佢好既細胞同埋壞既細胞..
唔敢俾咁多佢食...

你地覺得樂樂係唔係真的有病, 真的有cancer?!
如果真係有cancer, 你地會唔會俾佢做手術lo 個瘤出來~
同埋夏利維得唔得?!
好唔好去睇多一次其他既醫生...

p.s. 呢一篇野好似打得長左...希望你地唔好介意~

攞多個醫生意見, 問清楚手術後好返機會有幾大, 因為兔仔唔同人, 佢唔識表達自己邊度唔舒服, 如果好難好返嘅,不如等佢舒服d走, 因為如果你只係响home餵藥幫唔到佢好多, 如果佢痛, 最後可能會慘叫死, 好慘ga~~ 你問清楚醫生有幾大信心可以醫好, 如果佢地咁專業都冇信心, 你要自己再考慮清楚你keep佢定係等佢舒服d走, 我自已都有慘痛經歷, 所以都唔想你好似我咁......總知有信心, 多多$都醫, 冇信心無謂大家辛苦, 你只會睇住佢一日比一日差, 身心受創ga 咋 ~~

betty 星期日10-1pm   3pm-7pm，
星期日真係好 full 要 book 要快 d。

醫生俾既抗生素，我覺得唔好改次數，
抗生素係殺細菌，唔係殺細胞，
抗生素係會將好同壞既細菌都殺，
但係俾抗生素醫生都會加埋益生菌俾你加落水/草粉俾佢飲。
如果兔兔食完抗生素會痴痴呆呆，唔想玩唔願行既話，
就應該停抗生素帶佢睇返醫生。

佢沒有俾益生菌我... 只係叫我一定要食完草粉先可以食抗生素..
唔...我都要同我家人商量下, 因為星期日好似要去和合石做0的野~
哎~ 希望沒事, 希望個個醫生係呃我啦, 因為我見到個cancer 係照x光既時候,
竟然好似個心, 呯呯, 呯呯咁郁, 我有少少懷疑佢有沒有睇錯~

既然x-ray照到有野,不如睇多個e生,睇下兩個e生講法係咪一樣.
我家兔兔睇紅磡獸e診所dr andrew,要打電話預約,bus106經的.dr tiger響大圍,106唔經ga.不過等/搭巴士時間都唔短,又可能俾人叫落車,搭的士兔兔舒服d.
hope樂樂冇事啦.

兔仔X光我未睇過, 但係X-RAY 下,
癌細胞係會深色D 一個影咁樣, 會呯呯, 呯呯咁郁, 唔奇,
最好當然係睇過另一個醫生, 睇係咪一樣咁講, 最好有病歷報告帶埋去啦

其實一隻兔兔有幾大,即使連醫生都唔會分得到....所以兔協會跟返棄養ge主人所報ge年齡而話俾大家聽佢地幾歲
另外就係...兔兔有無cancer好多時唔係靠表面睇得出...有時摸唔到架..兔協ge staff唔係專業醫生...
佢地唔會有儀器/資金同每一隻兔兔照x-ray...佢地會靠自己多年經驗去判斷兔兔係咪健康...
假如兔兔有咩唔同..其實佢地一定知...先會帶去睇醫生...相反...如果觀察落都好正常...兔協真係唔會去特登照...
而且兔兔係短時間內有cancer都係正常事...返到屋企先有問題其實一d都唔出奇...
最後係話唔識去toilet....雖然兔協無講佢唔識去toilet..但係有留意多少少...識去toilet ge兔協會註明話識去..
兔協係唔會瞞d咩架...作為主人..其實心態係應該覺得兔兔識去係驚喜...唔識係正常...
所以話兔兔唔識去廁所對於兔協一班係正常...希望大家可以明白
兔協一班愛兔之人儲左好多年錢先可以有旺角兔協呢一個地方..係佢地自己儲錢架~
你地肯唔肯拎10幾20萬出黎呀....佢地愛兔之心可能你我都比唔上..所以希望大家唔好猜度兔協ge職員...

你再睇多一兩個醫生先再決定啦..
話晒今次ge情況唔係普通病..係cancer..
到時如果照多次都真係可能係癌細胞ge話你先再考慮帶唔帶佢去做手術..
如果醫生話手術後ge康復率係幾高ge話咪帶佢去做手術囉..
雖然做手術對兔兔黎講真係好辛苦..
但係你都唔忍心睇住佢就咁就走左去~
可能做完手術佢仲有好多日子可以過呢~
考慮清楚啦...


仲有我想問呢..佢照到果舊陰影係兔兔身體邊一個位置呀??

睇多個醫生穩陣d，自己又安心d嘛！
上次我打去諗住幫毛毛book時間睇Betty，
果個星期Betty得星期六先o係度，
本身護士同我講星期六full booking，
但當我同佢講完毛毛既情況，
護士姐姐最後安排左個時間俾我喇！
所以你都可以試下打去book左先！
護士姐姐講明佢果度係無得walk-in的！
加油呀！樂樂會無事既！
如果佢唔肯食抗生素，你試下....包左春卷兔先餵，
或者o係餵既過程俾d佢鍾意食既野佢一齊食囉...
為左兔兔好，唔好茂茂然停藥呀~:048:

BETTY~星期4,5,6,係到~!