求助~買隔板問題

因為媽媽再忍受唔到兔b..咁污穢
話出錢比我帶佢地去剪毛
所以星期日帶左佢地剪毛毛
其實轉左籠後
佢地成日周圍柯~攪到好污穢
日日清都冇用
佢地d毛毛痴曬尿尿
前幾日我特登買左塊隔水膠板
等星期日同佢再整整個籠
放狗尿片係隔水板下面
希望BB就唔會再咁污穢啦
同佢地涕曬d毛毛，佢地個樣唔同曬
好似細左好多咁~
不過剪毛個姐姐話佢地隻腳仔成日比尿尿痴住
拿到腳腳損左呀
因為腳腳唔夠毛，所以會疼
小金直程流血tim...
心痛死我啦..
個姐姐話兔仔唔可以企硬板板，佢地鍾意軟既地
所以今次係籠加左大毛巾，等佢地舒服D
問題我發現bb成日咬板咬到穿

arm arm轉籠時,未周圍柯映既相


美容完設計過籠,係衫上墊狗尿片(因為成日周圍柯),點知佢地咬尿片


於是狗尿片放毛巾下面


我arm arm 再check金仔腳腳...好似有"jump"波...點好??

你唔試下買 vetbed 俾佢地用 ?

但佢地好喜歡毛巾...坐住唔走~
個條係厚質大毛巾..毛巾易洗~~

買塊vetbed比佢地啦~
如果宜家咁樣佢地行路會好辛苦好痛ga..

想問下佢地係點樣亂痾法?
同埋都建議你買vetbed俾佢地,,舒服好多..
vetbed都洗得嫁~~

唔好介意我多口問句..
你會長期放佢地o係露台??
會唔會有冷氣??下午既時候佢地都係o係出面?

....我住60樓..其實好涼,有太陽就開傘比佢地
亂痾-屎尿都周圍柯
長期放佢地o係露台架

原帖由 囡囡 於 2008-9-9 11:00 PM 發表
....我住60樓..其實好涼,有太陽就開傘比佢地
亂痾-屎尿都周圍柯
長期放佢地o係露台架

其實唔關住幾高幾矮事...你涼既意思我唔太明白.,
不過希望你知道而家夏天...下午既時候真係好曬好熱..
人行出街都流哂汗,,
同埋我見你個籠其實唔通風...因為有2邊都係透明左..
所以唔會涼得去邊..
咁唔知你平時每日有冇放佢地入屋跑下..散下步呢?你屋企內有冇開冷氣?

至於亂痾呢個問題..
我想問下佢地之前係識去廁所既?
有冇d咩轉變之後令到佢地亂咁痾?
你有冇教過佢地要去廁所?

如果佢亂痾, 你可以搵白醋抹下佢痾錯既地方..
或者留意佢幾時想痾..一想痾就抱佢入廁所..
等佢知道要去廁所先可以尿尿..

我都覺得唔係太好, 好似會直接晒住同會好似一個焗爐咁, 會好辛苦ga~~ 我開晒屋企WINDOW, KEEP佢地响唔會晒到嘅地方都好擔心佢地會焗親, 所以要留意下啦

剪晒d 毛好容易病,
秋天好快到, 跟住冬天
籠又要大改吧

兔兔腳損左流血要搵vet喇.
兔兔覺得熱會訓尿架,個籠長期放在露台,
在香港咁熱的天氣真係唔係太適合.
果籠仲三面同頂都圍左膠紙,有風都會好焗喎.
要加強散熱通風遮太陽光呀.

好奇想知道個籠2邊透明既係唔係有塊玻璃或者膠板係度?

我估係, 因為反光ga~~

如果係, 甘樣真係好焗架, 仲要係放室外
濕左既尿尿甘樣焗住肯定好臭架
反而個籠如果四邊通風會好d

看上去,像個(蒸)籠!!:055:  
左右倆旁像是透明膠版!!:050:
頂上像是有保鮮膠袋!!:046:
後面水樽位亦看到有保鮮膠袋蓋了大半!!:056:
像只有正面門口有空氣進入!!:042:

真係再大風都冇用啦!!:058:
遲早蒸熟!!:016:

建議盡快解決通風問題!!:025:

我都係第一次見有咁樣既兔籠...邊度買架??