絕完育唔食野...(更新)

奶茶今日絕完育啦...但係到而家都唔肯食野...迫佢食草粉又同我to返出黎...而家淨係肯飲水...點算好呀..#^73^#

________________________________________________________________________

奶茶好返好多啦~~同埋有d咩方法可以令佢自己飲水呢...我唔用針筒餵佢就唔飲....

[ 本帖最後由 chercher422 於 2010-11-22 01:59 PM 編輯 ]

而家肯食一兩條啦~~不過佢爆左2度線(傷口唔怕爆), 醫生幫佢帶左頭罩之後佢move得好勁, 我驚會整爆個傷口, 而家我幫佢著左衫仔囉(mo左頭罩)...等佢唔會整到個傷口, 咁樣得唔得...

其實真係唔建議係兔兔做完手術之後郁動佢太多~~
由你反轉捉佢食草粉果一下已經係好大咁驚擾左佢...
兔兔係有壓力下,身體會有反應,會精神緊張and開始不飲食等~
何況兔兔做完手術,身體都唔舒服呢...

其實醫生幫佢戴頭罩,兔兔已經好唔鍾意...
(但係有呢個必要,因為避免佢整個傷口)
你仲要幫佢除頭罩...然後再幫佢著衫(其實兔兔應該都唔鍾意著衫)
咁樣重覆多次迫兔兔,佢一定會有壓力架,過程中亦容易整到傷口~

其實唔建議你幫佢著衫...最好係連頭罩都唔戴,令兔兔放鬆,
但如果見兔兔有整傷口,就要戴返頭罩...

同埋你真係唔好迫兔兔太多...比佢安靜休息三兩日,
做完手術都真係需要寧靜咁休養返~
等傷口埋口多d,佢就會精神返~

奶茶反而對件衫無咩野..著左之後我feel到佢無咁緊張(相比起頭罩),佢仲會坐定定食草同洗白白... 但係帶頭罩就係個籠不停咁撞黎撞去(想整甩佢..)

原來奶茶唔係男仔XD
你要好好睇住佢照顧佢呀^^

:043: 佢個樣真係咁似男仔咩...我d fd個個都話佢一d都唔似女仔...= 3 =

會唔會個頭套跟本唔o岩兔用架...澳門果邊好似唔係點注重兔仔既醫療

記得留意下兔兔d屎屎正唔正常喔

唔係佢個樣似男仔,係奇怪點解佢un完會有野..........:040:

我幾鐘意奶茶個髮型呢:073:

澳門醫療比較重視貓狗...兔仔唔係好多人養~所以好少地方有得睇兔仔...

今日CC all左5, 6粒正常既size. 尿就無all過.....咁有無問題架???

比菜菜兔兔食,飲得好少都唔係咁好,我啤啤上次唔舒服,試過3日唔飲水,嚇到我死死下.....都係靠食菜補充水份:043:

我有用針筒餵佢飲水架(一次3ml囉)...但就係唔知點解佢唔all尿....唔通係因為件衫既問題??:077:

兔兔一日起碼100ml啦,飲得水少,尿自然少

草粉只係看門口，未必一定要餵。我3隻女做絕育時無一隻需要餵草粉、止痛藥、同頭罩全部唔使用。
只要第一晚俾個安靜環境休息，身邊有晒草、菜就是了
兔兔爸媽們真的不必過份緊張同擔心！兔女通常第二三日會漸漸有番胃口既。

[ 本帖最後由 hh0 於 2010-11-22 01:39 AM 編輯 ]

原帖由 hh0 於 2010-11-22 01:27 AM 發表
草粉只係看門口，未必一定要餵。我3隻女做絕育時無一隻需要餵草粉、止痛藥、同頭罩全部唔使用。
只要第一晚俾個安靜環境休息，身邊有晒草、菜就是了
兔兔爸媽們真的不必過份緊張同擔心！兔女通常第二三日會漸漸有番胃 ...

你D兔兔咁勁既...唔搞傷口...奶茶就搞到爆線...
可能我係第一次有寵物做絕育(之前養過好多動物:073: )...所以特別緊張...

呀B(女仔)絕育完果下晝至晚上都冇食過野，個姑娘什麼藥都冇比，其實我都好驚。

佢個樣又好累淨+狂飲水。我同兔爸成晚一路睇電視陪住佢，總之好似平時咁啦，夜少少佢訓醒就食D好幼GE葉喇!

唔洗咁緊張GA~ 最緊要比佢休息夠回返神先，如果唔係兔地會好驚GA

佢而家肯食野啦...但係唔知點解就係唔肯自己飲水...要我用針筒餵(有小小迫佢飲)