didi睡了....陪牠上最後一程 (UPDATE)

2009年7月20日   下午5:45
DIDI 長睡了... 享年8歲....
由媽媽簽紙讓他離開世界.................


DIDI,
你去到彩虹橋要好好生活.....
要同大家做好朋友, 食你最鐘意既野~盡情百厭~
媽媽永遠愛你, 掛住你








今日終於陪左佢走埋最後一程..
我諗佢而家應該去到彩虹橋啦......識左新朋友未呢?

我想POST 一下今日既事...
如果真係感到不安....請不要看了.....
不好意思.......





DIDI 訓得好淋....好耐冇見過啦...
抱牠上火化盤的一刻....真係好想帶佢走...
因為.....佢真係好似只是睡著了....


其實在最後最後一刻....我冇影到相...
因為唔知原來可以影...
心裡面...好似唔知點咁...心掛掛...
所以....我就將今日送比佢既所有野...就放返入去....
完成左之後..心情真係好返好多...
都好既.....每年都可以放D新既入面比佢食~
多謝兔爸比我做呢個任性既決定.....仲話明年要一齊揀野食比DIDI~


帶左佢返屋企啦~配左個鋁盒保護住佢...
不過其實兔婆唔想我帶佢返屋企....仲諗緊點好...


有兔爸送比我既摩天倫同小天使陪住佢~
仲有咁多朋友們~佢一定唔悶啦~
DIDI~唔好咁自私~要同朋友一齊玩摩天倫呀~


因為某D原因...平時要咁擺...
不過放心啦~我同兔爸已經留左個位比你~
你等多陣啦~~~
你永遠都係我地既一份子~#^65^#



** 呢度真係好多謝咁多位兔友既關懷~
   我知道你地有D O係彩虹橋既小朋友一定會同DIDI做朋友~
   所以我知道佢一定會生活得好開心~ #^49^#
   希望大家既兔地都健健康康~:038:
   雖然我暫時唔會再養兔仔住~不過我就會成日上黎同大家傾計~~ 打搞晒~~ :037:

[ 本帖最後由 kwaikwai 於 2009-7-22 12:30 AM 編輯 ]

didi, 記得見到豆豆的話同佢講豆爸好掛住佢！！

DiDI, 要玩得開心Ｄ！！

我的豆豆也走了28日，我到今日也會突然掉眼淚，今日見到這篇文，我又想起豆豆走的一刻，一個個30歲的大男仔，係OFFICE突然掉淚，多可笑~~~估不到豆豆完全攻佔了我的心......

自責~~掛念~~遺撼~~回憶~~內疚，到今日仍未消失，這些我是完全明白！！希望時間能夠沖洗所有，只餘下思念及快樂的回憶。我想豆豆同DIDI都唔想我地背負遺撼走之後的路.....但真的很想念豆豆

能遇到他們，是我們一生一大幸運，而家佢地都要回去來的地方，又或者已轉生，來到人世，等同你我重遇！你話係咪！？